الموضوع: قصة بيع الكورولا والصدف الجميله فى البيع والشراء

المشاركة الأصلية كتبت بواسطة Hisham elhariry

الف مبروك على البيع وعلى الشراء
يارايت تقيم سريع لل bmw
وربنا يباركلك فيها

موضوع غريب بتاع ال DSG

الله يبارك فيك وربنا يرزقك باحسن منها ان شاء الله
كتقيم سريع الجر الخلفى فعلا فيه اختلاف كبير عن الجر الامامى
لما تجرى بالعربيه تحس انك اتسحبت لوراء جامد غير الجر الخلفى فى البى ام بحس انى ثابت فى مكانى اكتر بكتير
كصوت موتور البى ام صوتها واضح اكثر فى السحب وعند ثبات السرعه لا يوجد اى احساس بالصوت
العزل الصوتى وعزل الهواء البى ام افضل من الكورولا وكل عربيات الفئه دى تحديدا بفرق واضح جدا الكاوتشات بتسمع ليها صوت بس مش مزعج وصوتها بيظهر بسبب صوت الهواء خفيف جدا وتقريبا غير محسوس
القاعده تحس انك قريب جدا من مستوى الارض
العفشه بتحس اكتر بتفاصيل الطريق بس فى نفس الوقت بتحس ان العربيه مش بس ثابته لا بتحس انها راكزه وماسكه نفسها فى الارض جامد جدا يعنى الكورولا وتقريبا معظم عربيات الفئه دى مع اننا كلنا عارفين انهاعربيات ثابته على سرعه 100 كم ولكن لو نزلت من اى منهم وركبت البى ام على سرعه 100 ومن غير ما تاخد اى غرز او ملفات هتحس ان البى ام ثقيله ومكلبشه فى الارض على الارض (اعذرونى مش عارف اوصف الاحساس قوى بس اللى يعرف احساسى اللى جرب العربيه دى)

بالنسبه للسحب الطلعه بطيئه جدا (الكوكو تتطلع مستريح بس بعد 100 للبى ام)
ده طبعا تقييم سريع بالنسبه للتقييم الكامل بعد شهر من الان ان شاء الله

المشاركة الأصلية كتبت بواسطة Hosam_Optrawy

الف الف مبروك اقتنائك للتحفه Bmw

ربنا يباركلك فيها ويبعد عنك شرها

بس فعلا غريب حكاية ال DSG

يعنى تطلع من ال MMT تقع فى ال DSG :)

باهزر معاك

الف مبروك مره تانيه

الله يبارك فيك حسام باشا
وفعلا حكاية ال dsg دى غريبه فعلا
ويا خبر النهارده بفلوس بكره ببلاش
لما العربيات دى تنتشر فى مصر هنعرف ساعتها الحقيقه
وما تنساش الجوف 6 مغريه جدا جدا تسارع من صفر الى 100 فى 7.5 ثانيه

المشاركة الأصلية كتبت بواسطة mr_sameh

ياريت تقييم للعربيه

تم تقييم سريع للسياره شكرا على تعليقك

المشاركة الأصلية كتبت بواسطة surgeon1

بهنيك من كل قلبى على تحقيق امنيتك فى امتلاك البيمر وادعو لك بكل خير ان تعطى خيرها وتكفى شرها (مبنى للمجهول هههه هخهههه)
السعر مناسب للطرفين لكن لو العربية بحالة الزيرو يبقى مناسب لك اكتر وبص على الصفحة دى
ContactCars | السيارات المستعملة
فى انتظار تقييم سريع للعربية ويكون احترافى ومحايد زى ماتعودنا منك
خالص تحياتى
ربنا يخليك يا دكتور ويا رب يحفظك من كل سوء وتحقق كل اللى تتمناه باذن الله
بالنسبه للسعر التجار بيتكلموا فى 250 و 260 بس ده كان فى شهر 11 ومنهم واحده كانت بالمنصوره عند معرض على المشايه جنب مترو(مش فاكر اسم المعرض بصراحه) كان بيتكلم فى 255 وطبعا موديل 2010 نزل وكمان ده مش فيس ليفت فسعره بيبقى اقل وده مش من تاجر فاعتقد ان السعر ده منطقى جدا وده العادى بتاع السوق
اللى اتباعت لقطه الكوكو لان حضرتك عارف التجار بيعملوا ايه فى الموديل ده تحديدا وياريت لو حضرتك او اى حد قرر يبيع الكوكو mmt ما يبعش لتجار ابدا
وتقبل تحياتى

المشاركة الأصلية كتبت بواسطة hazemhassan

مبروك ياباشا على bmw
وهى حبى الاول
حتة محترمة جداااااااا

ربنا يخليك يا باشا ويرزقك باحسن منها

المشاركة الأصلية كتبت بواسطة GoldenManEye

الف مبروك و ربنا يباركلك فيها.

