الموضوع: ايه رايكم في زواج الاجانب

انا شايف انه مش حلو ونسبه ضئيله منه بتنجح حتى الزواج بابنات العرب مش الاجانب بس.
مثلا خالى عايش في امريكا بقالو اكثر من 23 سنه ومتجوز امريكيه مسلمه و عنده ثلاث عيال بعد السنين ده كلها حصل انفصال.
انا شايف المصرى مفيش احسن منه تعرف تتكلم معها و تهرج معها انما الاجان و البنات العرب باردين شويه وقفيات ده راىى بصراحه

أول حاجة أحب ان اشكرك على الموضوع ده لإنى فكرت فيه كتير و كنت عايز حد يفتح فيه مناقشة
الموضوع صعب شوية و بصراحة انا مشفتش و لا جوازة من دى نجحت

لكن برضه فى جوازات كتير فى مصر مش بتم عشان التعقيدات اللى اصبحت فى ثقافة كتير من المصريين و هى غلو المهر و شبكة غالية و الموضوع الجديد اللى اسمه القايمة حاجة كده معرفش طلعت إمتى و إزاى .. كل الأسباب دى خلت الشباب يفكر الف مرة قبل ما يقدم على هذه الخطوة
لكن أعتقد ان الأجانب معندهمش العقد دى يعنى المهم يكون شاب محترم و يقدر يصرف عليها و خلاص لكن التعقيدات اللى زى المهر العالى و الشبكة اللى بألوفات مش موجودة و بالتالى بتبقى الجوازة أسهل
و تعالى برضه نبص لجانب تانى .. النبى صلى الله عليه و سلم قال "تنكح المرأة لأربع: لمالها ولحسبها ولجمالها ولدينها، فاظفر بذات الدين تربت يداك". يعنى أهم حاجة فى إختيار الزوجة هى الدين ( طبعآ مش لوحده لكن أهمهم ) هنلاقى ان كتير من الأجانب المسلمين بيبقى عندهم التدين أحسن مننا إحنا كمصريين لإنهم بيكونوا متمسكين بدينهم أكتر عشان ظروفهم

خلاصة القول هى ان لازم يكون فى واحدة أحسن من واحدة يعنى ما ينفعش تقول البنتين زى بعد بالظبط عشان تقدر تقارن ما بينهم و فى الآخر هى عملية نسبية يعنى كل واحد حسب الظروف اللى هو بيبقى فيها و فى الآخر انا شايف ان اسباب الفشل او النجاح بتكون الى حد كبير مشتركة ما بين الحالتين و رأى الشخصى اللى انا بفكر فيه ان لو قدامى بنت أجنبية محترمة و على تدين صحيح و شكلها مقبول بالنسبة لى أعتقد ان ممكن أفضلها على بنت مصرية فى حالة وجود التعقيدات اللى انا قلتها قبل كده

