محتاجة نصيحة

**SunSet** · 29-01-2010 02:26 AM

طيب الستات في التعليم عادي والا الرجالة افضل؟

ناس قالولي بلاش ستات عن تجربة ليهم

ياريت يعلموني على 127 اهي ملمومة بدل البحر اللي انا فيه ده

انا بأطوح يمين وشمال ومش عارفة اضبط المسافات والابعاد

وبعدين المكان اللي باتعلم فيه بيعدي فيه مقطورات وعربيات وده مخليني مش مركزة

انا اتعقدت اخر مرة فعلا

**rockana9112007** · 29-01-2010 03:23 AM

بصى انا كنت دايمااا بقول لاخواتى البنات ان السواقة ممارسة
يعنى حضرتك لو تعرفى واحد او واحدة قريبتك او صاحبتك وتنزل معاكى فى مكان فاضى او شوارع هادية وتقعدى تلفى بالعربية على مهلك وبروقان
شوية شوية هيكون تحكمك وسواقتك افضل وكمان هتكتسبى ثقة فى نفسك انك تنزلى اماكن زحمة ومتستعجليش على انك تسوقى فى اماكن زحمة بدون لما تخدى ثقة الاول عشان كدة انتى هتعقدى وتخوفى وتحبطى نفسك بسرعة
وبالنسبة لاحسن عربية انك تشتريها طبعاااا كل ماالموديل بقى احدث يبقى فى مصلحتك
وشكراااا

**Mar80** · 29-01-2010 09:11 AM

لو انت معاكي عربية انا ممكن ادلك على واحد شاطر جدا بيعلم السواقة انا زيك لسة بتعلم السواقة جديد و اصحابي هما اللى دلوني عليه هو ما شاء الله عليه شاطر جداو ممكن اسألهولك لو معندكيش عربية هو يعلمك ازاي و على ايه لو عايزاه ردي عليا على و انا اسالهولك و بعدين الاوائل و بتوع الوسيط كلهم حرمية و نصابين و المفروض انهم بيعلموا على عربيات حديثة زي ما منزلين في الاعلانات بتاعتهم مش فاهمة ازاي بيعلومكي على لادا .

**A.Saad** · 29-01-2010 09:24 AM

ازاى من اول ولا تانى مرة يديكى كورس فى وسط مقطورات

الاول يعرفك الدواسات والمشى
بعد كدة الملفات
المشى وسط الزحام

انا مادخلتش المقطورات وطرق سريعة الا اما المدرب لقانى خايف وقاللى انزل على طريق سريع

**SunSet** · 29-01-2010 04:04 PM

يعني انا عاوزة الاول عربية اتعلم فيها واتعود على السواقة عليها ولما ربنا يسهل اجيب حاجة تانية لكن في نفس الوقت مش عاوزة اروح كل 5 قائق اصلح فيها وقرف الاستغلال والحاجات دي

انا باتخنق بسرعة بصراحة

**amarakl** · 29-01-2010 04:05 PM

اللادا أسواء سياره فى السواقه وبعدين أى حد يتعلم السواقه على عربيه وحشه هيكون بقيت العربيات بعد كده بالنسبه له سهله
أما بالنسبه لشراء سياره لازم نعرف عايزه عربيه جديده ولا مستعمله وميزانيتك فى الشراء أيه

**SunSet** · 29-01-2010 04:17 PM

المشاركة الأصلية كتبت بواسطة mar80

لو انت معاكي عربية انا ممكن ادلك على واحد شاطر جدا بيعلم السواقة انا زيك لسة بتعلم السواقة جديد و اصحابي هما اللى دلوني عليه هو ما شاء الله عليه شاطر جداو ممكن اسألهولك لو معندكيش عربية هو يعلمك ازاي و على ايه لو عايزاه ردي عليا على و انا اسالهولك و بعدين الاوائل و بتوع الوسيط كلهم حرمية و نصابين و المفروض انهم بيعلموا على عربيات حديثة زي ما منزلين في الاعلانات بتاعتهم مش فاهمة ازاي بيعلومكي على لادا .

