يا خبراء الحقونى ادامى 316 اى 2008 كم 30000 حالة ممتازة ممكن تعمل كام اة على فكرة العربية المانى بسرعة ارجوكم
عرض للطباعة
يا خبراء الحقونى ادامى 316 اى 2008 كم 30000 حالة ممتازة ممكن تعمل كام اة على فكرة العربية المانى بسرعة ارجوكم
180 والله اعلم
يا خبراء الحقونى ادامى 316 اى 2008 كم 30000 حالة ممتازة ممكن تعمل كام اة على فكرة العربية المانى بسرعة ارجو
!!!!!!!!!!!
قولنا تفاصيل أكتر عشان نعرف نساعدك
حسب فيها فتحة ولا لأ وراشة ولا لأ ؟
الـ 316i موديل 2009 نازل عليها عرض شفته في آخر يوم في معرض فورميلا وقالولي حيستمر كام يوم بعد كده في التوكيل ....
بقت بـ 209 ألف بدل سعرها الأصلي اللي كان 230 ألف على ما أتذكر .....
الكماليات مش كل حاجه - انا بأتكلم عمن نفسى لأنى بحب القيادة - و معايا 316 2007 من الزيرو - ثبات و سرعه و تجمييع و safety - عندك مثلا ال DTC , DSC , ABS فى رأيى دى معمول فيهم engineering محترم علما بأن العربية وزنها أخف من سابقتها لكن ثباتها فى الملفات القاسية مع السرعه العالية ممتازة - انا جربت ملف صلاح سالم اللى بعد القلعه فى إتجاه مصر الجديده على سرعة 100 و مافيش أى تعويم او drifting
أكيد طبعاً متفق مع حضرتك إن الحاجات دي معمول فيها engineering جامد و جامد جداً كمان (اسألني أنا :Oc_sun1[1]: ) ، بس الفكرة إن فيه عربيات تانية كتير فيها الحاجات دي ، و بتأدي نفس الأداء و سعرها أقل من كدة ، يبقى حضرتك لم اخترت دي و دفعت فيه المبلغ دة كان عشان العلامة فقط ،
و ربنا يباركلك في عربيتك يا رب
لأ انا ماشتريتش علامه صدقنى - انا مش هندى ولا بتاع منظرة - انا بحكم عملى فى الهندسه سافرت كتير و رحت ألمانيا و دخلت مصانع عندهم و مصاع محركات مثل man الناس دى صدقنى أحسن و أرقى هندسه عندهم. عموما يا ريت حضرتك تقولى على نفس المستوى ايه عربيات موجوده و أرخص - أشكرك على ردكم الكريم
انا حاسس ان المنتدى هنا حيغيروا اسموا الى فولكسفاجن جروب. واحد يقول الجولف نازله من السما و السيد الفاضل بيقول انها احسن و ارخص من البي ام!!!! انا شوفت الجيتا اللي رقبتها بجنوط البي ام و الجيتا كانت ب 240 الف و البي ام ب 209 !!!!! يبقى حضرتك بتتكلم على ايه؟ الباسات الفاضيه معديه ال 250 الف! ببساطه مفيش اي عربيه بالسعر ده في مصر و تفكر تنافس البي ام حتى مصنعي العربيات التانيه مبيفكروش في ده اساسا!!!! و ثم لما البي ام يتقال عليها فاضيه بتبقى زي التوب لاين للفئات التانيه, 6 ايرباج + اي بي اس !!!
بهدوء شوية طيب يا سيدي الفاضل ، نتناقش بالمنطق ..
الزميل كان بيقول إن الفولكس فيها نفس النظم الهندسية و سعرها أقل ، و دة حقيقي ، لو بنتكلم على فئات متقاربة في السيارات يبقى في نفس وزن الفئة التالتة فيه ال passat (مش بتكلم فئة سعرية أنا بكلم فئة سيارات يعني segment D أو entry level luxury cars ) ، ال-passat فيها نفس النظم الهندسية ذي ال-ESP بكل مكوناته (مقابل لل-DSC في BMW) ذي ال-ABS و ال-EBD و ال-TCS (مقابل ال-DTC ) ، و كمان ٦ أيرباجز ، زائد كمان بقى فيها في الفئة الأساسية إلي هي بيزلاين طارة مالتي فنكشن ، و تكيف إلكتروني بتحكم مستقل للسائق و الراكب و نظام صوت أحسن كتير و كمبيوتر الرحلات و الاعطال ، موتور أقوى شوية (و إن كان فرق بسيط ) و كل دة و سعرها ٢٢٠ ألف مقابل سعر رسمي ٢٣٥ ألف لل-BMW 316i ،
طالما العربيتين ألماني و نفس الهندسة في الاتنين و فرق الكماليات لصالح ال VW يبقى إلي هيشتري 316i في الحالة دي هيكون بيجبها عشان الإسم فقط ، مش كدة ولا إيه !!
