الموضوع: سؤال عن سواقة الستات

المشاركة الأصلية كتبت بواسطة Islam_galal

من حق كل حد يسوق و لكن في حدود الحفاظ علي الآخرين

لما يكون أكثر من 70% من الستات اللي بقابلهم بيسوقوا يوميا بالحالة دي:

- واحدة بتسوق و هي متعرفش تسوق لأن كله بالكوسة
- واحدة تسوق و لما تعمل مصيبة تهلل و لا تعيط و طبعا حيضيع الحق لأننا مجتمع شرقي
- واحدة تسوق و مش فارق معاها لأن في بني آدم تاني بيدفع التصليح
- واحدة تسوق و تأكل العيال و تتكلم في التليفون و تأكل نفسها كمان كأنها قاعدة في بيتها

يا سيدي إحنا أمام ظاهرة و هي اللامبلاة من الجنس اللطيف بالإضافة لنسبة لا يستهان بها منهم لم يتعلم القيادة من الأساس

أقسم بالله بقيت باعرف أن قائدة السيارة التي أمامي سيدة من نوعية القيادة فقط و بقيت أتحدي زوجتي في ذلك لدرجة انها هي نفسها اتعقدت من قيادة الستات

دي أرواح ناس و حقوق و ممتلكات أشخاص ، لازم يبقي فيه وقفة

أنا رأيي يتعمل مرور للسيدات كل العاملين به سيدات منها للمحافظة عليهم و منها تلافي جزء كبير من المجاملات
يا راجل ده حتي المخالفات ، الظابط تلاقيه بيحن و يطنش لما الأنسة تتكلم معاه بلطف شوية و تمشي تتكلم في التليفون قدامه

المشاركة الأصلية كتبت بواسطة mohamed_momi88

في فرق بين سواقه هاديه و سواقه مضرةةةة

السواقه الهاديه جميله بس في وقتها و يكون الشخص عارف قواعدها يعني في شارع مثلا علي الاقل 3 او 4 حارات و الواحد ياخد اليمين و ياخد حارة واحدة بس مش يمشي في النص و بعد كدة يمشي براحته

لكن مش شارع زحمه و حارة واحدة و الواحد يمشي يدلع و فعلا نسبة كبيرة من اللي بيعملوا كدة سيدات و برضة مفيش شك ان في سيدات محترفين و بيسوقوا حلو

و برضة بصراحه في رجاله كتير لما بيشوفوا واحد بتسوق بيقعدوا يطلوا القطط الفطسانه في سواقتهم و يشتموا عمال علي بطال و تلاقيه تحوا فجأة لمايكل شوماخر اللي عايز يطير في الشارع و الست معطلاه

و الله كتير ببقي راكب مع زمايلي و تلاقيه ماشي سلحفاة ببقي نفسي ادوسله علي البنزين علشان يمشي و يشوف واحد ست قدامه يركبه 100 عفريت و يقعد يكلكس و عايز يعدي باي وسيله

كنت راكب مع واحدة زميلتي في الشغل قبل كدة و هو بتسوق ماشاء الله كويس جداااااااااا و بتمشي في حارتها و بسرعه يعني سواقه مثاليه و طول الطريق عماله تتشتم و الله صعبت عليا يعني واحد يكسر عليها و هي في طريقها و هي متعديهوش و تكمل يقوم شاتم مكروباص يجي يمين فجأة و يقف و يقوم شاتم مش عارف ليه انا طبعا حرمت اركب معاها تاني من كتير الشتيمه

فياريت السيدات اللي مش متعلمه سواقه كويس تتعلم الاول كويس و الرجال اللي بيشتموا عمال علي بطال لانها سيدة يحترموا نفسعهم لانها فعلا ممكن تبقي اخته او امه او بنته اللي بتسوق

المشاركة الأصلية كتبت بواسطة Sameh

معلش هو مش موضوع سواقة هادية ، هو موضوع سواقة تجيب حوادث وتخلى الناس يخبطوها ، ماينفعش أسوق فى عرض الشارع على 40 وانا على طريق كله ماشى 80 على الأقل ، ده يساوى نفس خطورة واحد بيجرى أو أكتر شوية ، وماينفعش يبقا الإشارة قدامى ب 500 متر واضرب فرامل فى مكانى تخلى اللى ورايا يلبس فيا ، ولا ينفع امشى فى نص الطريق بين حارتين عشان مش شايفة حدود العربية واللى وراها يولع ، وغير ده كتير