انا كنت بافكر اشتري عربية قبل لما اطلع رخصة بس خايفة من اقصة دي وكمان هم في الاوائل عاملين كذا نظام وكله بتمنه بس حاسيت انهم بيستعبطوا

انا بس عاوزة اعرف اسعار السوق ايه

يعني حضرتك مثلا بتاخذالحصة قد ايه وبكام؟

**mbx4e** · 29-01-2010 10:30 PM

شكلك كدا خايفة تقولي معاكي كام ماتخافيش ماحدش بيحسد هنا هههه ... عالعموم لازم تعرفي ان اختيارك لعربيتك بالذات في المستعمل بيعتمد على ١.معاكي كام الاجمالي اللي انت تقدري تدفعيه سواء في سعر العربية+الصيانة اول ماتجبيهاومصروفات نقل الملكيةوتجديد رخصتهاوالضريبة مثلانقول ٢٠ الف توتال يبقى سعرهايبقى في حدود ١٧أو١٨أو١٩على حسب حالة العربية وشطارتك في الفصال والباقي يبقى للصيانة طبعا كل ماحالة العربية تكون انضف تكون سعرها اعلى عن الرنج والصيانة اقل تكلفة.
لما تقدري تحددي المبلغ يبقي الخطوةالتانية نحدد نوع العربية وماركتها وموديلها إلخ..... ودي بتعمد على عاملين مهمين جدا جدا هما:
١.عامل السوق(هل العربية بياعة يعني محبوبة في السوق سهلة في البيع والشراء وانتشارها ودا شي كويس بيرفع سعرهاوقطع غيارها منتشرة+قطع الغيار مدى توافرهاوانتشارهافي السوق وأماكن بيعها واعتماديةالقطع وجودتها + الأعطال اللي دايما بتتكرر في نفس العربيةوالموديل والموتور نفسه هل هي اعطال سهلة يمكن التعامل معها ببساطة وغير مكلفة الثمن ولاصعبةبتحتاج ناس متخصصة ومكلفة ماديا+صيانة العربية ودا شي مهم جدا انا بقلك كدا عشان معروف عن السيدات عدم اهتمامهم بيها خلي بالك الصيانة النظيفة المزبوطة المستمرة بتريح اللي سايق وصاحب العربية لما يجي يبيع بيحافظ على سعرها وحالتها.
طبعاالكلام اللي فات دا لازم يتحط في الأعتبار وهو بياخد اولية كبيرة مهما كان نوع العربية ومهما كانت الفلوس المتوافرة عند الشراء.
٢.العامل الثاني:هو الرغبة الشخصية ودا أحيانا مايتعارض مع كل اللي فات ودا بيحدد شكل العربية الواحد بيرتحله بيحبه بشنطة من غير هاتشباك..اللون .. إلخ ...
بالنسبة لكي انا بقترح عليكي انك عربية في حدود ١٥ والأفضل لك بيجو٢٠٥ او فيات ١٢٨ او١٢٧ بس احسن لك ٢٠٥ ومحندقة سواقتها ممتعة وسلسة والتعليم فيها ممتع اهم حاجة الحالة بتاعت العربية والصيانة المستمرة وربنا معاكي

**SunSet** · 29-01-2010 11:03 PM

شكرا ليك

هو مش حكاية حسد بس انا مش معقول احط كل اللي معايا في عربية وبالذات وانا مش باعرف اسوق

انا عاوزة حاجة كويسة طبعا ومش بأحب اجيب في حياتي اي شئ مستعمل ولا باحب التقسيط

لكن بالشكل ده مش ممكن حاشتري الا بقى بعد سنين

انا باقول 10-15 وعلى استحياء 20- 25 بس لو اتمكنت يعني مش قبل سنة اتنين

و مش قابلة البيجو ولا ال 128

انا عجباني العربيات الصغيرة خاصة انها للاستعمال الشخصي لكن لو ده حيبقى مؤذي فبلاش منه

الايام دي بقيت بالاحظ العربيات

صراحة في عربيات زبالة قوي والتكسيات الموجودة دلوقتي انضف منها ( جايز تكون جديدة)

المهم

انا نفسي اشتري جديد لكن مش عاوزة تقسيط فيبقى مش حينفع

ومش باحب اتعامل مع طبقة العمال والصنايعية دول

انا اللي رماني على المر ده اللي امر منه وهو السواقين والبشر في المواصلات يبقى بقى ما اسيبش دول للي اسوأ منهم

اعمل ايه بقى