الموضوع: كيف تعمل السيارة:5 المساعدين-طريقة عملها ومشاكلها

ألف شكر على المعلومات القيمة ...

المشاركة الأصلية كتبت بواسطة chihab18

محدش رد علينا

المساعدين زمان كانت بتتصمم بقابلية لتغيير بعض قطع غيارها حيث كان الأويل سيل قابل للفك والتركيب كما كان يوجد بالمساعد طبه لملئ الزيت ، لكن حاليا الفكر التصميمى اختلف واصبح المساعد غير مصمم لأداء هذة العملية ، وبالتالى فان من يؤديها على سبيل الافتكاس فانه قد يعطى المساعد فرصة للعمل لكنها ليست طويلة وبالتالى فأن تكلفة هذة الاجراء عادة تكون مبالغ فيها مقارنة بالفترة القصيرة التى سيعيشهل المساعد بعدها

بالنسبة للمساعد "الغاز وزيت" او ما يسمى المساعد ثنائى الفعالية double action فهو ببساطة مساعد يكون مبنى على مكبس يقوم بضغط الهواء"كلمة غاز هنا يقصد بها الهواء وليس غاز طبيعى مثلا" بالاضافة الى الزيت ، وبالتالى فأن حركة المكبس تحبس الهواء-الذى يتميز عن الزيت بقابليلته للانضغاط وتقليل حجمه(خاصية تتميز بها كل الغازات وتكاد تكون معدومة فى السوائل) مما يجعله يقوم بتأثير السوستة على عمود المساعد، الخلاصة ان المساعد ثنائى الفعالية يدعم الثبات أكثر من مثيله الزيتى فقط، كما يسهم فى زيادة صلابة نظام التعليق باضافة المزيد من تأثير السوستةspring action الى سوستة السيارة الأصلية
يمكن تفرقة المساعد الذى يعمب بنظام الغاز والزيت عن المساعد الذى يعمل بالزيت فقط بأن المساعد الغاز والزيت عند محاولة ضغط عموده باليد وهو مفكوك خارج السيارة، يعود العمود تلقائيا الى وضعه الأول بعد زوال الضغط عليه في حين يبقى عمود المساعد الذى يعمل بالزيت فقط فى وضعه الجديد بعد زوال الضغط عليه

أنا ذهبت لضبط الزوايا فالراجل رفع العربية فوق البيارة ونزل تحتها وهز العجلات وضغط علي العربية من الأمام وقاللي إحشي علبة الدريكسيون وغير المساعدين الأمامي وإرجع أظبطلك الزوايا

أنا لا أشتكي من المساعدين وشاكك في كلامه خاصة إني سألت عفشجي (نص كم) كان راكب معي العربية قاللي العفشة عنك سليمة.

أنا شاكك في كلام بتاع الزوايا بالنسبة للمساعدين فهل في عفشجي كويس وأمين تنصحني به.

أو هل هناك إختيار معين أفعله للتأكد.

المشاركة الأصلية كتبت بواسطة Sharaf2009

اسمحولى ان اضيبف بعض المعلومات العلميه فى الموضوع ده:

اى نظام تعليق Suspension system بيتكون من عنصرين الاول لتخزين الطاقه (السوسته) والتانى لتخميد الطاقه (المساعد زى ما الناس بتقول) .

بالنسبه للمساعد اى shock absorber فبيلعب دور مهم جدا فى اداء وديناميكا السياره وده اللى انا عايز اضيفه.
الهدف من الـ shock absorber حاجتين
1- تحسين راحة الركاب وده بيتطلب معامل إخماد أقل
2- تحسين اتصال العجله بالطريق وده بيتطلب معامل اخماد اكبر وبيساعد فى تحسين اداء السيارات اثناء المناورات المختلفه

وزى ماهو واضح ان الهدفين متعارضين وده السبب الرئيسى وراء تطوير نظم التعليق اللى منه:
Semi-Active suspension
و Active suspension

اللى بيميز النوع اللاول (Semi-Active ) وجود صمام الكترومغناطيسى للتحكم فى معامل الاخماد الى بيناسب ظرووف القياده وطبعا بيحتاج شوية حساست بالاضافه الى وحدة تحكم

أما بالنسبه للنوع التانى (Active suspension ) فلا يوجد سوسته من اساسه وانما بيعتمد على الدامبر فقط للحصول على القوى المناسبه اتحقيق العاملين معا. طبعا هو احسن فى الاداء لكنه اغلى بكتير علشان كده مش منتشر الا فى السيارات الفارهه + ان بسيحب باور كبيره

شكرا...

شكرا لاضافة المعلومة، فقط احب اضيف حتى لا تحدث بلبلة لدى القراء ان النظامين اللى حضرتك تفضت بالتنويه عنهم هما من انظمة التعليق ذات التحكم الالكترونى والتى تتوافر فى الفئات العالية من السيارات الفاخرة فقط وكلا النظامين غير موجودين حتى هذة اللحظة فى 99.9% من السيارات التى
نستعملها ونراها كل يوم