من فضلكم هل هناك مشكلة ؟

**smartman2009** · 26-01-2010 08:57 AM

المشاركة الأصلية كتبت بواسطة sv065

معرض فورميلا خلص يا شباب

ياتري حد حجز في المعرض؟؟

وياتري السعر هو هو في المعرض 59900 و 62900 ولا فيه إختلاف؟؟ ومواعيد التسليم إمتي؟؟

وهل فيه عروض خاصة هناك؟

شكرا

نفس الاسعار مفيش عروض

**assom** · 26-01-2010 10:02 AM

رحت احجز يوم 25 صباحا من معرض الأمل في شارع نزيه خليفه فقالولي ان الأسعار اتغيرت 63.000 لل gl و 67.000 لل gl-i والصراحة المعاملة زبالة والناس اللي في المعرض مالهاش علاقة بفن البيع اطلاقا فصرفت نظر تماما عن السيارة. لما المعامله كده قبل ما اشتري امال بعد ما اشتري حتبقي ازاي.

**mimo4019** · 27-01-2010 12:58 AM

المشاركة الأصلية كتبت بواسطة assom

رحت احجز يوم 25 صباحا من معرض الأمل في شارع نزيه خليفه فقالولي ان الأسعار اتغيرت 63.000 لل gl و 67.000 لل gl-i والصراحة المعاملة زبالة والناس اللي في المعرض مالهاش علاقة بفن البيع اطلاقا فصرفت نظر تماما عن السيارة. لما المعامله كده قبل ما اشتري امال بعد ما اشتري حتبقي ازاي.

هي لحقت تغلى وبعدين كنت تروح الفرع اللي عند دار الدفاع الجوي بس مش عارف هم لحقوا يبيعوا علشان يغلوا ؟؟؟؟؟؟؟؟؟؟

**smartman2009** · 27-01-2010 12:43 PM

المشاركة الأصلية كتبت بواسطة assom

رحت احجز يوم 25 صباحا من معرض الأمل في شارع نزيه خليفه فقالولي ان الأسعار اتغيرت 63.000 لل gl و 67.000 لل gl-i والصراحة المعاملة زبالة والناس اللي في المعرض مالهاش علاقة بفن البيع اطلاقا فصرفت نظر تماما عن السيارة. لما المعامله كده قبل ما اشتري امال بعد ما اشتري حتبقي ازاي.

واللهى انا اتصلت بيهم بس بالتليفون الراجل الرد علية قليل الذوق و قلت والهى مانا رايح

بسالو عن العربية يقولى مانت قريت الاعلان فى الجرنال هقلك ايه؟؟

قولتلو عاوز اعرف على الاقل الفرق بينهم و بعدين انت بتكلمنى وانت قرفان كده ليه؟؟؟ قلى معرفش انا الحج ميين ...فعلا مبيفهموش فى حاجة

**mimo4019** · 27-01-2010 02:59 PM

انا كلمتهم النهاردة مش ممكن قلة الزوق ديه قلي في gl وقال كلام وهو بيجري كده اللي اسمعته منه ان الموتور ميتسوبيشي فقلتله طب الأسعار قلي gl ب 62 وgli ب 67 فقلتله هي غليت كده ليه قلي غليت وخلاص اصل الضغط عليها عالي قلتله شكرا راح قفل السكة في وشي من غير ميقول حاجة مش ممكن كده والله

**sv065** · 27-01-2010 06:21 PM

صراحة حاجة تكسف وعييييب جدا جدا

ولو سمحتم ياريت السادة الأعضاء يبعتوا شكوي علي الفاكس الخاص بالإدارة حتي لو مش حيشتروا الماركة دي:-

22580573

وياريت مانكونش سلبيين يا جماعة ونقول مش لازم... لأ، أبسط حقوق العميل إنه يتعامل بطريقة مهذبة تجذبه للتعامل مع الشركة مش تنفره من التعامل أصلا

وعلشان يعرفوا الناس اللي بيمثلوا الشركة في التعامل مع الناس بيعملوا إيه؟؟!!

**tamagogo** · 27-01-2010 09:32 PM

صراحة حاجة تكسف وعييييب جدا جدا

ولو سمحتم ياريت السادة الأعضاء يبعتوا شكوي علي الفاكس الخاص بالإدارة حتي لو مش حيشتروا الماركة دي:-

22580573

وياريت مانكونش سلبيين يا جماعة ونقول مش لازم... لأ، أبسط حقوق العميل إنه يتعامل بطريقة مهذبة تجذبه للتعامل مع الشركة مش تنفره من التعامل أصلا

وعلشان يعرفوا الناس اللي بيمثلوا الشركة في التعامل مع الناس بيعملوا إيه؟؟!!

انا لسه شايف العربيه النهارده عند موزع وبصراحه العربيه ممتازه بالنسبه لسعرها الكواليتي بتاعتها فعلا حلوه لكن اللى مخليني خايف منها اني من قبل ما اشتريها وانا رايح ادفع فلوس بلاقي معامله زفت فتخيل لو فيه مشكله.

انا صعبان عليا ان العربيه تنضرب عشان الاسلوب الفلاحي بتاع التوكيل ده فبعت ميل باشرح فيه المشاكل ديه لبي واي دي الصين وياريت اللى متضايق من حاجه يبعت وانا متاكد انهم هيحافظوا على سمعتهم (حصلت مع شيري وبهدلوا التوكيل لصالح المشتري وفي الاخر بقى مبسوط جدا)
الاييميلات اهيه bydautoexport@byd.com

bydautoservice@byd.com

**abdullah_yousof** · 27-01-2010 11:34 PM

نفس اللي حصل معي النهارده الأسعار غليت والرد مش ظريف والحاج حاول يقنعني بال gl وان كويسة مع اني عايز gli

**samcar** · 27-01-2010 11:48 PM

المشاركة الأصلية كتبت بواسطة abdullah_yousof

نفس اللي حصل معي النهارده الأسعار غليت والرد مش ظريف والحاج حاول يقنعني بال gl وان كويسة مع اني عايز gli

اصل احنا شعب يحب خناقه- لو فى اى بلد تانى الناس بتتضامن ويحصل مقاطعه تامه للشركات اللى زى دى- لكن الحج ده تلاقيه مربط مع كام جهه حكومبه على كام شركه قابضه حراميه - يشتروا منه والكسر يترمى للافراد
والله لو عربيه حطير تغور من وش البقر دول