الموضوع: شقة حدثت بهااا حادثة قتل

انا لو حد اعرفه سكن فيها انا اقاطعه

المشاركة الأصلية كتبت بواسطة shnory

ماهو انت بقي المفروض لما ييجوا شويه هوا يزقوا الشباك تقول انهم هوا
وحتي لو الشباك اتزق من غير هوا
لازم تقنع الناس ان الهوا هو الي زقه
ههههههههههههههههههههههههه هههههه
وان البيت بيريح والحاجات دي

ههههههههههههههههههههههههه ههههههههههههههههه

و لما تبقى في الشغل و تلاقي كل 3 دقايق تليفون من البيت.... هتتجنن طبعاااااا

و لييييه الهسس ده كله.... و بعدين كفايه الشرح اللي شرحته يا شنوري بك
عن الروح و قرين اللي مات و العفاريت بتسكن فيين... قربوا يطلعولي

كفااااااااااايه انا بدأت اقلق و انا قاعد في بيتنا.... بقيت بتلفت حواليا يمين و شمال, جالي الهسهس خلاص

انا قاعد و الطبنجه في جيببي.... و اللي بيخااااااااااااااف يطلع بره.......
حد عايز حاجه...... انا هطلع بره

طيب شوفه الحكاية دى انا قراتها قبل كدة ع النت وانتم فكرتونى بيها فجبتهلكم شوفها كدة


