الكيا سيراتو بقت كتير اوى زى الفيرنا واللانسر

**أبو إياد** · 22-01-2010 01:59 AM

يااحمد باشا سيبك من موضوع العربيات ده بجد سلامتك والله بالدنيا ومافيها واديك شوفت بنفسك غلاوتك عند الناس اد ايه بس باردو لو عربيه المانى ولسه جديده من الصعب انها تتقلب بسهوله لو يابانى ممكن وده يدل ان مش اى عربيه زى اى عربيه
رغم انى من ملاك اليابانى فانا اعلم جيد جدا قدرات الالمانى بمعنى ان اللانسر 2007 فى الكماليات تعدل سياره المانى موديل 90 يبقى استحاله اقارن عربيه المانى موديل 2007 بنفس عربيتى وكذلك ماينفعش نقارن عربيه كورى بعربيه يابانى موديل واحد

**NoRmAl** · 22-01-2010 02:04 AM

المشاركة الأصلية كتبت بواسطة justs

عشان اللي بيفهموا في العربيات وركيبة زي ما بنقول قليلين ، كلوا بيمشي ورا الشكل وورا الناس وخلاص

شكرا

**أبو إياد** · 22-01-2010 02:07 AM

ههههههههههههههه رجاله الالمانى وصلت

**SAiF3S** · 22-01-2010 02:14 AM

المشاركة الأصلية كتبت بواسطة ahmed samy

و الله يا محمد انت كلامك صح و الحمد لله ان ربنا طلع الواحد سليم منها

موضوع لو كانت ألماني ده أنا برضه أوافقك فيه كان ممكن السيناريو يتغير طبعا

لكن أنا باتكلم عن عربيتي و اللي حصلي كموقف محدد

العربية براءة ..بالعكس دي كتر الف خيرها كمان

أصلي مش كنت ماشي عدل كده و قامت مقلوبة

دي كان لازم تتقلب ..والحمد لله انها جت على قد العربية الحمد لله الحمد لله

د أحمد ياريت لو كاتب عن تجربتك دى فى اى مكان فى المنتدى تدينى الرابط بتاعها ,بجد يهمنى اعرف حصل ازاى معاك كده

**أبو إياد** · 22-01-2010 02:17 AM

اكتر العربيات اللى بحترمها فى الكورى عموما هى الكيا وتقييمى ليها راجع بفضل الكيا اسبكترا 2004 عربيه فعلا تحفه فوق الخيال بالنسبه لفئتها بس مش عارف ليه مااخدتش حقها لا هى ولا السيراتو القديمه الاسبكترا بصراحه قوه موتور جباره فتيس اوتوماتيك ذكى جدا وسريع جدا وشكل جذاب والكيا النهارده ليها تاريخ فين من اوائل التسعينات الى الان فاكيد موضوع الحمايه ده موجود بالفعل بعكس الاسبرانزا كمثال واللى حصل لناس كتير منها فعلا قوايم ضعيفه جدا على عربيه ضخمه جدا ومافيش تناثق نهائى

**أبو إياد** · 22-01-2010 02:20 AM

اما العربيات الالمانى انا شوفت ناس كتير خرجت بعد حادث فظيع وبفضل الله تعالى فى المقام الاول خرجوا منها سالمين كمثال السيارات البى ام بالذات والباسا انا شوفتها تقريبا من غير ربع امامى (حوض) لكن صالون السياره ومقصوره السياره لم يحدث بها اى شىء نهائى وكأنها منفصله تمام عن الربع الامامى