فعلاً محدش يعرف الخير فين.

ربنا يخليك يا باشا

المشاركة الأصلية كتبت بواسطة ابو الوليد المصرى

مبارك عليك السيارة يا ابو سمرة......طبعا لازم نسألك ونتعبك ونحرجك ...هل انت راضي عن الكورولا بعد استخدامها الفترة الماضية؟......بعد استخدامك للبي ام هل تؤيد مقولة اللى مركبش الماني مركبش عربيات؟؟

الله يبارك فيك يا ابو الوليد باشا وانا اسف انى مكلمتكش يوميها لاننا سافرنا اليوم ده الصبح الفيوم (وادى الحيتان) علشان نخلص حاجات فى مشروع التخرج وطبعا تقريبا كنت مطبق اليوم ده ورحت نمت هناك
الكورولا طبعا عربيه كويس جدا وغنيه عن التعريف بتديك مميزات كتير حلوه زى استهلاك البنزين والسحب الرائع ونعومة العفشه وفرمل كويسه ووسع معقول وارتفاع عن الارض معقول
ولكنها كثبات طبعا كويسه جدا وزى ما قلت مختلف 180 درجه عن الكورولا القديمه ولكنها ليست مميزه فى النقطه دى يعنى الجيتا والاوكتافيا والسيفيك اثبت مع الاخذ فى الاعتبار نعومة العفشه عنهم كلهم
التعليق التانى على ال mmt حاسس انه عاوز معامله حنينه شويه ومحتاج عمل صيانات اضافيه (مقلق بعد انتهاء الضمان)
التعليق الثالث ارتفاع ال rpm فى السرعات العاليه
وطبعا انصح اى حد عاوز يشترى عربيه فى حدود 160 الف جنيه يبقى كوكو 2010 اوتو طبعا ومفيش اى بدائل اخرى اطلاقا بهذا السعر تبقى صفقه اربح فى وجهة نظرى

بالنسبه لموضوع اللى ما ركبش المانى ما ركبش عربيات
هى وجهات نظر ومش كل الالمانى زى بعضه ومش كل اليابانى زى بعضه وهكذا
احنا حاليا عندنا عربيتين يابانيتين وكل واحده ليه اسلوب مختلف فى القياده عن الاخرى!!!
البى ام مثلا والمرسيدس الاتنين المانى ولكن كل واحده ليها نكهه مختلفه فى القياده
عاوز تقارن البى ام مثلا الفئه الثالثه بعربيه يابانى نفس الفئه يبقى ليكزسIS دى المنافس اليابانى ليها ومع عشقى لماركة البى ام والكزس لو فيه تفوق مثلا لصالح البى ام مش هيقى بالفرق الشاسع قوى لانهم نفس الفئه !!!!!!!
الناس فى مصر بيقولوا المقوله دى لان معظم السياره الالمانى متواجده فى مصر بسبب التقفيل للمرسيدس والبى ام فى مصر ولكن فين لكزس وانفنيتى واكيورا وساعتها نبدا نقارن بينهم
انا عامة ما زلت شايف ان لو الالمان اكثر تقدما عن اليابان ليس بالفرق الشاسع زى ما الناس متخيله هنا فى مصر الا ما كانش الموديلات اليابانيه حققت مبيعات عاليه فى امريكا والخليج ودول كثيره بالعالم ومكانتش اللكزس تقريبا كل سنه تقريبا تتصدر تقارير الجوده JD POWER
تحياتى

الف مبروك يا ابو سمرة على البيع و العربية الجديدة ..

