الموضوع: للي مقدم على شراء لانسر الشكل القديم دي عيوبها بكل صراحة وبدون تعصب !!

1-صوت المتور عالي نسبيا بس مش قوي

ماختلفناش

2-عزل العربيه كويس بس مش زي الكرول

عزلها مقارنه بسعرها إللي عدى ال 100 ألف للأقل فئة يعتبر مش كويس خالص يعني لو قورنت بالإلنترا أو بأي عربية من فئتها حنلاقي الفرق

3

-العفشه صحيح ناشفه بس عملينها كده علشان هيا عفشه سبورت

وده بحد ذاته عيب لإن في طرقنا المصرية العزيزة مش عايزين العفشة السبورت في حاجة دحنا آخرنا 60 جوه البلد يعني عايزين عربية تريحنا في طرق مصر المكسرة أم بلاعات

-(لما تنزل الكرسي بينزل لوحده من غير مقعد الضهر) ده عيب بس متحسوش انا عن نفسي منزل الكرسي ومش حاسس بحاجه

مش عارف بس أنا لاحظت الموضوع ده

5-الكرسي بتعها مريح بس اكيد مش زي البي ام دبليو لان دي فئه ودي فئه تانيه خالص

وإيه إلي جاب الصحراوي للعتبة دلوئتي

6-البوار كويس جدا وعمرو ما تعبني

مش قوي يعني عندك الكورلا باورها مش كهربا ومع ذلك أسهل من اللانسر بشكل ملحوووووظ

-الاوتوماتيك اصلا مينفعش تحرق بيه لانه معمول علشان القياده المريحه وبالرغم من زالك مبيسخنش الا لما تكون بتحرق بيها بقالك ساعه (زيها زي اي عربيه

ساعات بتحس بشوية صهد من الجير حتى وإنتا مش حارئ

-تيل الفرامل بيصفر بعد ال20000 وده شيء طبيعي انتا لو رحت التوكيل هيقولك تغيرو بعد العشرين الف

مش شرط بعد العشرين اللاناسر إللي ركبتها وسمعتها بتصفر كانت قبل حتى ال 10000 تلاف

-انتشارها دليل على كفئتها

بس برضه أنا شايف إنتشاها الزائد عن اللزوم يخنق أما أكون دافع 120 ألف وأقف في الإشارة ألاقي عشر عربيات منهم 9 لانسر منهم 4 بنفس لون عربيني أكيد حتخنق

0-الكاسيت الاصلي اللي انتا بتتكلم عنو مش الاصلي بتعها لانو اصلا بينزل مع التيب سي دي وصوته زي اي عربيه ومتقارنليش بالبي ام

أصلي ياعم وحرجع أقول تاني وإيه إلي جاب الصحراوي للعتبة دلوئتي

في النهايه كل اللي ساق اللانسر قال عربيه مريحه في السواقه مش معنا كده انها عزل ميه ميه ونعومه ميه ميه لأ بس وانتا سيقها بتحس انك متحكم فيها تحكم تاااام وتريحك متتعبش من سوقتها

أنا ماقولتش إنها مش مريحة ولكن ناقصها شوية بهارات مهمة عشان تبقى بكفاءة إخواتها

يا جماعة بالراحة شوية على الللانسر لانها فعلا عربية ممتازة واثبتت جدارة مش فى مصر فقط لكن فى كل مكان لكن الموضوع ان المواصفات بتاعت كل نوع عربية مختلفة الفرنساوى غير الالمانى غير اليابانى فطبيعى ان نحس بفرق يعنى مثلا رينو كليو الفرنساوى الفرامل كانت ممتازة عن اللانسر بس دة سببة ان العربية كلها وزنها880 كيلو غير اللانسر 1500 كيلو تقريبا+ العفشة كمان نفس الشيء كاوتش 13 فى رينو الكليو مع وزن خفيف غير كاوتش 15 مع وزن اثقل وهكذا.....
انا كان معايا الكليو موديل 2005 ودلوقت معايا لانسر 1600 خليجى مانوال 2008 وماينفعش اقارن دى حاجة, ودى حاجة تانية. وشكرا

المشاركة الأصلية كتبت بواسطة onsi

يا جماعة بالراحة شوية على الللانسر لانها فعلا عربية ممتازة واثبتت جدارة مش فى مصر فقط لكن فى كل مكان لكن الموضوع ان المواصفات بتاعت كل نوع عربية مختلفة الفرنساوى غير الالمانى غير اليابانى فطبيعى ان نحس بفرق يعنى مثلا رينو كليو الفرنساوى الفرامل كانت ممتازة عن اللانسر بس دة سببة ان العربية كلها وزنها880 كيلو غير اللانسر 1500 كيلو تقريبا+ العفشة كمان نفس الشيء كاوتش 13 فى رينو الكليو مع وزن خفيف غير كاوتش 15 مع وزن اثقل وهكذا.....
انا كان معايا الكليو موديل 2005 ودلوقت معايا لانسر 1600 خليجى مانوال 2008 وماينفعش اقارن دى حاجة, ودى حاجة تانية. وشكرا

على فكره الكليو وزنها 910 كيلو والوزن محمله 1430 والحموله القصوى 2200

استاذ اسلام انا كل ما راكب العربيه بحاول الاحظ الملاحظات بتاعتك مش لاقى حاجه منها باستثناء العفشه الناشفه ومش ناشفه كمان زى ما انت مصورها
كمان موضوع الكاتوش الى صوته عالى وده انا شايف انه عادى

عن تجربة الانسر الخليجى 1600 عربية مشكلة فى العزل والعفشة والاهم التكييف ولكن فى مشكلة احس انها خفيفة شوية

للتصحيح فقط وزن العربية الانسر 1600 هو فارغة1200 كيلو كما موجود بالكتاب و1600 كيلو بالحمولة كاملة.

فعلا الكلام دا مظبوط وانا عربيتى لانسر سوبر اكشن العزل فيها مش كويس قوى وصوت الكاوتش عالى قوى بالنسبه للثبات افضل من كل العربيات اللى فئتها وطبعا بتكلم على النسخه اللى فيها عفشة رياضيه وبالنسبة للاستاذ ليمو الموضوع نسبى على حسب حضرتك كنت راكب قبلها ايه او ركبت سيارات تانيه ايه وعزلها على السرعات الواطيه كويس ولكن على 120 بيبقى فيه صوت هواء شديد ولكن دا لا يعيب السياره فى شىء لان عزلها مش وحش لكن مقبول ومش مزعج قوى

لو قارننا اللانسر بالإلنترا أو أي عربية تانيه حتفوز عليها بكل حاجة من صوت متور وعفشة وعزل وخلافه
ودا هدفي من الموضوع إنه ليه نشتري عربية بكل هذه العيوب
إيه الحاجة إللي موجودة في اللانسر تشدنا ليها وتخلينا نتغاضى عن عيوبها ؟
لو على إنها قليلة الأعطال طيب معندنا عربيات ياباني برضه قليلة الأعطال وبنفس الفئة السعرية لكن تتميز بجميع مقومات العربية الجديدة إللي أنا شايفها ناقصه في اللانسر