للي مقدم على شراء لانسر الشكل القديم دي عيوبها بكل صراحة وبدون تعصب !!

**mohaismail** · 13-12-2007 02:40 PM

احنا نروح القسم يا جدعان واللى ليه حق ياخده

**شاهين - بنز** · 13-12-2007 02:50 PM

وأخونا (شاهين -بنز) عرض رأيه وواجب علينا كلنا احترامه ومناقشته دون شخصنة ، ولا يستدعى الأمر أى ضيق أو حدة فى النقاش ..

ربنا يخليك ياباشا وده الي أنا نفسي أوصلوه

**mada121977** · 13-12-2007 04:06 PM

مع احترامى و تقديرى لجميع الاخوه الافاضل اللى ردوا و احترامى للاستاذ شاهين بنز انا معايا لانسر 2007 مانيوال مصرى و بفضل الله عامل بيها الى الان 10 الاف كم و بصراحه و اول مره اقول الكلام ده انا كنت متوقع انها تبقى احسن من كده يعنى كنت متخيل انى هاركب عربيه قمه النعومه و الرفاهيه بس فعلا لقيت ان العفشه ناشفه و صوت الماتور عالى و شويه ملاحظات صغيره اخرى حتى الاسره عندنا لاحظوا الكلام ده لان كان عندنا عربيه مازدا فاميلى موديل 2000 1600 سىسى كانت قمه الرفاهيه و النعومه و العفشه بتاعتها رائعه و ماتحسش باى مطب او حفره (العربيه المازدا فاميلى دىمن انضف و افضل العربيات اللى الواحد ممكن يركبها بس للاسف مالهاش سوق علشان غبور بييه فضل عليها الهيونداى) و لذلك كانت المقارنه دائما فى هذه النقطه لصالح المازدا برغم انها موديل 2000 والانسر موديل 2007 الا ان هذا لايمنع ان العربيه الانسر برضه ليها مميزات زى ما ليها عيوب زى اى عربيه وانا بعتبر ان انتشار العربيه دا اكبر ميزه ومش عيب لان قطع الغيار و الصيانه هتبقى رخيصه ومتوفره و سعر اعاده البيع من افضل مايمكن و لما تقول انا ببيع تلاقى اللى يقولك انا شارى على طول بعكس مثلا الفورد فوكس او السوبارو امبريزا (مع احترامى لملاكهما ) مش مرغوبه اوى مع انها عربيات رائعه وفيها تكنولوجيا عاليه بس تقول اييه فى سوق السيارات المصرى اللى متحكم فييه مجموعه من راسبى معهد النصب والاحتيال (على رأى الباشمهندس خالد سبعاوى)

**emam** · 13-12-2007 04:19 PM

المشاركة الأصلية كتبت بواسطة mada121977

مع احترامى و تقديرى لجميع الاخوه الافاضل اللى ردوا و احترامى للاستاذ شاهين بنز انا معايا لانسر 2007 مانيوال مصرى و بفضل الله عامل بيها الى الان 10 الاف كم و بصراحه و اول مره اقول الكلام ده انا كنت متوقع انها تبقى احسن من كده يعنى كنت متخيل انى هاركب عربيه قمه النعومه و الرفاهيه بس فعلا لقيت ان العفشه ناشفه و صوت الماتور عالى و شويه ملاحظات صغيره اخرى حتى الاسره عندنا لاحظوا الكلام ده لان كان عندنا عربيه مازدا فاميلى موديل 2000 1600 سىسى كانت قمه الرفاهيه و النعومه و العفشه بتاعتها رائعه و ماتحسش باى مطب او حفره (العربيه المازدا فاميلى دىمن انضف و افضل العربيات اللى الواحد ممكن يركبها بس للاسف مالهاش سوق علشان غبور بييه فضل عليها الهيونداى) و لذلك كانت المقارنه دائما فى هذه النقطه لصالح المازدا برغم انها موديل 2000 والانسر موديل 2007 الا ان هذا لايمنع ان العربيه الانسر برضه ليها مميزات زى ما ليها عيوب زى اى عربيه وانا بعتبر ان انتشار العربيه دا اكبر ميزه ومش عيب لان قطع الغيار و الصيانه هتبقى رخيصه ومتوفره و سعر اعاده البيع من افضل مايمكن و لما تقول انا ببيع تلاقى اللى يقولك انا شارى على طول بعكس مثلا الفورد فوكس او السوبارو امبريزا (مع احترامى لملاكهما ) مش مرغوبه اوى مع انها عربيات رائعه وفيها تكنولوجيا عاليه بس تقول اييه فى سوق السيارات المصرى اللى متحكم فييه مجموعه من راسبى معهد النصب والاحتيال (على رأى الباشمهندس خالد سبعاوى)