إسمحولى و بهدوء برضه: مافيش شك ان ال VW عربية محترمة و الباسات محترمة و فيها engineering و كماليات يمكن اكتر شوية من ال BMW316i-انا شايف إن الموضوع اساسا انت بتحب إيه و عاوز إيه! انا عن نفسى جبت ال 316 علشان مانيوال و دفع خلفى - انا بحب أسوق العربيات الدفع الخلفى - و المانيوال-إحساسى ان السواق و اللى بيحب القياده لازم يركب مانيوال علشان بيتفاعل مع العربية و بيحس بيها - الأتوماتيك اهو انت راكب و السلام - العربية هى اللى بتظبط نفسها فى الغيارات - هاتقولى فيه ستب ترونيك - هاقولك يا عم انا بحب انقل طبيعى بعصاية فيتيس و دبرياج - سلام عليكم
انا هادي والله و كلوا بالراحه. احنا بندردش و بنستفيد و ممكن بنفيد اللي بيقرأ ورانا. و شكرا للجميع في المنتدى على معلوماتهم و ارجو سعة صدر الجميع للنقد و الجدل المفيد و ليس الجدل بدافع الجدل
زى ما كنت باقول ان المانيوال - للبيحب السواقة- متعه تانيه خالص. بالظبط كده زى ما تعزف قطعه موسيقية على الجيتار أو تعزفها على أورج أو بيانو و انك تسمعها فى الراديو. ده بالنسبالى هو الأوتوماتيك بتسمع مزيكا حلوة فى الراديو.
المهم ان العربية دى أداءها بيتغير مع الوقت. بمعنى ان العربيه عند ال20000 كم غير عند ال10000 كم و دى أول ملحوظه حسيت بيها فى العربية دى. تانى حاجه بردو ان الأداء بتاعها و انت على RPM 3000 و 4000 غير تماما و انت بتسوق فى الرينج بين 2000 و 3000 لفه. لما بتوصل ل 5000 و 6000 لفه فى الدقيقه بتبقى راكب وحش و صوته و قوته رهيبة! فعلا 1600سى سى لكن performance بتاع سيارة رياضية حقيقية. منتظر تعليقاتكم و كذلك خبرتكم و لكم كل التحية
البي ام في المتعة مفيش كلام و العربية محترمة جداً و مشكلتها زي متقال انها غالية اوي....
انا ليا تعليق واحد عن التعويم و الدريفت....
العربية عمرها مهتعمل دريفت لوجود الdtc و الdsc....
لكن لو ينفع تقفلهم و تجرب العربية دفع خلفي و هتعوم في الملفات القاسية و ممكن دريفت زي اي عربية دفع خلفي.....لكن لا يعيبها لن الدفع الخلفي مشلته في الدريفت....
و انا بيني و بينك لو كان في امكانية غلق الdtc و الdsc مكنتش هتردد اني اجبها و السبب اني من عشاق الدريفت بكل انواعه.....و خصوصا لو كانت مانيوال......
و اسف عالأطالة و ربنا يباركلك في عربيتك ان شاء الله.....
السلام عليكم.....
طبعاً بيتقفلو حسب الرغبة ، ذي كل العربيات الجديدة ، لأن النظم دي كله السوفتوير ، يعني ضغطة زرار و يكونوا مقفولين ،
بس هي الفكرة إن العربية دي بموتور دة مفيهاش عزم كفاية تعمل دريفت ، هيكون ضعيف قوي ، و كمان وزنها التقيل مخلي التعويم فيها شبه مستحيل ،
و لكن في بعد الأحيان لو النظام مقفول (DSC off ) و عرضت على أرض فيها رمل هتعمل oversteer ، و دة اخرها :colsmil:
بس انا اللي اتقالي انه لازم IDRIVE عشان يتقفلو....
مش زي زرار الSPORT....
الدريفت ليها اكتر من11 طريقة مش لازم تستخدم اللي بتعتمد علي العزم.....
ممكن تستخدم فرامل اليد و ممكن تدوس دبرياج و بنزين جامد و تلف بعد كده تسيب دبرياج و ممكن تيجي فجاة جامد يمين او شمال ثم الاتجاه المعاكس بسرعة و تتحكم في الدريفت بالبنزين و سعات الفرامل.....
