اعتذار للجميع ( إسلام شاهين )

**إسلام شاهين** · 15-12-2007 11:21 PM

طبعا إنتوا عارفين سبب الموضوع وللي ما يعرفش هو موضوع استفزازي فتحه أحد الإخوة ونجح في استفزازي لدرجة إني أول مرة أغلط بس بعد لما هو غلط الأول بكلام غريب جدا زي ( إني بحقد وبغالط ) مش عارف بحقد على مين وإيه وبغالط في إيه ؟؟؟؟ .

المهم أنا باعتذر للجميع بما فيهم الأخ إياه ، للجميع لأني أول مرة أخرج عن شعوري وليه هو شخصيا لأني المفروض إني أكبر منه وما كنش ينفع إني أنزلق معاه للكلام بالأسلوب ده .

أنا باعتذر للجميع ، واسمحوا لي بفترة من الراحة بعيدا عن شد الأعصاب .

كل عام وأنتم بخير .

"" اللهم لا تؤاخذنا إن نسينا أو أخطأنا ""

**أبو عبدالله** · 15-12-2007 11:38 PM

انت راجل طيب يا اسلام
وكلنا عارفين كده ومش محتاج انك تعتذر لأن احنا عارفين ان الاخ بيقول معلومات تستفز الحجر
ولكن هنقول ايه غير ان دي هيا سنة الحياة

وربنا يكرمك ان شاء الله ويهدينا ويهديك

**Dr Ahmed** · 15-12-2007 11:48 PM

أنا مش معاك يا أخى أبو عبد الله ، والاعتذار من شيم الكرام وحبذا لو تجمل الاعتذار بالرقة والتلطف..

**Powert** · 15-12-2007 11:48 PM

الحمد لله ماطلعتش لوحدي اللي خرج عن شعوره في الموضوع ده

**Karim_Monir** · 16-12-2007 12:57 AM

الله يفتح عليك يا اسلام
الاعتذار من شيم الرجال
المهم هاتخليني افك عن نفسي وناكل فين في العيد
اينعم انا والدتي وحماتي مش مخليني عندي مكان اتنفس
بس برضه لازم اقضيها معاكم:)

**MTAK** · 16-12-2007 01:12 AM

مع انى مش عارفش الموضوع بالضبط
"بس يعنى مخمن شويه"

ورأى شخصى متواضع
باعتذارك تثبت انك الاقوى و الاكرام "مثل ما قال الاخوه ان الاعتذار من شيم الرجال"

و ارجو ان تكمل جميلك
فـمن يملك الجرأه على الاعتذار

اعتقد "وجهة نظر بحته"

يملك العفو عند المقدره

و كما جاء على لسان اسماعيل ياسين"بجد مش هزار"

< العفو عند المقدره احسن كتييير من الشوشره>

**محمد المشد** · 16-12-2007 09:45 AM

مع اننى لم اكن اعلم بهذا الخطأ المشترك ، ولكننى كما عهدت من الاخ اسلام شاهين كان دائماً على خلق فى الحوار واعتقد ان اعتذارة يدل على ذلك وفى نفس الوقت كنت اتمنى الا يذكر هذه الكلمة 0(المهم أنا باعتذر للجميع بما فيهم الأخ إياه) لان الاعتذار يجب ان يشتمل بالعفو والصفح وذكر اخوك بما يحب ان يلقب ، وعموماً على الطرف الاخر ولا ادرى من هو ان يتقدم ايضا بكل حب للاخ اسلام بالاعتذار
وحكاية انك تأخذ راحة ديت يا اسلام بلاش ويجب ان تشارك اخوانك بالمنتدى بأرائهم والعفو من شيم الرجال وانت كذالك

-

-

-

الموضوع: اعتذار للجميع ( إسلام شاهين )

LinkBack

أدوات الموضوع

عرض

-

-

-

-

-

المواضيع المتشابهه

اعتذار واجب للجميع

شكرا إسلام شاهين

مراسلكم من مطروح ((إسلام شاهين))

تقييم مقابلة 6/7/2007 (إسلام شاهين )

نموذج للسيارات (إسلام شاهين)

الكلمات الدلالية لهذا الموضوع

المفضلات

المفضلات

ضوابط المشاركة