+ 1000000000000

**nobody** · 13-12-2007 04:27 PM

و الله يا جماعة انا كدا ابتديت أفكر أبيع العربية وأجيب مكانها ميجان مستعملة

يعني لو كل دي عيوب اللانسر يبقى مميزاتها؟؟

**hero** · 13-12-2007 05:18 PM

يا جماعه ايلي بيتقال دة مش عيوب.....
لازم نفرق بين عيب في السيارة ....وبين آداء اقل من المستوي المتوقع...
كلمة عيب ...دي يعني كارثة في العربية...زي مثلا مشكلة الفيرنا اول ما نزلت وكانت بتحدف وفيها عيب في العفشة....
لكن لما اقول ان صوت الموتور عالي....دة ممكن يكون مستوي اقل من توقع المشتري لعزل الكابينة...
لو العربية ناشفة...فدة مش عيب ...لان الناس كلها عارفة ان المساعدين كل قدموا ثبات اعلي كل ماكان نشوفيتهم اعلي برضة...ودة ممكن تغيرة لما عمر المساعد الاصلي ينتهي بمساعد تاني اريح في المطبات...

المشكلة ان الناس بتقارن العربيات ببعض ...علي اساس ان العربية ايلي مستوي الخدمة المقدمة فيها اقل من المتوقع يبقي دة عيب ......وانا باعترض علي المعني دة....ممكن الناس تقيم المستوي الادائي بدرجات من 1 الي 10 مثلا ....ولكن لا يعتبر عيب ...

العيوب ايلي ممكن يتقال عليها عيوب...زي كدة:
1-التكيف لا يعمل...او غير مؤثر اطلاقا..
2-العربية بتسخن...لدرجة ان في دخان بيطلع من الكابوت ولازم توقفها وتبردها...
3-مكونات السيارة تتهالك بسرعه مبالغ فيها ....

دي ايلي ممكن نقول عليها عيوب....

لكن كلام الاخ شاهين بنز....هو في محل مقارنة بين ما قدمتة متسوبيشي وما تقدمة باقي الشركات المصنعه...من حيث درجة جودة الخدمة المقدمة من السيارة...

وطبعا كل ما كانت جودة المنتج عالية ....كل ما سعرة زاد....

**Ahmed Anwer** · 13-12-2007 05:23 PM

المشاركة الأصلية كتبت بواسطة mada121977

كان عندنا عربيه مازدا فاميلى موديل 2000 1600 سىسى كانت قمه الرفاهيه و النعومه و العفشه بتاعتها رائعه و ماتحسش باى مطب او حفره (العربيه المازدا فاميلى دىمن انضف و افضل العربيات اللى الواحد ممكن يركبها بس للاسف مالهاش سوق علشان غبور بييه فضل عليها الهيونداى)

المازدا الفاميلي نازلة دلوقتي صيني ،،

شفتها عند اوتو ماجد ،، و الوكيل بتاعها فاتح صدره علي الآخر عاملها ضمان ثلاث سنين أو 100 الف كم ،، و كمان موقف عربية Test Drive للي عايز يجرب و منزلها أتوماتيك و اير باج و Abs و كل اللي نفسك فيه بسعر حاجة و ثمانين الف جنيه

http://www.haima.com/2006/english/

و طبقا لكلام الموقع بتاعها الصيني ،، الموتور و العفشة و الفتيس من توريد مازدا بالكامل و هما كاتبين كده بكل صراحة ،،

مش عارف ايه مصلحة غبور غنه يوقف سوق المازدا لمصلحة هيونداي أنا قريت التعليق ده كذا مرة بس شايفة مش منطقي ،، و هوا هيكسب فلوس في دي و هيكسب فلوس في دي