و الاهم ممكن تدوش فرامل جامد جداً فجاة(العربية تقيلة زي محضرتك قلت) فالوزن هيتنقل للامام مما يجعل العجل الخلفي يفقد التمسك بالارض و تتزحلق.....
و لسه حاجات كتير....
أصل انا بعشق الدريفت و نفسي اجربه بعربية حديثة......
و قبل اي حاجة اتعلمت الHEEl-TOE downshift لو تعرفه ده اهم حاجة لازم تتعرف قبل الدريفت.....
و شكراً:F_eyeb1[1]::E_braces[1]:
للأسف الحاجات إلي معتمدة على الموتور كلها (يعني إلي فيها بنزين و دبرياج و الحركات دي ) مش بتدي نتيجة كويسة ، عشان ضعف العزم و تقل وزن العربية .
يمكن بس الحاجات المعتمدة على الفرامل و بس هي إلي بتنفع ، لكن حتى الفرملة فجأة إعتماداً على إن الوزن هيتقل أدام و يخف ورا فتعمل دريفت مش بتنفع .. ليه ؟ عشان ال-EBD مش بيتقفل و دة كل شغلته في الدنيا إنه يمنع نقل الوزن للأمام في الفرامل المفاجأة ، يعني حتى دي مش هتنفع (واضح إن التكنولوجي جية ضد الدريفتات )
ال-heel-&-Toe مفيدة في تقليل زمن النقلة لو بتحاول تعمل ريس مع حد و خصوصاً في الملفات ، لكن للأسف ال-316i أصلاً مش مناسبة لهذا النوع من الشد ، لأن عربيات كتير هتجيب زمن أحسن منها
انا جربت الدريفت في بي ام قديم بموتور 2000 و كانت جميلة و مظبوطة و الصراحة انا غيرت فكرتي عن بي أم في الثبات لنها حتي لما بغلط و أزود بنزين جامد كانت بتظبط معايا.....
الEBD اللي مش بيتقفل ده مشكلة و دي مشكلتي مع الجديد أنه ضد الدريفتات مع ان بي ام بتقولك متعة القيادة الرياضية و مفيش قيادة رياضية ممتعة بكل الانظمة دي.....
الHEEL-TOE دي بتمنع العربية انها تترج و انت بتعمل downshift(تتسقط نقلة) و تظبط القوة بحيث انها بتعمل EQUILBRIUM بين الموتور و سرعة العجل.....فبتديك سرعة و تحكم في النقل و الجري....
و هي علي فكرة مش اي عربية تعملها لازم تغير دواسات البنزين و الفرامل(لو العربية مش متظبطة علي اسلوب قيادتك) يعني الفرامل اعلي بكتير من البنزين او ابعد....
فلازم تجيبهم نفس المستوي لنك بتدوس البنزين و انت دايس الفرامل و مينفعش تسيب فرامل و الا كل حاجة هتبوظ....
و ال316 فعلا مش للجري و اللعب و المتعة...... هي للعايز بي ام و يسوق بي أم و يبقي أسمه راكب بي ام......
لكن انا شايف انها عربية عادية فيها تكنولوجيا مش جبارة و مش وحشة.....
و ربنا يباركلك فيها و يحفظهالك من كل حاسد و عين....(انا اصلي مجرب العين و الحسد و عارف عواقبهم و مصايبهم:120146b:120146b ربنا يبعدهم عنك يا رب)....
الHEEL_TOE downshift ده لما تكون في سباق مثلا او بتشد مع واحد و جه ملف طبعا هتفرمل و تدوس دبرياج و تسيب بنزين و تسقط النقلة او نقلتين بعد توصل تاني مما يؤدي لخسارة في القوة و الوقت و العربية تترج لما تدوس تاني جامد....
فالHEEL_TOE ده بيخلي العربية مستريحة في النقل بدون اي خسارة في الوقت و لا القوة و لا تترج.....
و ده بيتم كالاتي....
مثلا ماشي عالتالت او الرابه او أي غيار....و عايز تسقط نقلة....
اولا هتدوس فرامل....
بعد كده تجيب الفتيس في النص(neutral)و تسيب دبرياج....
و و انت دايس فرامل تروح دايس بكعبك بنزين(زيادة عن 1500 RPM)
و متسبش فرامل باي حال من الأحوال (الا لو هتقف بقه او كده).....
بعد كده نسقط للنقلة اللي قبليها علي طول (يعني مش من الرابع للتاني)....
و تسيب دبرياج (و انت دايس فرامل برضه)....
بعد كده تسيب الفرامل و تدوس بنزين عادي....
بس كده هو ده الHEEL-TOE DOWNSHIFT.....
