حقيقة زيادة أسعار اللوجان

**amr.elsayed** · 23-01-2010 03:13 PM

المشاركة الأصلية كتبت بواسطة aelhossan

معتقدش انه في سبب مقنع للزياده

+1
طبعا مفيش سبب مقنع بالنسبة لينا احنا كمستهلكين .. لكن التوكيل عنده اسبابه اللى هم مقتنعين بيها
فى ظل السياسات الخاطئة لتسعير السيارات فى مصر ودة ينطبق على كل التوكيلات مش رينو بس
يعنى سلبية فى كل توكيلات مصر لكن ما باليد حيلة الشركة الام بتقول ملهاش دعوة وليها حق
المفروض ان يكون فى جهاز بيحمى المستهلك من زيادة الاسعار لكن الموضوع فى مصر
مختلف زى ما احنا عارفين كلنا .. لكن بينى وبينك على الاقل توكيل رينو احنا عارفين هما محتاجين سيولة اكتر ليه
لان هم فعلا محتاجين يحدثوا فروعهم .. واكيد عاملين خطط لانشاء مراكز خدمة جديدة فى مصر نظرا لوجود سيارة داخل التوكيل انتشرت انتشار كبير جدا
ودى حاجة جديدة على توكيل رينو فلازم يعملوا حسابها عشان حتى متأثرش على صيانة باقى الموديلات

**frhateg** · 23-01-2010 03:25 PM

المفروض تحديث الفروع من المكاسب الطائلة اللي بيربحوها من بيع العربيات فكلما باع اكثر الربح بيبقي اكثر يعني رفع السعر بالشكل ده افتراء و طبعا مفيش حد بيحاسبهم و ده المتبع في مصر في كل شئ .. الأسعار بتزيد في كل حاجة شوف اسعار المواد الغذائية من لحمة و سكر وشاي ... و المباني العقارية شوف اسعارها وصل لفين بالرغم من انخفاض مواد البناء من حديد و اسمنت .. و الحجة الأزمة العالمية طيب فيه حاجات كثيرة اسعارها نزل عالميا الا في المحروسة .وبدون ابداء الأسباب . و عجبي !!!!

**Col. Eng. Khaled** · 23-01-2010 03:47 PM

بعد إذن السادة الأعضاء عندي رأي مقتنع بيه من أيام رحلة البحث لتغيير عربيتي السابقة (رحلة كانت لمدة 4 شهور) ، الرأي دا كوّنته بالنسبة للتوكيلات بصفة عامة و كذلك التجار

فلوسي معايا و التوكيل و التاجر عربيته عنده ، محدش بياخد فلوسي مني بالعافية و لا أنا حاخد عربية منهم بالعافية و كل منا (أنا / توكيل أو تاجر) عقله في راسه .

تحياتي للجميع

**frhateg** · 23-01-2010 04:42 PM

المشاركة الأصلية كتبت بواسطة col. Eng. Khaled

بعد إذن السادة الأعضاء عندي رأي مقتنع بيه من أيام رحلة البحث لتغيير عربيتي السابقة (رحلة كانت لمدة 4 شهور) ، الرأي دا كوّنته بالنسبة للتوكيلات بصفة عامة و كذلك التجار

فلوسي معايا و التوكيل و التاجر عربيته عنده ، محدش بياخد فلوسي مني بالعافية و لا أنا حاخد عربية منهم بالعافية و كل منا (أنا / توكيل أو تاجر) عقله في راسه .

تحياتي للجميع

سيادة العقيد هو الكلام ده علي العربيات بس و اللي علي الحياة عموما يعني العربيات دلوقتي مش من الكماليات بمعني ان تاجر الخضار علي سبيل المثال بيتحكم في الأسعار زي ما هو عايز محدش بيحاسبه يعني منقدرش نقول فلوسي في جيبي و التاجر خضاره عنده لأن دي حاجة ضرورية و طبعا لأن التجار بيتفقوا علي سعر معين لصالحهم. و قيس بقي علي شتي مجالات الحياة .

