تجربة قيادة - ماذا تشتري لو كنت مكاني ؟

**sab3aawy** · 17-05-2007 08:48 AM

اشترى لانسر يا كريم

انا ساعة لما كنت بشترى كنت بادى بحوالى 15 عربية فى المقارنة فضلت احذف عربية ورا عربية بناء على معاملات السعر والدعم الفنى ولإنتشار وتوافر قطع الغيار وسعر اعادة البيع ولم يتبق فى النهاية سوى اللانسر والصنى ، وفى النهاية انا اخترت الصنى ليس لأى قصور فى اللانسر ولكن لأسباب لها علاقة بالشكل أولا والسعر ثانيا لأنى معنديش تحفظات عامة تجاه التقفيل المحلى ولكن تحفظات تجاه مصانع بعينها، لكن لو شكل اللانسر كان شدنى اكثر من الصنى كنت هاخدها بلا تردد وانت طبعا سيد العارفين ان مسألة الشكل دى مسالة ذوق شخصى يعنى لا هى ميزة ولا عيب

لكن بالنسبة للانسر سعر ممتاز، اداء رائع، إعادة بيع مضمونة ،قطع غيار فى كل مكان، محرك كبير وقوى، صالون واسع،

الكورولا انا لا ارشحها لأنى شايف ان ادائها مش فارق عن اخواتها اليابانيات ومع ذلك سعرها مبالغ فيه بشدة، على اعتبار انك بتشترى علامة تويوتا ودى لها تمن لوحدها( يعنى لما تكون اللانسر 1300 -ضمان مصرية-ب88 الف والخليجى ب 78 الف والنيسان 1600 ب88 ألف ، بيقى كون التويوتا 1300 الفاضية اللى من غير حتى RPM تمنها 100 ألف فده انا شايف ان اسمه استهبال)

اما عن الإلانترا ، فبالرغم من انها تحمل احدث لمسات تكنولوجيا العصر ، الا اننى لا زلت متعلق بتجربه السيارات اللانسر والكورولا موديلات التسعينات اللى عاملة 150 الف قصاد السيفيا والإلانترا اللى عاملة 60-70 ألف، والفرق كان واضح لصالح السيارات اليابانية مما دعم لدى الإحساس بالتفوق الواضح للسيارات اليابانية فى مسألة العمر الإفتراضى، لذلك انا لازلت متحفظ على السيارات الكورية من وجهة نظر العمر الإفتراضى حتى تظهر لنا سيارة كورية تكسر لدى هذا الإعتقاد (مش عارف ليه حاسس ان الماتريكس هاتعملها وتغير نظرتى عن العمر الإفتراضى للعربيات الكورى، بس لسة عليها شوية)

**osstv** · 17-05-2007 08:54 AM

عزيزى الاستاذ كريم منير
ليه مفكرتش فى الاوبترا . انا جربت المانيوال والله بدون مبالغة عربية فى منتهى الجمال والثبات
وفيها كل اللى انت عايزه

نبدأ اول حاجة بعيوب العربية :-
صجها خفيف شويه - استهلاك البنزين عالى شويه يمكن علشان انا لسه بلين - نشفة شويه فى المطبات من ورا
نيجى بقى للمميزات :-
صوت الموتور غير مسموع بالمرة - سحب العربية اكثر اكثر من ممتاز جدا !!!! الاوتوماتك رائع على عكس ما متوقع البعض ان الاوتوماتيك بتاعها مش حلو او هو هو بتاع النوبيرا-تكييف قوى جدا و فعال - عزل الكابينه الداخليه اكثر من ممتاز ممكن تنام جوه العربية و انت قافل الزجاج - التقفيل ممتاز - ثبات العربية رائع تحس انك راكب دبابة فى الثبات بس العربية عاليه من ورا و المساعدين اقويه جدا و ده اللى بيفسر انها ناشفة شويه فى المطبات من ورا - تقفيل الموتور ممتاز ز مش ببالغ لما تفتح الكبوت تحس بنظافه التقفيل على عكس الصنى مع الاححترام الكامل لاصحاب الصنى - العربية واسعة جدا من جوه
فى حاجة كنت عاوز اقولها بالنسبة للاوتوماتك بتاع الاوبترا : تسارع العربية من 0 الى 100 فى 11.5 ثانية و ده رقم ممتاز بالنسبة لعربية اوتوماتك فى نفس الفئة اللترية
مثال تسارع الجين 2 من 0 الى 100 للاوتوماتيك فى 13.5 ثانية
اه نسيت اقول حاجة ان الكاسيت بتاعها حاجبنى اوى هو الكاسيت الاصلى للعربية مش متركب فى مصر

