الموضوع: مقابله يوم 5 فبراير للاخوه الاسكندرانيه الاكيله (كوااااااااارع)

المشاركة الأصلية كتبت بواسطة michael_lanos

الف الف شكر لكل الناس الحلوه اللى شرفونا بالمقابله والاكل اللذيذ والقعده الشديده الحلوه، ويارب تتكرر كل اسبوع

الصوره دي للتشويق لغايه لما يجي شنورى يحكيلكم

يا ابو صلاح كفايه علينا الصوره دى لوحدها.......

دى تجمع بين اتنين من أعمده المنتدى.......

أستاذنا جمال توفيق عميد المنتدى.........

وعمود النور اللى قاعد معاه........

طبعا مفهوم إن بلغه الاسكندرانيه عمود النور يعنى عنقود الزينه بتاع الافراح والمناسبات الحلوه......(مين خاف سلم يا عم....)

المشاركة الأصلية كتبت بواسطة abou_ruqi

يا مايكل لو سمحت بلاش الصور علشان دي أعراض الناس

إفرض الحريم اللي معانا مكنوش قايلين لأهلهم ووحدة فيهم أخوها وألا جوزها شافها وألا حاجة ؟ يبقى الوضع عامل إزاي دلوقتي؟

بيوت ممكن تتخرب فيها دي !!.

يا باشا طبعا، طول ما هما بيدفعوا الاتاوه الصور فى الحفظ والصون

بالنسبة لصور الاكل هى شبه الصور الى موجودة مع اختلاف الكمية لان الكمية الى فى الصور تكفى واحد انما احنا كان قدمنا وليمة كبيرة و فى ناس مقدرتش تكمل من كتر الاكل والكوارع طعمها كان تحفة والجو كان محتاج فعلا الاكلة دى

بالنسبة لصور الاكل هى شبه الصور الى موجودة مع اختلاف الكمية لان الكمية الى فى الصور تكفى واحد انما احنا كان قدمنا وليمة كبيرة و فى ناس مقدرتش تكمل من كتر الاكل والكوارع طعمها كان تحفة والجو كان محتاج فعلا الاكلة دى

ياااااااااه انتو كلتو كبيات مياه فقط هههههههههههه
اصل الى موجوده فى الصوره كبايتين مياه وسجاير مش معقوله تكونو كلتو سجاير يعنى
ده كده الحمد لله انى معرفتش اجى ههههههههههه
لا بجد يا جماعه عاوزين صور الناس الجميله الى راحت
مش عاوزين صور الكوارع عشان انا مبحبهاش فمش فارقه معايا

نشوفكم فى مقابلة المندى
على فكرة اللى مجاش فاته الكتيييييير
وبلاش حجة المطر , انا نزلت علشان اروح المقابلة لقيت عجلنين نايمين و وقفت انفخهم بالكمبريسور فى المطر والاخوة انتظرونى لغاية ما رحت لهم متأخر شوية
بس الاكلة رمت الجته فى البرد ده

الحمد لله اهو كان فيه مطر عشان شنورى مكانش مصدقنى وانا بقوله انى كنت واقف على البحر فى المطر وروحت بالعافيه
بس الظروف تختلف يا باشا
انت لاقيت كمبيوسر ينفخلك العجل انا ملقتش واحد يمسح الازاز
كنت بفكر اخلى حد من الى كانو معايا فى العربيه اقعده على الكبوت يمسح الازاز هههههههههه بس مهانوش عليا عشان الهوا كان جامد