سهل جدا علي فكرة و الخطوات بتبقي سريعة جداً مع التعود.......
و اهم حاجة دواسات البنزين تكون في نفس المستوي و قريبين من بعض.....عشان ميحصلش حادثة (بعد الشر)....
هي مش هتفرق انهي عربية بتعملها 316 او غيرها( مانيوال دفع خلفي او امامي) و مش بتعتمد علي الموتور سواء صغير او كبير هي بس لبتوع السباقات و الدريفتات و الشد...
بس انا بعملها علي طول عشان الرجة دي بتنرفزني و علي فكرة في فرق جامد جدا لو بتسقط النقلة و انت بتجري بالتقنية دي....ده انا اتخضيت اول ماعملتها......
و لو في اي حاجة مش فاهمها كويس قولي و انا تحت امرك....:B4_282::satelite:
هي الميزة الحقيقية لل- Heel-&-Toe هي النقل السريع و توفير وقت تحريك القدم بين الفرامل و البنزين في كل نقلة ، لكن لو المشكلة في الرجة هي إلي مزعلاك يبقى متقلقش ، لأن حتى الرجة دي بتاعة النقلات حالتها ليك التكنولوجيا ، في الموديلات الجديدة فيه حاجة اسمها CDV أو (Clutch Delay Valve )، و دة كل وظيفته إن بعد ما حضرتك تسيب الدبرياج هو بيأخر ترجيعه شوية أو بيأخر التعشيق عشان ماتحصلش رجة من التعشيق المفاجيء ، بس دة طبعاً على حساب كسر الثواني بتاعة التعشيق ،
و عشان كدة الناس إلي غاوية سباق و بتعمل Heel-&-Toe بيرحه يشيله ال-CDV دة و بتبقى العربية بتنقل عادي .
حاجة تانية مفيدة برضه عشان موضوع ال-Double Clutching إلي بتحتاج تعمله عشان تظبيط سرعة الموتور مع سرعة الفتيس أثناء النقل (بتدوس دبرياج مرة و تزود بنزين و تسيب في المور ، و بعدين تدوس تاني و تنقل ) ، دلوقتي مش محتاج تعمل كدة عشان برضه فيه جزء من تركيب الفتيس إسمه Synchro-mesh أو بالعربي ميكانيكية التزامن بتعمل هي تظبيط السرعة دة عن طريق أجزاء مكانيكية في الفتيس عشان تكون النقلة نعمة سواء بتعلي نقلة أو بتسقط نقلة .
يعني التكنولوجية مش سايبة حاجة السواق يعملها ، الدنيا بقت وحشة قوي يا هشام باشا :B4_039:
انا عاف الCDV و شفت حاجة شبهة كده و هي لما تجيب الفتيس عالمور تروح دايسة هي بنزين(لوحدها) عشان تخلي النقلة مريحة....موجودة في النيسان 370z.....
الdouble clutching ده برضه مبحبوش و بحس انه ملوش لازمة(يمكن عشان سهل) اصلي بحب اعقد الامور يعني بحب الحاجات اللي فيها خطوات كتيرة بتحسسني اني محترف كده لما اعملها......(يمكن عيب فيه بس انا كده و الحمد لله).......
و في بقه حاجة اسمها DUAL-CLUTCH أو automated-manual trans. و ده بقه يا باشا احسن من المانيوال ميت مرة و مفوش مشاكل تقريباً.....
و ده عبارة عن وجود دبرياجين واحد للاول و التالت و الخامس
و دبرياج للتاني و الرابع و السادس......
و ده شغلته انه بيمنع تسرب القوة من الموتور اثناء النقل بحيث انه لما يخلص غيار مش يدوس دبرياج لأ يروح موصل الدبرياج المسئول عن الغيار اللي بعديه
(طول ما في دبرياج متوصل لازم يكون التاني سايب)
يعني من الاخر التكنولوجيا بقت حاجة تقرف(بالنسبالي)
طبعا الDUAL-CLUTCH ده اوتوماتيك.....
الدنيا بقت تقرف يا باشا مش وحشة بس.......
و التكنولجيا اللي بيعملوها عشان يحبطوني دانا كده هضطر اركب عربية موديل 2002 و انا في 2017 و لا حاجة لن 2017 الله أعلم هيخترعوا ايه عربية بعين تقولها تروح فين و انت تخش تنام و لا حاجة......
ربنا يقدم ما فيه الخير.....