**sh_masry** · 17-05-2007 09:21 AM

بالنسبه للى بيتكلم عن الثبات يبقى ماجربش الألانترا .... ثبات الألانترا اشد واحده فيهم فى الثبات سواء الشكل الجديد او القديم , و ده عن تجربه لجميع العربيات المذذكوره من قبل ,,,,,,
و انا استبعد الكورولاغير ذلك انا لن ادخل فى مقارنه بين اللانسر و الألانترا لأنها مقارنه صعبه , ما عدا ان دى يابانى و التانيه كورى و لكن احلى من بعض ...............
بقوللك ايه بما ان احنا قريبين من بعض ممكن تجيب الانسر و تستعملها اسبوع و اسبوع تاخد الألانترا بتاعتى و تدينى الانسر و كده يبقى معانا الأتنين و اسبوع و اسبوع و تبقى الحياه حلوه ههههههههههههههه

a7'ook
Sherif

**Mo3taz Selim** · 17-05-2007 11:14 AM

أولا أنا بأشكر سيادتك على ذوقك العالى و كلامك الجميل فى حقى ... و فعلا أنا و سيارتى شرُفنا بلقائك و بتجربتك للقياده

ثانيا طبعا رأيى هايكون منحاز للألنترا و ده نتيجه لتجربتى معها التى ابتدأت منذ 28/12/2006 و حتى اليوم ... و الحمد لله مررت أنا و هى بالعديد من التجارب فى تلك الفتره ... و لله الحمد كل يوم يزداد إعجابى بها ...
لن أطيل على سيادتك ... لكن ما أريد أن أقوله هو أننى كنت فى نفس حيرتك بين اللانسر و الألنترا و لكن بفضل الله أخترت الألنترا و ذلك لعدة أسباب
1. الألنترا شكل حديث للغايه و لن يتغير قبل 3 أو 4 سنوات ... أما اللانسر فكلها كام شهر و الشكل الجديد ينزل
2. الألنترا موتور 1600CC & 121 HP سعر 92000 ... اللانسر 1600CC مش متذكر كام حصان سعر 98000 (ضمان مصريه)
3. الألنترا أوسع من الداخل و مساحة التخزين فى الشنطه أوسع فعلا .
4. التابلوه جديد و إضاءه مريحه جدا للعين.

أسف للأطاله و لكن أدعوا الله أن يوفقك لسياره تريحك و ترضيك

**Abdallah** · 17-05-2007 11:45 AM

لانسر بلا منازع, ليس حبا فيها ولكن اسعار التويوتا والالنترا مبالغ فيهم بشكل غريب مقابل ان ثبات التويوتا الجديدة سىء تماما وسيبك من موضوع 150 دة, انت مجربتش تسوق على ارض زلقة وخد بالك موضوع ال ABS فعلا بيفرق فى المطر او الطرق الزلقة والله الموفق.

**Sharky** · 17-05-2007 12:20 PM

السلام عليكم

بصراحة يا كريم باشا أنا كنت فى نفس الحيرة بتاعتك دى بس كنت مزود عليهم الياريس و جربت سواقة السيارات دى كلها و فى الأخر إخترت الياريس عن إقتناع و إستبعدت اللانسر لنزول الشكل الجديد و الإنتشار الرهيب و الإلنترا لإنى مقتنع طالما ممكن أجيب يابانى بسعر الكورى يبقى يابانى طبعا و الكرولا لسعرها الغالى و نزول الشكل الجديد.
بس بصراحة بعد مقارنة سواقة الياريس بالانسر بصراحة الياريس أحسن و أنعم و عجبتنى أكتر من اللانسر فققرت شراء الياريس و الحمد لله بيزيد إقتناعى بيها .

حول تفكر فيها و لو عايز أى حاجة منى عليها أنا تحت أمرك و أبقى قولنا حتستقر على إيه؟

**Migo123** · 17-05-2007 12:47 PM

كيمو مش عايز احيرك ... بالنسبة لل 3 عربيات اللي اخترتهم الكورولا صدقني تكسب و الفرق الوحيد بينها وبين اللانسر ان العربيه حمـــــــــــــالة اسيه من الاخر .... وده عن تجربه لعربيه موديل 2002 (أول الشكل الحالي)
العربيه انا سوقتها لغايه 170 على طريق الساحل كتير وفراملها ممتاز واستجابتها للسائق رائعه --- انا شخصيا كنت ماشي على الصحراوي على 150 بالليل وفجأه لقيت قدامي كاوتش عربيه نقل على بعد لا يزيد عن 25 متر وخدت بيها غرزه قطم على السرعه دي وزودت السرعه لتفادي السيارات القادمه من خلقي والعربيه كانت على الخامس ومحركها التحفه زود من 150 ل 170 في ثانيه عشان اقدر اهرب من اللي ورايا... الحمد لله الموقف ده لو كان حصلي مع اي عربيه تانيه مش عارف كان ايه اللي ممكن يحصل.
ده غير ان نفس العربيه اللي بكلمك عليها بتتعامل اسوء معامله من خمس سنين -- لانها بدل عليها اكثر من 5 - 6 سواقين ومشواريها كلها في اماكن تكسر العفشه
وبسم الله ما شاء الله العفشه ما تفكش فيها مسمار و غير الصيانه العاديه ما بتحتاجش حاجه غير ان مره الكمبروسر بتاع التكييف باظ وهي في الضمان واتغير على حساب الوكيل طبعا و ده عيب مسمعتش عنه ابدا غير في الحاله دي
....

الفكره بقه هي ليه تدفع اكتر لما ممكن تدفع أقل............... الدايهاتسو ماتيرا اعتقد انها نفس الكفائة، اوسع من جوه، اوبشنز اعلى بكتير ، شكل مميز جدا، التوكيل اروق لان الضغط على تويتا عالي قوي اليومين دول .......وكمان ممتعه جدا في الرحلات الطويله خصوصا لو معاك اطفال... كل ده بضمان الوكيل (المحترم) 3 سنوات وليست خليجي والسعر اقل من اللانسر الخليجي 97 الف .... ايه رأيك بقه ....

**sh_masry** · 17-05-2007 12:57 PM

بص يا كريم بعد تفكير جدى و عميق و بعد ما حطيت نفسى مكانك انا كنت هاجيب اللانسر ,
العفشه بتاعت الهيونداى كله مش حلوه و بتشخلل بسرعه جدا غير اليابانى .
و فى الأخر الأتنين 1600 يبقى هات اللانسر و انا جبت الهيونداى علشان كان نفسى اركب 1600 و ماكنش معايا فلوس اجيب 1600 لانسر الفول سبورت فاجبت الألانترا و الشكل القديم كمان علشان الجديد ماعجبنيش شخصيا .

a7'ook
Sherif

**Migo123** · 17-05-2007 01:31 PM

و بعدين انت طول عمرك معجب بالواجـــــــــــــــــــ ــــا هات العربيه اللي عامله 70 الف المستعمله دي وحط 30 الف وشويه في جيبك .... او سلفهمولي عشان اجيب الماتيرا :lol:

**أبو عبدالله** · 17-05-2007 02:00 PM

بص يا كريم
انا من رأيي انك تصبر لحد ما الأشكال الجديده تنزل او تختار عربيه تانيه تكون شكلها جديد ولسه امامه كذا سنه

ولو مش هتستنى يبقى رأيي الكورولا لعدة أسباب :
1- ان الكورولا الجديده هيبقى سعرها اعلى ولذلك الكورولا الحاليه هتمسك سعر واحتمال تزيد كمان
2- اللانسر زي الرز يعني لما تيجي تبيع هتلاقي عرض منها كتير جدا

بس انا لو معايا فلوسهم مش هجيب ولا واحده منهم لأن في اختيارات تانيه حلوه برضه :
1- السوبارو
2- التيريوس

مشاهدة نتائج الإستطلاع: أيهم تشتري ولماذا ؟؟

الموضوع: تجربة قيادة - ماذا تشتري لو كنت مكاني ؟

LinkBack

أدوات الموضوع

عرض

-

-

أخى الغالى جدا جدا ... كريم -

-

-

-

-

-

المواضيع المتشابهه

ماذا تفعل اذا صدمتك سيارة اخرى اثناء قيادة سيارتك ( تجربة واقعية )

ماذا تفعل لو كنت مكاني!

تشتري اية لو مكاني ؟

ماذا تفعل لو كنت مكاني ؟؟؟

ماذا تفعل لو كنت مكاني !!!!!!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة