الموضوع: هل هو قانون سوق السيارات المستعملة ...ام الشطارة!!؟

السيارة المستعملة وايلي يادوبك معلقة نمرتين....يعني عدادها ما عملش الـ 10 آلاف كم...
سعرها لازم يقل 10 آلاف جنية (في حالة السيارات الياباني والسيارات التي يقترب سعرها من 100 الف)...او نسبة مئوية (10% مثلا من ثمن الزيرو)...ولا مش شرط انها تقل النسبة دي...!!؟؟

انا ملاحظ ان الناس كلها بتقول ان العربية لو اترخصت وعلقت نمرة تنزل علي طول 10آلاف ومن غير ما تتحرك من مكانها ....علي اساس انها بقت تاني يد...وانها لو اتباعت تاني هاتبقي تالت مرة.....


اية رايك في القانون دة هل هو فعلا قانون السوق....ولا مش لازم....ودة برضة لاني بالاقي عربيات كتير كسر زيرو في معارض وبيطلبوا فيها فرق بسيط قوي عن الزيرو (يعني 4 او 5 آلاف فرق...)..

ولا التاجر بس ايلي من حقة يشتري بخسارة 10 آلاف علشان يكسب 5 آلاف لما يبيع تاني...

خلينا ناخد شوية العوامل دى فى الاعتبار بالنسبة لعربية عاملة 8 أو 9 آلاف كيلومتر مثلا:

1- تكلفة نقل الملكية فى الشهر العقارى والتى تصل ل1000 جنيه للسيارات المحلية و 2000 جنيه للسيارات المستوردة
2- استهلاك مواد الصيانة التى ستحتاج الى تغيير عاجل مثل الزيوت والفلاتر والسيور وشمعات الإحتراق وتيل الفرامل وهذا البند يتكلف فى حدود 1000 جنيه للسيارات المتوسطة الى جانبالإنتقاص من عمر الكاوتش والبطارية
3-لا توجد سيارة مستعملة فى مصر بدون خدوش ولا تجريح ولا نتشه هنا ونقرة هناك وهذا طبعا له ثمن
4-هناك فرق بين انك تركب سيارة فيها ريحة واحد تانى غيرك وسيارة تكون انت اول من يرفع الأكياس عنها وبالتأكيد فهذا له ثمن
6- دائما توجد نسبة مخاطرة فى حالة السيارة المستعملة فمن يضمن لى مثلا انها لم تقطع العشرة ألاف كيلومتر الأولى كلها على سرعة 200 كيلومتر فى الساعة و7000 لفة فى الدقيقة وتاكل مطبات كفيلة بقصف عمر عفشتها كلها؟
7- الجديد متاح بالتقسيط لكن ما يسمى كسر زيرو غير متاح سوى عدا ونقدا وبالتالى فمن كان يملك ثمن السيارة ناقصا مبلغا ما فإنه يفضل عادة ا يقسط هذا المبلغ ويحصل عليها جديدة عن ان يشترى سيارة كسر زيرو ولهذا فيجب ان يكون الفرق مغريا
8- يستلزم نقل ملكية سيارة مستعملة عقد بيع وشهادة مخالفات ونقل ملف وكثير من الإجراءات لا يمر بها من يشترى سيارة زيرو وهذا ايضا له ثمن
9- عروض السيارات( المحروقة)(التى يشتريها شخص بقرض ما ثم يبيعها كاش باقل من سعر السوق طلبا للسيولة) تساهم فى خفط سعر كسر الزيرو

وهكذا ، فى ظل المعطيات السابقة نجد ان انخفاض سعر السيارة (كسر الزيرو) منطقى جدا

يحدث فقط ان يكون كسر الزيرو بسعر الزيرو واحيانا اعلى لو كانت السيارة الزيرو غير متوافرة سوى بالحجز لمدد طويله فنجد من هو على استعداد لدفع قيمتها جديدة والحصول عليها مستعملة لتوفير الوقت