بديل للبولو 99

**Islam_galal** · 13-06-2007 04:09 PM

السلام عليكم
الحقيقة أنا معي بولو 99 بالتكييف (استهلاك بنزين ممتاز و صالون واسع و صاج اكتر من رائع و إداء محرك رائع في فئته) و كنت بفكر في عربية بمواصفاتها و تكون زيرو
حد عنده فكرة عن البولو 2007 و الفرق بينها و بين السريون أو أي عربيه من نفس الفئة

**معاذ الشرباصى** · 13-06-2007 04:38 PM

انا معايا نفس العربية بولو 99

للاسف العربية البولو الجديدة ب 100 الف جنيه, و فقيرة فى كمالياتها :يعنى الكماليات العادية فقط و تجهيز كاسيت)

فى الابيزا بتنزل دلوقت ب 93 الف ب ABS, Airbags, EBD و سى دى كمان و دى المانيوال منها ب 93 الف

للاسف الاوروبى كله غالى بسبب استمرار ارتفاع سعر اليورو

السيريون جميلة, لكن علشان تركب سيريون بكل الكماليات لازم تبقى اتوماتيك و انا مبحبش الاتوماتيك, لو بالنسبة لك مش فارقة هى جميلة جدا و شوف تقييم ابو عبد الله لها فى رووم الدايهتسو

بس يظل ارتفاع اسعار العربيات الاوروبى, بالاضافة لارتفاع اسعار قطع غيارها عائق امام اقتنائها

**Islam_galal** · 14-06-2007 12:47 PM

السلام عليكم
أخي العزيز معاذ أخبار البولو معاك ايه
بصراحة انا مبسوط بيها جدا بس خايف تبدأ مشاكلها (بقالها 8 سنوات) وخصوصا اني معنديش خبرة كبيرة بيها
علي انا لسة شاريها من 6 اشهر و حتي الآن أكتر من ممتازة

**معاذ الشرباصى** · 14-06-2007 04:29 PM

العربية فعلا ممتازة

انا معايا الفاضية خالص من غير اى كماليات, هى العربية والدى جابها و هى زيرو سنة 99, و عاملة دلوقت 195 الف ما شاء الله من غير اى مشاكل حقيقية تقابلنا, هى حاجات بس عمرها افتراضى بيخلص و بتتغير

لكن فيها مزايا كتير صاج قوى جدا, ثبات اكتر من ممتاز, عربية سواقتها سلسة جدا, استهلاك منخفض للبنزين, موتور تسارعه جيد بالنسبة ل 1000 سى سى

يعيبها العفشة الناشفة, ضيق الصالون نوعا ما, قطع الغيار غالية شوية, التابلوه فيه عيب شوفتوا فى معظم العربيات من الموديل ده و حصل عندى ان زرار الانتظار بيفك من مكانه

ده اللى فاكره دلوقت, بس الصراحة العربية فى المجمل ممتازة, و انا متمسك بيها و حتى لما بفكر اغير بفكر اجيب الموديل اللى بعد كده, شكله اجمد و انا مرتبط بيها فعلا

بس اهم حاجة حافظ عليها كويس و اعمل صيانة اول باول و هى مش هتعمل معاك اى موقف بايخ ان شاء الله

و تحت امرك فى اى سؤال

**goodwave** · 15-06-2007 02:03 PM

السلام عليكم
حد من الناس الطيبين اللي معاهم بولو عاوز يبيع؟ بس ياريت يكون في الاسكندرية.
وكام السعر المطلوب؟

وشكرا

Goodwave
If you have not tried, you have not lived

**Islam_galal** · 17-06-2007 02:48 PM

خالص شكري لأخي معاذ الشرباصي

**معاذ الشرباصى** · 17-06-2007 03:14 PM

العفو يا استاذ اسلام

انا تحت امرك فى اى استفسار فى اى وقت :)

الموضوع: بديل للبولو 99

LinkBack

أدوات الموضوع

عرض

-

-

-

المواضيع المتشابهه

بديل لتوك توك مصر !!

بديل اوبيروس، كيا vg 2010

بديل العمرة

بديل الـ Abs

بديل البطاريه

الكلمات الدلالية لهذا الموضوع

المفضلات

المفضلات

ضوابط المشاركة