انا بقي شغال في الأسكندريه - سموحه في عمارة اللوتس وبركن عند التامين
كنت لسه جايب العربه وبتعلم السواقه والركنه دي كانت عقدة حياتي
كان هناك سايس اسمه سيد وكان ضخم ويلبس طقيه كده زي الكاوبوي
كان لما يشوفني من بعيد الاقيه محضرلي الركنه ويمسح العربيه وكان مروقني
بصراحه كنت بدور عليه عشان اديله الفلوس لما مبليقهوش لانه فعلا كان يستاهلها
ده حتي كان بيجيب رمل وحاجات يصلح بيها الحتت اللي المجاري بوضتها عشان يعمل مكان للركنه
لحد ماجيت في فتره مبقتش الاقيه وبعديها لقيت واد قصير كده يشوفني جاي اركن يسيبني ادور لحد ماركن واول ماركن واجي انزل الاقيه بيفتح الباب
اديته كذا مره وبعدين رحت يوم كنت راكن قدام مخزن ولقيت وش العربيه في الشارع والشنطه مطبقه
طبعا كان صاب المخزن عايز يحط حاجات فيه فزق العربيه من وره باكصدام الشيروكي
وبعديها قمت مصدر الطرشه لصاحبنا احد ماجه في يوم لقيته بقولي انا ذعلتك في حاجه يابشا قمت مديهمله
بيقولي خلاص ياباشا انا مش هتعرضلك تاني بس لوجيت يوم لقيت العربيه مخبوطه متزعلش عشان انا مش هاجي يممها
نفضتله والعربيه محصلهاش اي حاجه
اللي زعلني اني عرفت منه انه ابن اخت السايس القديم وانه كمان مات
الله يرحمه ويرحمنا جميعا من قرفهم
المفضلات