**Col. Eng. Khaled** · 23-01-2010 04:59 PM

المشاركة الأصلية كتبت بواسطة frhateg

سيادة العقيد هو الكلام ده علي العربيات بس و اللي علي الحياة عموما يعني العربيات دلوقتي مش من الكماليات بمعني ان تاجر الخضار علي سبيل المثال بيتحكم في الأسعار زي ما هو عايز محدش بيحاسبه يعني منقدرش نقول فلوسي في جيبي و التاجر خضاره عنده لأن دي حاجة ضرورية و طبعا لأن التجار بيتفقوا علي سعر معين لصالحهم. و قيس بقي علي شتي مجالات الحياة .

مش عارف كلامي الجاي له علاقة و لا لأ

علشان كدا بدأت مشروعي لأني ركيب عربيات زي ما بيقولوا بلغة السوق و حاسس لإني عانيت كتيييير ، لنا زميل هنا قريب إن شاء الله حتلاقيه ينزل إعلان برضه عن معرض عربيات خاص بيه

و ركيب برضه بس أهو مجال فاهم فيه كويس جنب وظيفته الأساسية .

رأيي المتواضع ، أي واحد مننا عنده فكرة يخدم بيها نفسه و الآخرين و عنده الخبرة و المقومات إيه المانع إنه يبدأ (مش لازم في العربيات)........ عسى ربنا يقدرنا جميعا نعمل حاجة كوبية ترضي ربنا و فعلا نحاول نصلح الحال .

معلش طولت على حضراتكم و بعتذر لصاحب الموضوع لإني يمكن خرجت شوية عن الموضوع .

**ahmadalsattar** · 24-01-2010 12:47 PM

المشاركة الأصلية كتبت بواسطة taahmed

في البداية أحب اعرفكم بنفسي لأني مقل شوية في الكلام .. انا إسمي تامر الصاوي وعمري 36 سنة .. وباشتغل مهندس معماري في أحد الشركات الكبرى .. أحب طبعا كل أعضاء المنتدى لأني إستفدت كتير جدا منهم ..
بالنسبة للسؤال الرئيسي للموضوع .. انا حجزت اللوجان الهالف في شهر 12 وإنشاءالله الإستلام في شهر 3 .. أنا حجزتها عند الوكيل في فرع المعادي بالسعر القديم ب 63000 .. وبعد الزيادة كلمته وسألته إذا كنت حادفع الألف الزيادة عند الإستلام أو لأ .. فأجابوا بكل إحترام بإن الزيادة مش حتسري عليا .. وإنهم ملتزمين معايا بالسعر القديم ..

مبروك مقدما و يا ريت توافينا باى معلومه عن الاستلام لاننى برضه حاجز فى التوكيل و منتظر لكن انا حاجز الفول اوبشن و بالسعر الجديد 68000 اول يوم فى يناير

