الموضوع: هو مين التاجر الاكتر امانة اللى بيبيع خليجى لو سمحتم؟

المشاركة الأصلية كتبت بواسطة cameeron

يا دكتور تيمو الانواع على حسب كل تاجر بس بيبقى عندهم معظم الانواع و مميزات الخليجى ساعات بيكون ارخص من الوكيل و ساعات الاوبشنز اكتر بكتير و ساعات تالتة بتبقى جودة تقفيلها افضل و ساعات كل ده مع بعضه و لو تاجر نص كم هيديك عربية معيوبة و تخسر كل ده فعلى حسب

الف شكر ياكميرون باشا علي الرد ويارب نغلب نيجيريا النهردة

المشاركة الأصلية كتبت بواسطة dr_timo

الف شكر ياكميرون باشا علي الرد ويارب نغلب نيجيريا النهردة

العفو و يا رب

المشاركة الأصلية كتبت بواسطة omar91119

ايوه كده يا اخونا بس ناشونال موتوز بيبقى عنده تشكيله كويسه من العربيات وبصراحه انا اعرف ناس جابت من عنده مشتكتش من موضوع ان عربيتهم فيا عيب

عمتا الى يقابله حاجه يقول والنصيحه تعم

تحياتى

هو فعلا عنده اكبر تشكيلة من السيارات المستوردة لانه ببساطة اكبر تاجر سيارات مستوردة فى مصر بس للاسف الحركات النص كم اللى بيعملها مع الزباين اللى بتشرب عربيات مش تمام و ده مش دايما بس بتحصل منه بتقلل من قيمته كتير و يا ريت زى ماذكرت اى حد عنده تجارب يحكيلنا و كلنا بنستفيد

لا يوجد تاجر بيبيع خليجى او بياع لدى هذا التاجر لديه أمانه او محترم الا من رحم ربى لكن انا لم أقابله

المشاركة الأصلية كتبت بواسطة SAiF3S

لا يوجد تاجر بيبيع خليجى او بياع لدى هذا التاجر لديه أمانه او محترم الا من رحم ربى لكن انا لم أقابله

يا سلام يا استاذنا صح جدا لانه اللى بيبيع بفلوس كتير و نادر ما حد يحاسبه الا جهاز حماية المستهلك اهو يعنى يادوب بادى بس احنا سؤالنا نسبى مش لازم مية مية بس يعنى تمنين تسعين المية

المشاركة الأصلية كتبت بواسطة احمدعبدالعزيز

انا كمان اشتريت من تاشيونا موتورز جيتا خليجى فى اغسطس الماضى لصديق ليه والناس محترمه جدا ...

وعلى فاكره انا من اسكندريه وسافرت مخصوص عشان اشترى من القاهره لان السعر اقل والكماليات اكثر

شكرا يا استاذ احمد و تحياتى بجد و مبروك على العربية و ربنا يباركلك فيها و عاوزين نقرا اكبر كمية من التجارب سواء كانت كويسة زى تجربة حضرتك او لا