هوندا ولا بولو

**Dejavu_exara** · 20-01-2010 01:48 AM

انا فى ادامى عربيتين واحدة هوندا موديل 1993 1500cc كاملة مانيوال عاملة 110 الف كيلو راشة برة بس مش راشة حاجة فى الدواخل بتاعة دكتور عاملة 40 الف جنيه والتانية بولو موديل 1997 1400cc مانيوال تكييف وسنتر بس عاملة 160 الف كيلو فابريقة برة وجوه عاملة 36 الف جنيه ياريت حد يساعدنى

**Yones** · 20-01-2010 02:08 AM

انا رايي الهوندا طبعا احسن بكتير يكفى انها هوندا وقابليتها للتعديل كبيرة جدا خصوصا الموديل ده
وكمان يكفى انها سيدان وبتجمع بين الشبابى والعائلى
بس طبعا لازم يتكشف على حالتها كويس جدا قبل الشراء
وربنا يوفقك ان شاء الله للاحسن

**Honda_lover** · 20-01-2010 04:12 AM

المشاركة الأصلية كتبت بواسطة yones

انا رايي الهوندا طبعا احسن بكتير يكفى انها هوندا وقابليتها للتعديل كبيرة جدا خصوصا الموديل ده
وكمان يكفى انها سيدان وبتجمع بين الشبابى والعائلى
بس طبعا لازم يتكشف على حالتها كويس جدا قبل الشراء
وربنا يوفقك ان شاء الله للاحسن

+1111111111

**N.a.j.d** · 20-01-2010 10:46 AM

كلام الباشا زي الفل

**omar91119** · 20-01-2010 12:49 PM

الهوندا ياريس وبعدين العربيه دى حتى لو لاقدر الله وحصل فيها حاجه هتلاقى قطع غيار ليها عند السوبر مركت

تحياتى

**romeo_6887** · 20-01-2010 04:30 PM

اكشف علي العربيتين كويس الاول
و انا من رأيي خليك في البولو

**Dejavu_exara** · 20-01-2010 09:32 PM

ربنا يخليكو ليا يارب هو انا روحت شوفت البولو النهاردة العربية كويسة بس عاوزة شوية شغل من برة هشوف الهوندا يوم الاتنين الجاى وهقولكو ايه الكلام عليها وفى كلام ان البولو دى تخلص على 31 الف ايه رايكو فى السعر لو تعرفو

**modiabbas** · 20-01-2010 10:12 PM

الهوندا طبعـــــــــــا و اكنها زيرو عشان عددادها 110000 بس

**ahmedyehia515** · 20-01-2010 10:41 PM

بص لو افترضنا ان حالة العربيتين ملائمة لسنة الانتاج، يعنى أصحابهم الأصليبين كانول بيسوقوا كويس الهوندا تكسب زى ما الشباب قالوا عشان حاجات مهمة اوى
1- الهوندا تنفع عائلية و تنفع شبابية و تنفى أى حاجة بعكس البولو اللى أكتر شبابية لو هاتش باك و عائلية لو سيدان.
2- قطع غيار الهوندا بوجه عام منتشرة بالذات للموديلات القديمة و كمان سهل اوى انك تلاقيلها فوانيس معدلة و كل الحاجات ده بعكل البولو اللى حتدوخ عشان تلاقى حاجة زى علبة الدركسيون أو جلبة مقص.
3- الميكانيكية فى كل حته حافظين موتور الهوندا و ممكن يشتغل فيه و هو مغمض بعكل البولو اللى تنتمى لفئة السيارات المغضوب عليها مع الفابياو الاودىو الألفاروميو عشان مش منتشرة و نادر لما تلاقى ميكانيكى كويس دايس فيها.

بسطبعاً فى الاول لاوم تشوف حالة الاتنين و تجيب غخر السعر عشان المقارنة تبقى احسن و ان شاء الله ربنا يكتبلك الأحسن ليك