**hobby10** · 25-01-2010 09:46 PM

المشاركة الأصلية كتبت بواسطة ringoo

فعلا ردو عليا بايميل وقالوا انهم مالهمش دعوة .. دى حاجة تخص الوكيل
اتبعتلى ايميل تانى من المهندس شريف العالم .. وموضحش فيه اللى انا عايز اعرفه وهو سبب الزيادة
كل اللى قالوا ان سعرها زاد الف جنيه من اول يناير والكلام اللى احنا عارفينه
انا ماسكتش بصراحة وماصدقت فتحت حوار مع القائمين على التوكيل فى مصر ورحت باعت ميل اشتكيت فيه من كل حاجة وبالذات من مستوى الصيانة ونقص
بعض قطع الغيار (الميل كان للمهندس شريف العالم) وهو شخصية محترمة داخل التوكيل
انا بعت الميل دة بالشكوى دى لان فى كذا عضو اشتكى من موضوع الصيانة
المهندس شريف العالم بعت الشكوى لمدير خدمة ما بعد البيع المهندس خالد شلبى
والمهندس خالد شلبى بعت الشكوى للمهندس محمد عادل مدير صيانة فرع العامرية
المهندس عادل بعتلى رقم تليفونه ومش عارف ايه وياريت تكلمنى علشان نشوف الشكوى والحوارات دى
...............................................
النهاردة رحت عملت صيانة الالف وقابلت المهندس محمد عادل وعملنا جولة لعدة عربيات لوجان هاف وفول .. جديد وقديم .. جربت بعض الاشياء فى العربيات بالذات فى ما يخص الاهتزازات اللى فى العربية .. وتاكدت بنفسى من نظرية الهس هس
وطبعا كلنا عارفين نظرية الهس هس ..
طبعا فيه سلبيات فى التوكيل لكن بصراحة مش بالضخامة اللى انا كنت عامل حسابى عليها
ومن اكتر السلبيات اللى فى التوكيل من وجه نظرى .. ان التوكيل معندهوش الجرأة على التعديل فى السيارة
يعنى لو عندك حاجة مضيقاك حيعملوها .. لكن لو الحاجة اللى مضيقاك دى من تصميم السيارة يبقى ماتحاولش تخليهم يعملوا حاجة اسبيشيل عشان يرضوك .. الجزئية دى من اكتر السلبيات من وجه نظرى
...............................................
فى حاجة برضو لاحظتها على مهندسين الاستقبال انهم غير مدربين على التعامل مع العملاء
فى منهم اللى زوق جدا لدرجة تنرفز .. لانه بيحاول يهرب من سؤالك الصعب بزوقه .
وفى منهم تحس انك بتكلم سعد زغلول بجلالة قدره وكل شوية تبصله وتقول يا رب
صبرنى عليه لان مفيش حاجة تطلبها منه وينفذها زى الراجل الزوق التانى
...............................................
لكن داخل جدران الصيانة يوجد بعض المهندسين المحترمين اللى فاهمين شغلهم كويس
وفى منهم اللى بيكون عامل مهندس
................................................
انا استريحت بصراحة من الجولة دى لان شوفت عربيات لوجان كتيييير وقارنتها بعربيتى وتقريبا كلهم مشتركين فى بعض الملاحظات البسيطة التى يمكن التعايش معها بسهولة شديدة
................................................
[caution]
تم ارسال عدد من شكاوى مالكى اللوجان العامة الى رينو فرنسا من قبل التوكيل لمحاولة وجود حلول لها
مثل هزة دواسة البنزين واشياء اخرى لا نعلم عنها شيء ولكن الوكيل يعلمها
عموما التوكيل واحدة واحدة حانلاقيه بيتطور فى صيانة اللوجان وايجاد حلول لبعض الملاحظات العامة بالسيارة
مثل موضوع العازل الحرارى دة كان نتيجة شكوى التوكيل لرينو فرنسا واتوجد الحل سريعا نظرا لسهولة الحل
وان شاء الله خير
[/caution]

تعبينك معانا دايما كده ياعمرو

..... ومتفقة معاك فى كل اللى قولته....

انا احب اشكر عمرو جدا ياجماعة لانه وقف معايا جدا الفترة اللى فاتت لحد ما اطمنت على العربية وان ان شاء الله مفيش حاجة تقلق ...... شكرا ليك ياعمرو وربنا يجزيك كل خير ان شاء الله

**amr.elsayed** · 26-01-2010 12:22 AM

المشاركة الأصلية كتبت بواسطة hobby10

تعبينك معانا دايما كده ياعمرو

..... ومتفقة معاك فى كل اللى قولته....

انا احب اشكر عمرو جدا ياجماعة لانه وقف معايا جدا الفترة اللى فاتت لحد ما اطمنت على العربية وان ان شاء الله مفيش حاجة تقلق ...... شكرا ليك ياعمرو وربنا يجزيك كل خير ان شاء الله :s_thum1[1]:

العفو على ايه يا استاذتنا ومفيش تعب ولا حاجة .. وانا معملتش حاجة
بس بينى وبينك انا راضى عن مستوى الصيانة اللى فاتت كان فى بعض الاهتمام
بالذات لما جربنا عدة عربيات لوجان من كذة طراز .. واتاكدنا من بعض الملاحظات
انها مش موجودة فى عربيتك بس .. عموما الحمد لله ان المرة دى تكونى استريحتى شوية
وبطلى الهوس هوس .. ودة ما يمنعش من متابعة العربية دوريا .. وربنا يباركلك فيها ان شاء الله

-

الموضوع: حقيقة زيادة أسعار اللوجان

LinkBack

أدوات الموضوع

عرض

-

-

-

-

المواضيع المتشابهه

تأثير زيادة أسعار التراخيص وإرتفاع البنزين على أسعار السيارات الجديدة والمستعملة

حقيقة اللوجان 2

حقيقة اللوجان

حقيقة أسعار أنابيب البوتاجاز

الكلمات الدلالية لهذا الموضوع

المفضلات

المفضلات

ضوابط المشاركة