و طبعا الصدفة ما بعدها صدفة :)

المشاركة الأصلية كتبت بواسطة Sharky

الف مبروك يا بوحميد على البى إم
ربنا يبارك لك فيها

و فى انتظار تقرير عنها

الله يبارك فيك والتقرير ان شاء الله قريب ونبقى نسمع رايك عن العربيه ويا رب يكونى ايجابى مش زى الكورولا ......فاكر

المشاركة الأصلية كتبت بواسطة sherif2net

ألف مليون مبروك على التحفة الألمانية ... ربنا يحفظهالك.
أوعدنا يا رب........

الله يبارك فيك وربنا يرزقك باحسن منها ان شاء الله

المشاركة الأصلية كتبت بواسطة ghazy12

ألف مبرووك يا أبو سمره, و ربنا يباركلك فيها يا باشا...

بس فعلا غريييييب جداا موضوع الـdsg ده!!!!!!!!
انت قلقتني كده, لأني بفكر جديا في نفس اللي فكرت فيه بالظبط و بنفس الترتيبه كده اللي مريت بيها...

ربنا يباركلك في الـتحفه الــ320, و بجد انت كسبت عربيه محترمه (ما شاء الله)...

الله يبارك فيك ياباشا وعقبالك ان شاء الله
موضوع DSG ده اتصدمت جامد لما عرفته بس برده البى ام حاجه تانيه حتى لو مستعمله
تحياتى

المشاركة الأصلية كتبت بواسطة kareemhisham

الف مبروك يا ابو سمرة على البيع و العربية الجديدة ..

و طبعا الصدفة ما بعدها صدفة :)

الله يبارك فيك يا كريم باشا وياريت تقول رايك عن موضوع dsg ده

ماشي يا ابو سمرة ولا يهمك بس برده مع انك غيرت العربية عايز اشوفك في اول مقابلة قادمة (معرفة الناس كنوز) .....وكمان نفسي اشد معاك في اي طريق فاضي واعلم علي البي ام بتاعتك كعادة البى امات اللى انا بعلم عليهم.

المشاركة الأصلية كتبت بواسطة ابو الوليد المصرى

ماشي يا ابو سمرة ولا يهمك بس برده مع انك غيرت العربية عايز اشوفك في اول مقابلة قادمة (معرفة الناس كنوز) .....وكمان نفسي اشد معاك في اي طريق فاضي واعلم علي البي ام بتاعتك كعادة البى امات اللى انا بعلم عليهم.

ان شاء الله قريب ده احنا جيران برده
بالنسبه للشد هتتطلع منى لحد 100 بس انا هكمل معاك لحد 230 بس

المشاركة الأصلية كتبت بواسطة abo samra

ان شاء الله قريب ده احنا جيران برده
بالنسبه للشد هتتطلع منى لحد 100 بس انا هكمل معاك لحد 230 بس

طب ما الكورولا برده هتجيب السرعة دي انت ما تعرفش ان العداد بتاعها بالميل مش بالكيلو.









[info]
افتكاسة
[/info]

بالنسبة لموضوع الdsg .. من وجهة نظري

ان الdsg و الmmt و البقية الفي نفس الفئة ..

معتمدين بشكل كاااامل على الكمبيوتر .. كمبيوتر صرف ..

و لذلك لازم نتوقع انه يهنج او يبوظ و يحتاج reset .. لذلك ممكن تلاقي حالات فردية زاى الشفتها على النت ..

و عشان يعملك فتيس شغال على سوفتوير .. بس مش بيهنج او يبوظ .. هتلاقي العربية زاى الجولف مثلا بقت بنص مليون جنيه او اكتر ..

لما تبص على عربيات زاى الفيراري او استون مارتين او غيره .. هتلاقي ان كتير منهم الفتيس بتاعهم شغال على كمبيوتر ..

بس مستحيل يهنج او الكلام دة .. لان طبعا عمل السوفتوير مهندسين من الافضل في العالم .. و طبعا كل دة يتمنه

و طبعا العربية كل ما يبقى فيها تكنولوجيا اكتر بتبقى اغلى لان السوفتوير اغلى من الهاردوير ..

و برده الناس لازم تعرف .. ان مش عشان العربية فولكس فاجن او اودي .. يبقا مينفعش يحصل فيها حاجة غلط او انهم بيستخدموا افضل الاشياء .. لأ

في عربية زاى الاودي A3 .. بيبقوا مقيدين بحدود مينفعش يعدوها .. عشان تفضل العربية منتمية لفئتها و يكون سعرها منافس ..


الموضوع كبير كبير كبير :)