بص يا باشا
أولا أنا مش من القاهرة ومش بحبها ومنفسيش أعيش فيها لاكن
أنا كان هيعجبني جدا جدا كلام حضرتك لو كنت قلت الفقرة الأولى منه بأسلوب غير ده
يعني كنت قلت تحسين مستوى الخدمات في المحافظات والأقاليم والصعيد علشان الناس تقدر تختار المكان الأفضل بالنسبة لها تبعد عن زحمة القاهرة انما سوري الجملة الي حضرتك قلتها دي فيها تفرقة عنصرية بمعنى أن مش علشان والد أو جد أو جد حضرتك الأكبر( كان من العظماء) وكان من سكان المحروسة يبقى دي حاجة تميزك عن غيرك الي أنت سمتهم الفلاحين والصعايدة وعلى فكرة الكلام ده مش ممكن يحصل بمستوى معقول في سنة ولا 5 ولا 10 سنين
زي بردو محضرتك أكدت على نقطة النظر الي فيها تفرقة عنصرية دي هنا
you are truly a son of Cairo
وأعتقد كمان أن الجملة دي مش كويسة في النقاش
(غالبا لانهم مشمولين في اقتراحه)
هوا حضرتك فاكر الناس بتيجي القاهرة علشان سواد عيونها
الي عايز يتعلم مبيلاقيش كلية محترة في الأقاليم (بتكلم على الكليات العملية)
بالاضافة الى عدم وجود التخصصات النادرة بتكلم على الهندسة مثلاً
تخلص الكلية تلاقي مفيش قدامك شغل في مجالك في بلدك حتى لو أنت عايز تقعد فيها
يبقى قدامك المدن الكبيرة
خد عندك كمان الي بيتعب (ربنا يعافينا ويعافيكم) مش بيلاقي علاج لمشاكل كتير غير في القاهرة
الي عايز يخلص ورقة أو يشتري شوية حاجات نفس الموضوع
ده طبعا غير العمال الي شغالين في مصانع (أكيد لو المصانع دي أتنقلت العمال هترتاح بس أزاي)
يبقى حضرتك حل المشاكل دي الأول وبعديين الناس هترجع من نفسها سواء من العظماء أو من الفلاحين والصعايدة (نظام العرض والطلب)
أنما حضرتك مش أحسن منهم علشان تمشيهم علشان المكار يرجع جميل وحلو
وبعدين حضرتك بتحسب أن مشكلة الركنات والجراج ده موجود عند حضرتك بس لا موجود في مركز كل محافظة (بس طبعا بنسب متفاوتة)الناس بتكتر في كل حتة وكل واحد عايز يبقى معاه عربية
وعلى فكرة موضوع العيد ده مش مقياس يعني في أسر بالكامل بتسافر من القاهرة ودول مستقرين فيها ولا لازم علشان الواحد يبقى son of Cairo يبقى ملوش قرايب ولا يعرف حد في محافظ تانية ولا يسافر يتفسح في العيد
وعلى فكرة النازحيم كما سميتهم دول هما الي بيعمل شغل الي حضرتك محتاجه يعني حضرتك تفتكر دار السلام دي أيه سبب تكونها
أقولك أنا العظمان الي سكنو في المعادي أحتاجو بواب وخدامة وسباك وميكانيكي وبتاع كاويتش وبتاع جرايد وزبال ووووووووووووو يبقوا في المنطقة
قامت الناس دي جات وأشتغلت وعلشان يبقو قريبن عملو التجمع العشوائي الي بيخلي حضرتك متشفش المدفع في رمضان
ده غير الفئة الأخرى (دي خدتها في مستوى رفيع جغرافيا على أساس أنها الهجرة الداخلية الرئيسية حاليا)
الي هية الأطباء والمهندسين والمتعلمين الي بيروحو من أجل الشغل في الأماكن الهامة في القاهرة
مهو مش معنى أن حضرتك من العظمان أنك تشتغر في وزارة والفلاح أو الصعيدي لأ وأو أنك تشتغر في توكيل BMW وفلاح أو الصعيدي يشتغل في ورشة او حضرتك تشتغل في مستشفى فيها امكانيات والفلاح أو الصعيدي يشتغل في مركز طبي
ياريت حضرتك تتقبل رأيي ومتزعلش
وعلى فكرة حل المشكلة حاجة واحدة قمبلة نووية من دولة جارتنا وبعد كده نبنيها من الأول (بهزر على فكرة)
المفضلات