و آسف للإطالة و أرجو ان الكل يشارك فى الموضوع ده لإنه بجد موضوع جديد

كلامك منطقي جدا يا Amr Mokhtar وفعلا الاجنبيه المتدينه افضل بكتيييييييييييييييييير من المصريه
مش عارف احنا تفكيرنا بجد غلط ولا ايه بس موضوع الشبكه والمهر والحوارات دي كلها مش هيوصلنا الا ان كل البنات هتعنس ومحدش هيتجوز ابدا
يهيا لي ان اغلب اللي بيعارضوا النوع ده من الزواج في شريحه عمريه كبيره شويه يعني ممكن فوق التلاتين او الاربعين لكن الشباب اللي تحت التلاتين بيفكر جديا فيه
موضوع العادات والتقليد وتفهما وتفهمك بتهيا لي ملوش محل من الاعراب هنا ليه؟ لان مش كل عاداتنا وتقاليدنا صح اغلبها ورثناها من ايام العصور المظلمه( اواخر الحكم العثماني) وبتهيالي لو احنا نقينا العادات والتقاليد اللي بيوافق عليها الدين هتلاقي ان الاجنبيه هتتفق معاك فيها بل والعكس هتشجعك عليها
لكن الباقي (اللي سببها العنطظه والكبر والعند) يبقي دي ارميها في الزباله احسن!!!
ولو جيت تقارن مصريه باجنبيه في نوعيه الفكر وتحمل المسوليه الاجنبيه تكسب بمرااااااااحل
ولو علي الجمال رايي نمش محتاجه كلام الاجنبيه وش
ولو علي التدين المتديننين منن الاجانب احسن من المصريين (رجاله وستات) بكتيييييير
ولو علي الاولاد في رايي حتي لو الجواز فشل انت اديت لاولادك اجمل حاجتين
جنسيه نظيفه عشان ميتعبوش في حياتهم زي ما انت تعبت
ودين الاسلام منقي من العادات والتقاليد العبيطه بتاعتنا
يعني من كل الاوجه الاجنبيه احسن
لسه للامانه حاجه واحده بس
المصريه ممكن يكون ميزتها الوحيده انها بكر(مع ان الواحد بقي بيشك في صوابعه اليومين دول) ده كلام سليم
بس الحديث الصحيح بيقول (الاسلام يجب (يمحي) ما قبله) يعني ان لي من تاريخ اسلامها مليش دعوه بقبل كده ربنا اللي بيغفر مش انا
والموضوع كله ليله واحده الفرق بين الانين تضيع عمرك كله عشان ليله؟؟؟ بتهيالي الموضوع فيه نظر؟؟
انا لسه مش عايز احكي حكايتي بس حاكيها اول ما افضي لانها بجد حكايه غريبه
مستني الردود والمناقشات

المشكلة يا استاذ فيلسوف العرب ان المشكاة هي مصر ان اغلي حالات زواج الأجانب سببها الفلوس و الهجرة ليس الا و الدليل تلاقي معظم اللي متزوجين من اجنبيات تلاقيهم شباب صغير في السن و متزوج من سيدة كبيرة في السن فوق الأربعين ستة ودي هي المشكلة

بالنسبة للسؤال الأول طبعا هتزوج المصرية المسلمة و اعفها هي اولي و بعين احنا عندنا بنات محترمة جدا و متربية تربية عالية و مستويات كمان مش اي حاجة

دا لا يمنع ان هناك ناس متزوجين من اجنبيات محترمات

والله يا استا> مصطفي احنا بنتكلم عن المبدا نفسه ملناش دعوه بالتصرفات الشخصيه وانا بقول انك هتتجوز واحده من سنك وبعيد عن موضوع الهجره دي اساسا
انا عارف طبعا ان احنا عندنا بنات بسم الله ما شاء الله
بس انا بنتكلم لو الاتنين كويسين ؟ تختار مين؟
المصريه اولي؟؟؟؟ ليه اولي؟؟ عشان اتولدت في نفس البلد اللي انا اتولدت فيه؟؟؟؟
ده مش موضوع شجع صناعه بلدك انا يهمني مسلمه اولي واخيرا وصدقني هي اولي بالدعم
وفي نظري احسن حاجه في الدنيا انك تجوز اتنين اجنبيه وعربيه
بس دي صعبه شويه؟؟؟

استاد توت عتخ امون
اقصد بالاجنبيه اي واحده بره مصر
بس طبعا الاكتر اوروبا وامريكا
انا مع حضرتك ان الاخلاق هنا احسن شويه بس ده حوالين موضوع الحريه الجنسيه
الباقي؟؟؟ بصراحه؟؟؟ انا شايف ان الكويس منهعم احسن مننا بكتيييير( يعني الكدب المواعيد الفهلوه الانانيه الوصوليه وهلم جر) دول عندنا بقم حاجه مش ممكن
اما عن الاولاد فشايف حضرتك انهم في اوروبا هيتعلموا حاجات في المدارس اسوا من عندنا؟؟ مش عارف ممكن بس على الاقل مش هيطلعوا عندهم الانفصام في الشخصيه اللي عندنا؟؟ وفي دلوقتي مدارس اسلاميه في اوربا بجد اتمني اني انا شخصيا اتعلم فيها!!!
عموما عندك حق هو الموضوع نسبي وبيختلف من شخص لالخر بس اللي عنده الفرصه يختار مين؟؟ ده السوال