سيارتى سينيك موديل 2000 عاملة 211000 كم اشتريتها مستعملة . هى حالتها ممتازة جدا بس فيها لمبة الفتيس اللى فى التابلوه بتنور احيانا اثناء المشى وتختفى بعد اطفاء المحرك واعادة تشغيلة . روحت التوكيل فى المقطم قالولى ان فى سولونويد المفروض يتغير لكن ده برضه مش اكيد وممكن بعد تغيير الزيت.. الفتيس يتوقف تماما !!!!!!! طيب اذا كان ده كلام التوكيل يبقى ايه الحل ؟؟
ولما بحثت فى المنتديات الاجنبية عن هذه المشكلة فوجئت انها شائعة جدا جدا فى العربية دى ويمكن فى معظم الرينو وغالبا ينحصر العلاج فى تغير السولونويد او فى تغير الفتيس بالكامل . لكن ده برضه معناه ان الفتيس المستعمل من الممكن جدا تحصل فيه نفس المشكلة بعد فترة طالت او قصرت
ياريت اللى عنده خبرة فى هذا الموضوع يتفضل يقول لنا ايه العلاج وبكام وفين
..
المفضلات