و شكرا للمعلومات يا كبير....:E_braces[1]::F_eyeb1[1]:
لأ هو الsemi-automatic ليه كذا أسم زي ال(AUTOMATED MANUAL-DUAL-CLUTCH-PADDLE SHIFT-CLUTCHLESS)
بس المانيوال ليه طعمه و متعته الخاصة بتحسسك بالتحكم و السواقة الرياضية....
فعلا المانيوال ملوش مثيل.....
و علي فكرة انا كمان سعيد جداً بالحوار ده لأننا بنفيد بعض و مش كتير برضه بلاقي حد فاهم الحاجات الدقيقة دي ده بالعكس في بيحاولو يطلعوني غلطان و مفيش حاجة اسمها كده.....حصلتلي مه الDUAL CLUTCH كنت بشرحه لواحد قالي مفيش حاجة اسمها دبيراجين في عربية!!!!!!!!!
هم دول اللي مرجعنا لورة للاسف......
و تاني انا سعيد جدا بحواري مع حضرتك و اتمني تكون في تمام الصحة و العافية....:shine[1]::verygood:
يا هشام بك ، كلك ذوق و اخلاق ، و كفاية إنه حوار متحضر حتى لو مختلفين في بعض النقاط
ربنا يكرمك و يديك الصحة
معلومة برضه في السريع ، ال-paddle shifters دي إلي هي بتكون دراعات فوق الدركسيون بدل عصية الفتيس عشان تنقل بيها ، و ظهرت مع بداية ظهور الستيبترونك بأنواعه ، لكن هي مش مربوطة بنوع فتيس معين ، لان ليس ليها تأثير في الميكانيكا بتاعة النقل خالص ، و بالتالي بتركب على أي فتيس فيه عملية النقل إلكتروني ، سواء automated manual يعني (dry clutch based ) أو كان أوتوماتيك معتمد على سلنوادس و زيت و torque converter عادي أو حتى dual clutch
و تاني أشكرك على الحوار ، و يا رب يستمر كدة ديماً عشان نستفيد و نفيد :F_eyeb1[1]:
اشكرك علي ذوقك و اسلوبك المحترم في الحوار.....:B4_007::E_braces[1]:
الPADDLE SHIFT حاجة و الPADDLES SHIFTERS حاجة تانية خالص.....
الPADDLE SHIFT ده اسم تاني من اسامي الفتيس الSEMI-AUTOMATIC.....
الPADDLES SHIFTERS زي محضرتك وضحتلنا بالضبط......
هو في كذا نوع فتيس و كل نوع قي منه مشتقات.....
زي مثلا الMANUMATIC نوع مشتق من الAUTOMATIC
الMANUAL في مثلا SEQUENTIAL و في NON-SYCHRONOUS
الSEMI-AUTOMATIC في DUAL CLUTCH و الZEROSHIFT و الSAXOMAT
في انواع كتيرة جداً من الفتيس و لكن في مصر ما شاء الله يحيا الثبات علي المبدا(مانيوال و اوتو و سعات ستبترونيك)......
و الSEMI-AUTOMATIC ده بيعتمد علي سنسورز و مشغلات ميكانيكية لجعل النقل مريح بدون تاخير او تسريب في القوة.......(و ده بيؤدي لعدم الحاجة للدبرياج).....
و كل SEMI-AUOTMATIC و ليه طريقته و فكرته في العمل......
و شكرا تاني لحضرتك بجد انا بقالي كتير مدخلتش في مناقشة بهذه الرقي و التحضر:E_braces[1]::F_eyeb1[1]:
قلولي رايكم في طريقة التلين دي
http://www.nilemotors.net/Nile/78241-a.html
إستكمالاً لهذا النقاش الظريف و الهادف ..:E_braces[1]:
هي كلها مش أنواع ، دي كلها مشتقات زي ما حضرتك قلت
يعني في الاول و في الاخر هما طريقتين :
- يا إما نظم مبني على دبرياج (clutch based ) حتى لو كان بدون دواس دبريياج، و دة ما يسمى بالمنوال ، و semi-automated ، و clutch less ، و في مصر فيه منه ال-easy-tronic بتاع اوبل و ال-MMT بتاع تويوتا و dualogic بتاع فيات ، و طبعاً فيه غيرهم
- يا إما نظم مبني على زيت و محول عزم (torque converter ) و دة هو الأتوماتيك ، و كل مستقته بقى سواء tiptronic و steptronic و manumatic و كل الحاجات دي
انما ال dual clutch بقى دى حاجة تانية خالص ، حتى لو كنت مبنية على dry clutch ، بس هي في الاخر فكرة عمل و أداء مختلف ، و تكنولوجي جديدة ، و شكلها هتبقى المستقبل لكام سنة لقدام :F_eyeb1[1]: