اعتذار للجميع ( إسلام شاهين )

**HESHAM AMIN** · 16-12-2007 09:46 AM

اولا انا بحيك يا استاذ اسلام على اخلاقك العالية
ثانيا لما تلاقى احد الموضوعات بدء ياخد منحنى سىء الافضل عدم الرد فى نفس الموضوع علشان مايوصلش لدرجة انك ممكن تزعل من نفسك بعد كدة
واللة يفتح عليك

**memo_hefnawy** · 16-12-2007 09:57 AM

إسلام حبيبى

مش لاقى كلام أضيفه بعد كلام الناس بس إنت راجل و كلنا عارفينك كويس و من الطبيعى جدا إن أى حد يخرج عن شعوره فى بعض الأوقات و يقول حاجة مش يقصدها أو مش يحب يقولها

و الإعتذار من شيم الرجال و من شيم الكبار

و روق بالك كده مفيش حاجة تستدعى نرفزة أساسا يا جماعه و الله لو ناخد موضوع العربيات ده كله بهدوء هانلاقى إنه أبسط من كل ده

فكر فيه ذى ما بتفكر فى الموبايلات ليه ناس بتجيب نوكيا و ناس بتجيب سونى إريكسون ؟ فكر فيها ذى الشقق ليه ناس بتروح تسكن فى التجمع و ناس بتروح تسكن فى الرحاب ؟ أو واحد بيدفع فلوس فى شقة فى الزمالك و واحد تانى فى المهندسيين أو واحد بياخد شقة دور تانى و واحد عايز شقة دور عالى ؟

أذواق و الأذواق مبنية على تكوين الشخصيات و على تراكم الخبرات و لولا إختلاف الأذواق لبارت السلع و إنت راجل فى السوق عارف ده كويس

مش لازم إن كلنا نتفق و مش لازم لما نختلف نتخانق :) و نتنرفز :)

روق يا عم إسلام و يكفيك شرفا إنك إعتذرت و يكفيك راحة أنك مقتنع بعربيتك أيا كانت مش لازم الناس كلها تقتنع بيها إنت شاريها لنفسك مش للناس :)

**TAG_Turbo0** · 16-12-2007 10:05 AM

قمة فى الاحترام والله يا اسلام

**mtema99** · 16-12-2007 12:09 PM

سعيد بجد لمعرفتي بك

**مهندس محمد صلاح** · 16-12-2007 12:36 PM

انا غبت عنكم يومين بسبب مشاكل فى كابل النت ورجعت لقيت العملية فيها شوية سوء تفاهم ونرفزة واعتذارات .. انا مش فاهم حاجة لكن الاعتذار من شيم الرجال كما ذكر من قبل وياريت الناس كلها عندها ملكة التواضع زى الراجل المحترم ده والله .. اطال الله لنا فى عمره ونفعنا دائما بخبراته ومناقشاته المثمرة

**BASHAR** · 16-12-2007 12:38 PM

تسلم روحك الخلوقه وسعه صدرك يا اخ اسلام وربنا يجازيك كل خيررررررررررر ومتتاخرش علينا مستنينك ههههههههههههههه

**ali1spc** · 16-12-2007 04:12 PM

انا قراءة كل الردود ومش حقول اكثر مما اتقال بس دة مش وقت تسيب فية المنتدى احنا عيزين العيدية مش كفاية لغيتوا الطالعة الجوية الاسكندرانية الى كنا حنشوفك فيها روق
كدة ياباشا وكل سنة وانت طيب