المشاركة الأصلية كتبت بواسطة oilman

لا مانع من ان لهم الحق فى السواقة بس بشروط او بشكل اوضح بمزيد من الامان عليها وعلى الاخر فى نفس الوقت يعنى ايه شعورك لما تلاقى كوبرى اكتوبر فى اتجاه مدينة نصر والساعه 12 بالليل وتلاقى الكوبرى واقف او شبه متوقف وفى الاخر تلاقى السبب ان واحده هانم بتتكلم فى الموبيل وسايقه ومديه انتظار وماشيه فى نص الكوبرى بذمتكم لو راجل هو الى عمل كده حتعملوا فيه ايه وده غير بقى الهوانم اللى بيتكلموا فى الموبيل وقال ايه بيصتنصحوا ويعلقوا الموبيل تحت الايشارب ده لو محجبه وديه ارحم من اللى بتكون الدنيا زحمه او فى يو تيرن والموضوع عويص وتلاقيها بتبص فى الموبيل علشان تتصل او بتبعت رساله او بتقرا رساله يعنى اى كان ايه الغرض فى الاخر هى ملهيه عن السواقه وعن الشارع وكل حواسسها وجوارحها مركزه فى الموبيل تعمل ايه بذمتك انا مش ضد سواقة الستات بالعكس ياريت يسوقوا كويس وبامان كافى علشان يريحونا من المشاوير وكمان يحافظوا على الناس فى الشارع وده الاهم بس برده مفيش فايده الست بتتحكم فيها حاجات كثيره زى الحاله المزاجيه ليها وهى سايقه يعنى لو جوزها اتعصب او اتخانق معاها فى الموبيل مثلا او قرفانه من مديرها فى الشغل او حد زعلها يبقى نهاره اسود اللى حظه وقع معاها فى نفس الشارع وبرده الرجال كده بس احنا بنتحكم فى اعصابنا يعنى بدرجه تؤدى للامان الكافى عامة ده نصيبنا وقدرنا والحمد الله على كل الاحوال
انا ضد استعمال الموبيل اثناء القياده بدون داعى او اهميه يعنى ممكن مكالمه وتكون ليس لها اى قيمه ممكن ان تؤدى بحياتك او حياة غيرك ياريت نفكر قبل ما ننفذ

كل اللى فات دة صح

المشاركة الأصلية كتبت بواسطة mohamed.mostafa

للتوضيح احنا مش بنتكلم على الاغلبية احنا منقيين حالات ياريت برضوا من العدل (بفتح العين) شوية عن الرجالة اللى واخداها بالدراع واللى ماشى الساعة 1 بليل فى شارع يكاد تنعدم فية الاضائة ومش هاين علية ينور النور بتاع عربية وكنا حنلبس فية واحنا داخلين شارع جانبى واللى ماشى يتنطط يمين وشمال وغرز بقى وفرك ويرمى على العربيات التانية بمنتهى الغشومية واللى الزينون مدايقة وعاميك بية طول السكة واللى جابلك صداع فى الاشارة واقف جمبك وجايب اخر السماعات بتاعتة بدون مناسبة ولا السجاير اللى بتتحدف من شباك اللى قدامك وتلاقيها طارت دخلتلك يافى الازاز لا فى وشك او فى هدومك والى بيرمى ازايز عصير فى الشارع وهو ماشى على الاسفلت ميعرفش انها ممكن تيجى فى حد بيعدى واللى بيكسر الاشارة فهلوة وحاطط نسر لا دة مش نسر وان صح التعبير دا ابو النسر واللى يقف فجاة فى منزل كوبرى ولما تنزل تكلمة يجعر ويقل ادبة ومتعرفش تاخد معاة حقك غير لو معاة واسطة لان القسم مش بيعمل حاجة غير محضر صلح لو حسبناها وجت على الستات فحتلاقيهم ارحم فى كل الحالات اللى فاتت لان اغلبيتهم مبيعملوش كدة وبيبقوا حريصين جدا وخايفين يعملوا حادثة انا مش متحامل والله ولا حاجة بس لاقيت من العدل(بفتح العين) ذكر كل ماسبق منعبش فى الستات فقط وفى الاخر انا برفض الانواع دة من السواقة ستات او رجالة والسواقة اعصاب وتحكم عصبى وتوافق نظرى مش دواسات ودركسيون وفتيس فقط وقبل دة كلة السواقة فن وزوق واخلاق

المشكلة مش فى الست كا ست، ولا الراجل كا راجل، المشكلة فى الاغلبية

يعنى مش كل السواقين الرجال زفت، في منهم كتير محترمين، ومش كل الستات حرفية سواقة او بيسوقوا كويس

وعلى فكرة فى ستات مجانين فى السواق، يعنى انا افتكر مرة انا وصحبى كنا مشين فى الاوتوستراد، ونلاقى لانسر سودة ركبها بنت، ومفية ، وكاتبه على الزجاج الخلفى

F... me if you catch me

طبعا دة مع اكمال النقط، والاقى كل الشباب اللى فى الشارع بقدرة قادر لبس الخوذة وطار

وافتكر كمان ان كان فى فيديو على اليوتيوب واحدة بتسوق، خبتطت واحد، ونزلت اتخنقت معاه وشتمته بالدين والام وكل حاجة، وطلعت له الالكترك كمان

فا الفكرة هى ان المشكلة فى الست، المشكلة ان الغالبية مش متمكنة من السواقة، فطلع السمعة دى، زائد اننا فى مجتمعنا مكناش متعودين على كدة

وربنا يكرمنا

معلش دا ما يمنعش برضه ان فى بنات كتير بتتعامل مع السواقه غلط ودا بيضر الناس الى بتسوق والمشاه وبتضر نفسها فى الاساس انا واحده قريبتى كانت بتسوق لو حصل مفاجأه قدامها فى الطريق تسيب الدريكسيون وتحط ايدها على وشها وتصوت وساعات كتير موقف ممكن تتفاداه بهدوء
دا طبعا مش تعميم فى بنات بتسوق كويس اوى بس قليل
والموضوع دا مش فى مصر بس من كام يوم اندريه ارشافين لاعب ارسنال قال
"لو كان بامكانى منع نساء العالم من القياده وعدم السماح لهم باستخراج رخصه لكنت فعلت ذلك"

المشاركة الأصلية كتبت بواسطة mohamed.mostafa

برضوا حضرتك عاوز تفهمنى ان عدد الستات اللى بسوقوا وحش اكتر من عدد الرجالة اللى بتسوق وحش او هم الاغلبية فى موضوع سوء السواقة من وجهت نظرى وتجربتى الشخصية :m_yes[1]: انا اعترض مع حضرتك وبالنسبة للحالات اللى حضرتك ذكرتها فهى حالات بنقول عليها شاذة وزى اما قولت دى مجنوة والتانية اجن منهاوانا معاك حضرتك فى النقطة دى، بس انا كان كل قصدى انى ابين انى شئ فيه الكويس والوحش والمنيل وزى ما فى كدة فى رجالة كمان كدة وبيعملوا اكتر من كدة بس مع فرق بسيط، ان الحلو لو حاول يعمل فيها حامى بنى عبس ووقع فى حد صايع، هيصحل حاجات مش ظريفة، انما لو ست، يبقى مفيش أمل ممكن ينزل يتخانق مع سواق تانى ويوقف عربية فى نص الشارع واسمع بقى احلى الاالفاظ الللى تتكسف تسمعها لو معاك احد افراد عيلتك متفق جدا مع حضرتك فى النقطة دى، بس فى وسط كمية الرجالة اللى بتسوق، برضة تعتبر نسبة قليلة، على الاقل من وجنه نظر تجربتى الفكرة بقى ان الحالات دة بدات تزيد ومبقتش فردية ومش فى السواقة فقط ولاكن السلوك ممكن تلاقى راجل ماشى ملتزم جدا ولاكن الحلو ميكملش عامل الشارع مزبلة واى حاجة فى ايدة ارمى برة اة لو خبطت فية مثلا او لو هو غلطان ينزل يكلك معلش لو حضرتك توضح النقطة دى تانى، لو كان ماشى ملتزم، وانا خبطة يبقى انا اللى غلطان، زائد انه المفروض ميرميش حاجة فى الشارع :) وطبعا اصحاب القلوب الضعيفة مبيعرفوش يسدوا تفسر باية مثلا لو اختك طول الطريق بتتشتم وهى بتسوق عادى ومبترميش وملتزمة بحارتها دى اسمها قله تربية من اللى بيشتم ، مش اكتر، يعنى انا واحد اتعرضت قبل كدة كام مرة لمواقف فى السواقة من ستات، بس ربنا يشهد انى عمرى مشتمت حد فيهم، يمكن اخرى كنت اقول لهم بهدوء وبطريقة كوميدية شوية، يعنى ينفع كدة؟؟؟ هل هى اجرمت ام انها غلطانة انها بتسوق لو كانت فعلا زى مبتقول كدة، ضيف عليها سرعت التصرف، يبقى تسوق على عينى ام انة قلة ادب من اللى حاواليها الفكرة بقت فى السلوك العام بالنسبة للرجال وبعض النساء قليلى الخبرة فى السواقة وضعف الوازع الدينى واختفاء الصبر كلة طيارات وكلة مستعجل انا برضة بعانى من النقطة دى، بحس انه هياخد جائزة لو وصل بسرعة

واتمنى ان رأيي ميكنش ضايق حضرتك :)

وأن شاء الله ربنا يقدم اللى فيه الخير

ارخم حاجة بقى لما انت تكون ماشى فى امان الله وتلاقى واحد قفشة انها تيجى من الشمال لليمين او العكس او تسرح من غير حتى ماتدى اشارة وتاخد الحارة الشمال وتقفش فيها وتموت السايقين وراها من كتر حرقة الدم والضغط