مطلوب المساعده فى أفضل سياره مستعملة بمبلغ من 28 ل 30 الف

**fouady** · 17-01-2010 02:38 PM

المشاركة الأصلية كتبت بواسطة alaaeldeinm

و الله يا جماعه انا خلاص هاموت من الحيرة
انا معجب جدا بالبونتو 94 بس ناس كتير تقولى ان قطع الغيار غالية شوية
و كمان سعر اعاده البيع
وناس تانية بترجح الاسكودا فيليشيا 97 و بيقولوا انها اوسع شوية و قوية
ياريت حد يفيدنى عشان اخد قرار لانى تعبت من الحيرة

مين قال إن البونتو قطع غيرها غالية مش غالية وأنا شيفها احسن واحدة بصراحة أنا لو مكانك هجيب بونتو نضيفة كده هتبقى 100 100 عربية قليلة الاعطال

**shouk_1987** · 17-01-2010 03:09 PM

المشاركة الأصلية كتبت بواسطة أبو صلاح

مش هقدر اقول ثابتة 100% بس معقولة جدا
لاكن افضل واقصى سرعة تحكم 120

ايييه يا جماعة دا أنا جايب بيها 175 و مصورها هابقى جيبلكوا الصورة
بس كانت فعلا هاتقلب عصفورة

**shouk_1987** · 17-01-2010 03:15 PM

المشاركة الأصلية كتبت بواسطة abohassan

طيب بالمناسبه بما انه كان من ضمن الإقتراحات الاوبل ..أيه رئيكم فى العربيه دى

أوبل كورسا موديل 95 :
- 1200 سى سى - اللون احمر - الحاله ممتازه زى الزيرو فابريكه داخلى وخارجى - حالة الموتور ممتازة - عامله 85500 كيلوا - تكيف ممتاز - فتحة سقف - زجاج قدام كهرباء - مريات كهرباء بسخانات - حالة العفشه ممتازه - بطاريه وإطارات جديده - راديو blaupunkt ألمانى أصلى بالكود - لاتحتاج اى مصارف بالكاتالوج - مطلوب فيها 39500 نهائى ..

هو فى 95 كانوا عملوا مرليات جانبية بسخاااان
ما غليطش قلى قال على الألمان ماكن

**AhmadKamal** · 17-01-2010 03:23 PM

المشاركة الأصلية كتبت بواسطة abohassan

السلام عليكم ورحمة الله وبركاته

إلى أعضاء المنتدى الأعزاء ...

إن شاء الله ناوى أشترى عربيه مستعمله .. ومليش خبره فى العربيات فاياريت تساعدونى فى تحديد
ايه هيه نوع العربيه المستعمله الى ممكن اجيبها فى حدود الإمكانيات التاليه :
- ياريت بلاش 128 .. عاوز حاجه ناعمه شويه فى سواقتها
- مبلغ من 28 ل 30 الف ولو الموضوع زاد ألف ولا الفين مش مشكله ...
- مش كل شويه عند الميكانيكى يعنى حاجه تكون اعطالها قليله ...
- إن شاء الله ها أسافر بيها حوالى مرتين فى الشهر حوالى مسافه 350 كم ...

Suzuki Swift

Excel

Scoda Felecia

**elshankoty** · 22-01-2010 12:23 AM

والله ممكن تشترى عربية يابانى موديل 84 ميتسوبيشى كولت والله العربية حكاية بس عايزة صرف حوالى 3 - 5 آلاف جنيه وتكون عروسة وعلى فكرة أنا كنت بأسافر بيها المنيا صد رد ود حصل حوالى 12- 15 مرة وقطع غيارها موجودة فى الوكالة ومتوفرة يعنى مش هتعطل على حاجة وعلى فكر أنا عايز فيها 16000 وشد إنت بالباقى وخذ عربية وإدعى لى ( لو فكرت فى الموضوع إتصل بى 0105383663 )

**kimo911** · 23-01-2010 02:32 AM

المشاركة الأصلية كتبت بواسطة ehab_mansour

يا أفندم مين قال لحضرتك ان الابيزا واطيه ومين قالك انها سيئة حالة حضرتك دي فردية فياريت ما تعممش كلامك علي كل الابيزا
انا معايا ابيزا 98 اشتريتها بقالي سنة ونصف تقريبا محركها 1000 سيسي وبتعمل معايا بفضل الله من 300 الي 350 كيلو في ال 20 لتر بستخدمها في االشغل دايما والسفر يعني عملت بيها حتي الأن 62 الف كيلو عالية جدا عن الأرض حتي ولو محملة بكامل العدد سحب وقوة وسرعة لا اعتقد انك تلاقيها في عربية في فئتها عاملة حتي الأن 253500 كيلو متر ولم يفتح محركها ولا توجد بها اي مشاكل حتي الأن منذ شرائها ما عملتش اي حاجه في العفشة

اي خدمه عايز تاني لو عايز تاني قلي
اخي الفاضل صاحب الموضوع وغيرك من الحائرين اهم شيء هو حالة السيارة العامة عند الشراء
وربنا يوفقك والله علي ما اقول شهيد
ملحوظة الألماني عامة قطع غياره غالية ولكن معمرة جدا ولكنها ركوبة تانية خالص
والله الموفق

لا يا باشا مش عايز كفاية كدة

**pro_samir** · 23-01-2010 04:59 AM

ضيف عليهم لانسر عيون صفية و الأكسنت

وانا كنت محتار زيك كدة من ست شهور واتفرجت على معظم العربيات اللى مذكورة فى الموضوع

لحد ما ربنا وفقنى للتويوتا استارليت والحمد لله تمام ومبسوط منها

تحب أقولك مميزاتها ولا كفاية حيرة ؟ هههه

**ehab_mansour** · 23-01-2010 08:20 AM

المشاركة الأصلية كتبت بواسطة kimo911

لا يا باشا مش عايز كفاية كدة

اي خدمه

**Abdm** · 24-01-2010 04:56 PM

المشاركة الأصلية كتبت بواسطة أبو صلاح

انا كان معايا العربية دي
وفعلا كلامك مظبوط جدا وليها مميزات اكتر من كده ميحسهاش غير اللي ركبها
وعلى فكرة العربية واسعة جدا جدا من جوه
تجري لحد 140 متقولش لأ بعد كده يبقى انت هتنتحر
انا بتكلم عن العصفورة
كنت بفولها لما بتكون على الارض ب 27 ج
كانت بتكفيني 5 ايام عمل ذهاب وعودة باجمالي تقريبا 35 ك ومعاها كمان مشوارين في رينج 75-100 ك
بره البلد الكيلو بيعل من 13-15 ك مع حمولة 4 أشخاص

أنا أنصحك فى المستعمل تشوف العربية دية الكيا برايد العصفورة عربية ممتازة بس أنت فعلا محتاج ميكانيكى يكون عندة ضمير يكشفلك عليها كويس وهى عربية ممتازة . وما تنساش تصلى صلاة الاستخارة وربنا يوفقك