السلام عليكم يا شباب حصل لى واصدقائى موقف غريب من نوعه عايزكو تعيشو معاى القصة مع الجن المسالم
واقسم بالله ان كل حرف حقوله بصدق
كعادتنا شباب لازم نتطلع كل سنة في شقة في الاسكندرية والعجمي بالذلت عشان احنا من عشاق العجمي والموضوع دا كان تحديدا سنة 2004وبنحجز مع الراجل صاحب الشقة زي كل سنة بس السنة دي عرفنا ان الشقة اتباعت وصاحبها الجديد واخدها لنفسة مش للايجار دورنا علي شقة ومنة لله السمسار اللي وقعنا في شقة في شارع البيطاش تحديدا شارع شهر العسل
تحديدا جنب بار اندريا احنا كنا بنأجر الشقة القديمة ب 150 جنية في الاسبوع دا في سنة 2000و2001 و2002 و2003 المرة دي السمسار مأخدش مننا اكتر من 100 جنية بس و10 جنية حلاوة لة وحددنا معاة اننا هناخد الاسبوع بتاعنا من اول 12-8 ورجعنا المدينة بتاعتنا كل واحد يحضر شنطتة ويستعد للمصيف زي كل سنة ومنة لله صاحبنا محمود اقترح اننا نروح العجمي بالليل عشان ننام ونبدأ اليوم من اول وكلمنا السمسار ومكنش عندة مانع طالما اننا معانا المفتاح ورحنا فعلا بالليل
الشقة كل واحد دخل خد الدش بتاعة وحطينا الهدوم ونضفنا الشقة وروقناها وكان عددنا 8 اشخاص قسمنا نفسنا كل 4 في غرفة وشوية طفينا النور عشان ننام ونسمع ناس بتجري في الصالة وصوت هيهيهيهيهيهيهيهيهيهيهيهيه يهيهيهيهيهيهيهيهيه
ال3 اللي معايا في الغرفة وانا معاهم طبعا افتكرنا ان اصحابنا بيعملوا كدا عشان منمش بس الموضوع استمر اكتر من نص ساعة طلعت انا وواحد معايا وانا متعصب دخلت الاوضة التانية لقيت اصحابي منموش دار الحوار التالي
انا/ مش هتبطل استظراف منك له يا ابن..................
اصحابي/ في اية هتشتغلنا ؟
انا/ عايزين نتخمد بكرة نعمل العن من كدا وهنهيص بس دلوقت عايزين ننام
اصحابي / ياسلام اشتغلني يالا اشتغلني
انا/ بطلوا تمثيل مش اللي بنعملوا في الناس هيطلع علينا
واحد من اصحابي / يعني بالله عليك مش انتا والبغلين اللي معاك اللي قاعدين تتنططوا وتهيصوا من ساعتها برة؟
انا / اقسم بالله ما حصل ولا عملنا حاجة من كدا
اصحابي / والله ولا احنا
ساعتها صعقت واصحابي نفس الوضع بس هونا علي نفسنا وقلنا يمكن الجيران او اي حد تاني اكلا دا كان الساعة 3 بالليل
قعدناا ف غرفة واحدة كلنا بيني وبنكم من الرعب محدش كان عايز يروح الغرفة التانية خالص اللي بيشرب سيجارة اللي بيقترح هنروح فين بكرة واحنا بنقترح اللي عايز ينزل وسط البلد اللي عايز يروح استانلي اللي عايز نخرج في البيطاش
لغاية لما سمعنا اللي قطع حديثنا مع بعض سمعنا طبل علي الدواليب بتاعت الغرفة بتاعي انا واصحابي وبيغنوا كمان والله ياجماعة زي ما بقولكم كدا انا لسة فاكر الاغنية كانت كوبلييهن لغاية دلوقتي (جوة البطيخة ترررا برة البطيخة لالالالالم)
اقسم بالله دا اللي حصل بالظبط نزلنا كلنا تحت قدام باب العمارة لغاية الفجر ما اذن ومحدش فينا عرف يروح يصلي لاننا كلنا كنا لابسيت اشراط النهار شقشق طلعنا لمينا هدومنا وعزنا علي اننا نتوكل علي الله ونروح وفعلا لمينا هدومنا وسلمنا المفتاح للسمسار ومرضاش يرجع الفلوس ولسة مستنيين اي مواصلة فاجنا واحد صاحبنا من الناس اللي كانوا معانابس بخيل شويتين انة دافع 20 جنية بحالهم ولازم يصيف الاسبوع دا حتي لو الشقة دي فيا اجن الازرق ذاتة وفعلا شجعنا بعض ورجعنا.....قررنا اننا نكمل باقي الاسبوع والكل يتشجع في التاني وطول ما احنا في الطريق للشقة بنهزر مع بعض ونتبادل الضحك نخفف من الرعب اللي ساكن في قلب كل واحد مننا وكل خطوة بتقرب من الطريق بتزيد رعب في قلب الواحد وكل دا احنا ماشيين نتلكع اللي نسي يجيب سجاير واللي يقول اخ نسيت اشتري لبان واللي يقول اة دا ميعاد كيس شيبسي بالشطة واللمون
الكل خلص الحجج الفارغة بتاعة ورحنا للسمسار وخدنا المفتاح منة وصراحة كل واحد فينا بيشتمة في سره واحنا في طريقنا للشقة كسر صاحبنا البخيل حاجز الصمت وحصل الحوار التالي
علاء/ بص ياله مش هما بيقولوا جوة البطيخة برة البطيخة .؟
احنا / ايوة ياعم لية ام السيرة دي
علاء/ بس خلاص عرفت احنا نعمل اية
احنا/ قول يا سيدي
علاء/ لما يقولو جوة البطيخة احنا نقول بذر ولما يقولو برة البطيخة احنا نقول قشر
احنا/ بس يا ابن الاهبل
علاء/ اسمعوا كلامي
احنا/ بس ياله عايز تصاحبهم صاحبهم انتا
اخ وصلنا كل واحد مننا مبيتكلمش وحالة من الصمت والرعب والكل وشة اصفر زي اللمونة
المفتاح كان معايا حبيت عشان اخلي حد يفتح الكل عاملين بيتكلموا في التليفون
فتح الباب بس سايبه موارب يلا يا شباب بيقولوا لي ادخل انتا الاول لألألألألألألألألألألألأل ألألأ علي جثتي
لغاية لما اتفقنا اننا دخل كلنا مع بعض؟
وكان الاستقبال الحافل من الجماعة ؟
تصفيق حار وهيصة واللي يصفر .....!!!!!
وبعدين مغيرناش لبسنا قلعناة ونمنا ب الاندر وير ودخلنا سراير الشقة بحيث تكون في غرفة واحدة (نشجع بعض)
نمنا وعدي اليوم علي خير تاني يوم بنحضر الفطار فبطلع لبسس عشان البسة لقينا كل واحد لبسة في شنطة التاني
؟؟؟؟؟؟؟؟؟؟؟؟؟؟؟؟؟؟؟ اتصعقنا فواحد من اصحابنا علل كدا باننا في اول مرة واحنا ماشيين كنا مستعجلين فممكن يكون لبسنا
اتبدل..؟؟ قلنا ممكن مش هندقق في كل حاجة كدا مع اننا كنا بنكدب روحنا كل واحد مننا لية نص دولاب بالطول يعني عمرة مايغلط وياخد حاجة من النص التاني بس بلعناها بعدها رحنا البحر ورجعنا فراجعين مزاجنا رايق من البحر فواحد بيغني من اصحابنا مش فاكر بالظبط تقريبا اغنية قديمة وهما عملوة له كورال صاحبنا اترعب من يومها مبيغنيش وعلاء نفسه انهم يغنوا جوة البطيخة عشان يعرفهم انه بيحل الغاز قعد يستني في اليوم دا محدش منهم غناها خرجنا ورجعنا غيرنا هدومنا وعلاء كلة اصرار انهم يغنوا ياعم الله يسترها معاك سيبهم احنا ما صدقنا انهم منفضين لنا قعد يغني فين وفين لقيناهم بيغنوا في الاوضة الفاضية اللي جنبنا وبيطبلوا علي الدواليب علاء قام في ثانية وهما بيقولوا جوة البطيخة تررا برة البطيخة لالاللاالم فهو مفكرهم بيقولوا لغز وهو عايز يحلة فقالهم اية اللي جوة البطيخة واية اللي برهها كان ردهم التالي
اجري ياله يا عبيط عشان محدش فينا يأذيك ؟ دا واحد منهم
التاني نام يا حبيبي والصبح هديك جنية دهب ؟(علي اساس انة طارق علام)
كل دا واحنا ميتين من الضحك والرعب أزاي والله مش عارف الرعب لانهم بيتكلموا وسمعت كلمة لحسن نأذيك والضحك علي التاني اللي بيقلة هديك جنية دهب ومن اليوم دا واحنا مبنعرفش ننام واحد منهم ماسكنا كل لما نيجي ننام يفضل يقول نكت
بايخة جدا لمدة 3 ايام مثلا بيقول مرة قنبلة وقعت علي مصنع حلويات قالت بم بم
زهقنا قعدنا ندور علي راديو مش لاقيين رحنا للسمسار ادانا راديو صغير بنشغل قراءن علية فشغلنا في الصالة ودخلنا الاوضة
رحنا البحر ورجعنا دا في تالت يوم ورجعنا مسمعناش حاجة منهم بس واحنا مشغلين القراء في الصالة قبل ما نخرج كنا بنهزر فالاوضة مع بعض وصوتنا بقي عالي لقينا صوت بيكلمنا في الاوضة وبيزعق
انتوا معليين صوتكوا لية؟
احنا بنسمع القراءن وانتوا بتهزروا ؟
واحد صاحبنا/ ياعم سيبونا في حالنا بقي وامشوا
الصوت/ قالوا انتوا اللي جيتوا علينا واحنا لغاية دلوقت مرحبين بيكوا ومحدش فيكوا اتأذي ولا شاف حاجة
اتسمرنا في مكاننا
قالنا يا تطفوا الراديو او تسمعوا القراءن
واحنا خارجين مع بعض كل واحد ذهنة شارد ومحدش عايز يروح قبل الصبح وفعلا مروحناش الا الصبح
واليوم الرابع دا بقي مهزرناش ومشغلناش اغاني ولا حد بص في خلقة التاني ومرحناش البحر حتي وكان حالنا الاتي
اللي بيلعب في التليفون اللي بيشرب سيجارة اللي بيحاول ينام اللي بيعمل ساندويتش عشان نفسة مسدودة كان غم من الاخر
لغاية الساعة 7 بالليل لقينا الجماعة قاعدين يهيصوا والاغنية المرة دي كالاتي (نطاط الغيط بسبع رجلين (جمع قدم) وسنانة
سود وبياكل دود احنا سمعنا الاغنية دي وفطسنا علي روحنا من الضحك قولنا نخرج خرجنا وغيرنا المود ورجعنا بالليل في السهرة جة الاخ بتاع النكت البايخة قعد يرخم شوية قعدنا نقول يييييييييييييييييي ويارتنا ما قولنا قعد قال علي كل واحد فينا سر
وفضحنا بمعني اصح وقال حاجات متتقالش خالص لدرجة اننا كنا هنخسر بعض قدنا نقرا قران ونستعيذ بالله من الشيطان لقينا المطبخ بيتكسر بالحاجة اللي فية وسكاكين المطبخ كلها اترشقت في الدواليب بتاعتنا
طلعنا برة الشقة خايفين دا تعبير قليل احنا كنا ميتين من الرعب دخلنا عشان نكلم السواق اللي احنا كنا جايين معاة عشان يجي ياخدنا النهاردة واحنا جوة الشقة واحد منهم قالنا ان انتوا خلاص ضيافتكم انتهت غير كدا اللي هيبيت النهاردة في الشقة هنأذيه
علاء البخيل رد / حاضر يا باشا انتا تأمر يا سيد الناس
مش هتشوف خلقة حد مننا النهاردة واحنا برة الشقة لقينا واحد من الجيران سالتة عن الشقة
قالي دي بتاع واحد اسمة الاستاذ جمال مهندس زراعي بس اتوفي فيها هو واولادة ومراتة واخواتة الاتنين اتخنقوا من الغاز
قلتلة شكرا
عرفت دلوقتي مناسبة اغنية جوة البطيخة وبرا البطيخة
واغنية نطاط الغيط بسبع رجلين
جت العربية وخدتنا وسافرنا ولغاية دلوقت من ساعة الاخ بتاع النكت البايخة ما فضح سر كل واحد مننا واحنا لغاية دلوقتي فيه ناس من الشلة دي مبتكلمش بعضها ومتجمعناش التجمع دا من اربع سنين.


انا مش طرف فالموضوع خالص اوك

الموضوع منقول