الموضوع: مشكلة خاصة تخص احد اصدقائي رجاء الرد

المشاركة الأصلية كتبت بواسطة hatem_badawe

انا رأي خلاص كدة كفاية

انك تحاول تشتري ودهم بهذة الطرقة

عيش حياتك ومتنكدش علي نفسك وحياتك وبيتك وخليك في عيلتك الصغيرة مراتك واولادك

انا حاسس انك عملت الي عليك ولهفتك ليهم ذيادة اوي لدرجة انك تعيط وعاوز تنتحر علشان مش عايزين يكلموك

اخواتي يا استاذ حاتم

المشاركة الأصلية كتبت بواسطة noureymo

انا محمد صاحب المشكلة

عاوز اضيف حاجة على كلام احمد انا رحت اشتريت هدية قيمة جدا وحاولت ابعتها بيت بابا الله يرحمه لكن للاسف ما كانش في حد في البيت ألت ممكن تكون محاولة مني للصلح يما يلاقوني جبت هدية للعروسة
والله انا محتار وحاسس اني غرقان وخلاص عاوز انتحر يا جماعة حاسس بالدونية حاسس بالغدر مش عارف اقول ايه تاني لكن انا في انتظاعر ردود حضراتكم لو امكن.
شكرا يا شباب على الاهتمام

يا باشا ولا تزعل نفسك كده ..... لازم تاخد الأمور بهدوء عشان تقدر تاخد قرارات سليمة

أولاً عاوز أقولك إنك كده مزودها حبتين ....... يعنى حضرتك زعلان و متنكد عشان الخصام اللى بينكم فى حين هما مش مديين الموضوع أى أهمية ..... يبقى حضرتك تهدى نفسك كده و تشوف إزاى نحل المشكلة
و متهايألى حضرتك جربت طريقة إنك تبقى طيب قوى معاهم و تروح و تتمسك بيهم و تظهرلهم إنك نادم على اللى عملته ..... ومنفعتش

عارف حضرتك الندم اللى حضرتك بتظهره ده بيضعفك قدامهم .... فى حين أنا شايف إن الموضوع مش مستاهل ...... أقصد يعنى إن الخناقة اللى حضرتك عملتها مش مستاهلة ده كله ...... حضرتك اللى كبرت الموضوع فى دماغك و برضه كبرته عندهم ..... لغاية ما حسستهم إن الغلطة اللى إنت عملتها شنيعة و لا تغتفر

متزعلش من كلامى .... أنا صدقنى مش متحامل عليك .... لكن أنا بقولك الحاجات اللى حضرتك عملتها و نتيجتها

حاجة تانية ...... بما إن حضرتك أكبر واحد فيهم و بالطيبة دى يبقى أكيد هتلاقى تمرد (أسف على اللفظ لكن هو كده فعلاً أو قريب من كده) من أختك الصغيرة اللى هى شقيقتك
اللى خلانى أقول كده إن هى بما إنها أختك كان المفروض تنحاز ليك أو حتى تحاول توفق بينك و بين جوزها ....... لكن من كلامك فهمت إنها هى سبب القطيعة .... ( عندى سؤال بس هنا إيه دور زوجة والدك هنا يعنى فى القطيعة؟) ( وسؤال تانى هل العلاقة بينك و بين أختك دى كانت كويسة قبل الخناقة ولا برضه كانت متوترة؟)


بالنسبة لحضور الفرح ده هيتوقف على حاجات معينة:
يعنى أهم حاجة ...... العروسة اللى هى أخت حضرتك هل هتكون متقبلة حضورك و سيبك من أى حد تانى ..... إنت رايح عشانها و ميهمكش أى حد غيرها هى و جوزها .
و لازم تقول لأختك إنك هتحضر فرحها و تشوف هى موقفها إيه و يا ترى هتقولك على المعاد و لا هتخبى عليك ؟ ...... لو حسيت إنها فى صفك أو متقبلة إنك تحضر يبقى تروح ...... و لو مش متقبلة .... يبقى تحاول تصالحها بأسرع وقت و تخليها تقف جنبك فى مشكلتك ........ يعنى تكلمها بصراحة على المشكلة و بلاش برضه تظهر إنك متمسك بالمصالحة قدامها و تقعد تتطلع نفسك غلطان عشان زى ما قلت لحضرتك الطيبة دى ممكن تجيب نتايج عكسية ..... لأ تكلمها بصفتك أخوها الكبير اللى المفروض تحترمه و تقف معاه فى أى مشكلة...... المهم دى تكون أول خطوة بما إنك عاوز تحضر الفرح
و زى ما قلتلك ميهمكش حد ..... اللى مش عايز يصالحك إنت عملت اللى عليك ...... أنا بقولك كده مش قصدى إنك خلاص هتفضل مخاصمهم .... لأ حضرتك هتصالحهم إن شاء الله .... لكن متظهرش إنك مهتم بيهم ..... كل اللى يهمك أختك اللى هتتجوز ..... ده طبعاً فى الفرح

و هكمل كلامى معاك ..... بس بعد ما أعرف تعليقك على كلامى ..... و هل هينفع و لا مش مناسب ؟

و من رأيى إنك تستغل المميزات اللى عند حضرتك و لو حتى مش ظاهرة قدامك لكن هنكتشفها مع بعض ..... المميزات دى مثلاً زى لو فى حد واقف معاك من أخواتك أو حتى حاسس إنهم كده مزودنها شوية و كده يعنى ...... هنشوف إزاى نستغل الحاجات دى

و براحتك فى الرد و بلاش تاخد قرارات متسرعة أو بدافع العواطف ..... لأنهم كده مش مقدرينها ......على الأقل فى الوقت الحالى

و أرجوك مش عاوزك تفهم كلامى ..... إنى بقولك دول وحشين و ميستهلوش ... لأ طبعاً دول أهلك ...... لكن إنت لازم تقوى موقفك شوية قدامهم

أوك يا باشا
خد وقتك و فكر براحتك و متزعلش نفسك ...... الدنيا لسه بخير ...... إحنا بس اللى مش فاهمينها ;)

المشاركة الأصلية كتبت بواسطة 3mr Farrag

من غير حساسيه في المضوع نحاول نتكلم بالمنطق شويه....
يعني انا شايف من طريقتهم كده (من غير ما تزعل) انهم مش فارقه معاهم اوي.....او زي ما قال بعض الاخوه ان حضرتك
شيفينك تاعب نفسك و متاثر اوي بالخصام ....فممكن يكونبيتقلوا نفسهم عليك
بس رايي زي مقال برضوا بعض الاخوه انك تروح الفرح و اعمل الواجب ....بس خليك خفيف في التعامل معاهم ... يعني تحاول تخلي معظم تعاملك مع اختك ....و يادوب اخرك تسلم علي الباقي في البدايه
و فرح اختك انك واقف معاها ...و اقعد لأخر الفرح....
و بكده تكون عملت اللي عليك و زياده اوي.....و لو حد اتكرم و كلمك و حاول عمل مصالحه يبقي خير و بركه
لو محدش اتكلم و بدأ بالمصالحه.....يبقي شوف حالك و بيتك و متوجعش دماغك....
و ربنا يعينك

كلام الأستاذ عمر صح 100% و هو ده اللى المفروض تعمله لو حضرت الفرح

بس يا باشا انا مش عايزك تضايق ولا تنتحر ولا اى حاجه من الكلام ده
لان حضرتك بتعمل الصح معاهم ومع ضميرك وكل خطوة بتعملها بتاخد عليها حسنات
كمان انت الكسبان مش هما ابسط حاجه انت كاسبها الحسنات اللى بتخدها
وبعدين انت كده عملت كل حاجه ممكن تتعمل فاضل انك تروح الفرح عادى جدا وتسلم على الناس وتقعض وتجامل اختك وعريسها
وفى الاعياد تكلمهم وما تخدش الموضوع على اعصابك وهما لما يحسوا بغلطتهم هايبدؤا يكلموك وماتخافش يا صاحبى الدنيا دوارة ولازم تعرف كده كويس
واكيد اكيد حقك هايرجعلك فى يوم من الايام وخاصه ان انت الكبير بيعز عليا انك تعمل كل ده وما يتحركش منهم شعرة واحده
استمر فى مكالمتهم بصورة طبيبعه مش بصورة انك تستاسمحهم وعيد عليهم وفى المناسبات جاميلهم
وإن غدا لناظيريه قرييييييييييييييييييب