الموضوع: نيو اكسنت ولا اللوجان ؟

المشاركة الأصلية كتبت بواسطة gbeshay

يا جماعه بجد حرام الي بتقولوه ده بجد

مينفعش تقارن بينهم اصلا علشان فرق السعر

انا معايا نيو اكسنت 2010 و امبارح رحت انا وواحد قريبي نتفرج علي الوجان

بالنسبه للشكل الوجان حلوه طبعاً بس ضخمه قوي
النيو اكسنت ملمومه وانسيابيه جدا وشكلها احلي من وجهه نظري انا

بالنسبه للموتور اكيد النيو اكسنت تكسب 112 حصان يا جدعان و تكنولوجي الموتور بتاع النيو اكسنت 2007 و موضوع ال cvvt ده مش هذار طبعاً الموتور بتاع الوجان قديم جداً ده كان موتور الداتشيا زمان من 11 سنه و موتور الميجان 1 لحد 2001 أو 2002

وافتح بقي يامعلم الكابوت توهان السنين يا معلم كل سلك داخل في التاني و خراطيم من هنا و من هنا توهان اخر حاجه

التقفيل النيو اكسنت انضف 100 مره انا عايزكو تشوفو:
1- زراير التابلوه
2- مقابض البيبان ضعيفه جدا مقارنه بالنيو اكسنت و قفله الباب تقيله في الاقفله و الفتحه "مش تقل باب"
3- مفصالات المرايات ضعيفه جداً والمريا مش 180 درجه انا كنت خايف و انا بقفيلها و افتحها
4- التقفيل من جوه فقير جدا بالنسبه للنيو اكسنت
وده اكيد مقابل فرق السعر

استهلاك البنزين النيو اكسنت تكسب لحد 100 كيلو /ساعه
لاكن اسرع من كده النيو اكسنت سفاحه بنزين بس ده علشان النيو اكسنت 2 كامه لاكن الوجان كامه واحده بس ده يساويه سحب اعلا للنيو اكسنت

لمبه المرشيدير واحده بس من ورا مش اتنين وده مش عارف ازاي بصراحه
وكذلك لمبه الشابوره الي ورا واحده بس الي علي الشمال

فتح تانك البنزين و الشنطه من برا يعني لازم انزل من العربيه علشان افتحها

مفيش انذار حته في الفول اوبشن هو موضوع المفتاح الي مش بيفتح غيره
مفتاح واحد بس من التنين الي فيه سنتر لوك

موضوع الفتيس الي فيه زي الفيبريشن ده طول ما العربيه دايره.

قطع الغيار: النيو اكسنت تكسب طبعاً
التوكيل :الوجان تكسب
إعاده البيع: الاكسنت حالياً و الوجان قريباً
المساحات و الوسع: الوجاننننن طبعاً

و فيه حاجه مهمه برضو النيو اكسنت تقفيل بلادها كوريا لاكن الوجان تقفيل مغربي

انا مجربتش اسوق الوجان طبعاً بس ثبات النيو اكسنت حلو جدا لحد 160 أنا جربته بنفسي و جبت بيها 170 بس مطولتش دقيقه ورجعت لعقلي علاطول


من الاخر مفيش مقارنه حرام بجد انا شايف الموضوع موضوع سعر مش اكتر الي معهوش يكمل تمن النيو اكسنت الوجان حلوه طبعآ وانا كنت امبارح بتخانق مع قريبي ده علشان يجيبها اصلاً لاكن لو معاك فلوس الاكسنت الاكسنت تكسب 100000000 مره



.

روح ربنا يباركلك

ده انا مكنتش متصور ان الناس بتكره غبور لدرجة انهم يحطوا اللوجان في منافسه مع الاكسنت
مع ان طبعا محدش جاب سيره غبور عشان محدش يزعل مني
بس اللي بيقول ع اللوجان احسن ف التقفيل و العفشه و الموتور !!!!!!!!!!!!!!!!؟؟؟؟؟؟؟؟؟؟؟؟ مش هعلق كل واحد حر فرائيه
ع العموم عشان اكون موضوعي و منطقي :
مع اني مستحيل اقتنع ان اللوجان تكون اصلا فمقارنه مع الاكسنت "ممكن مع الفيرنا"
لكن لو اجتمع الناس على عكس ذلك فده حقهم و اكيد الاجماع يكسب رأيي لكن عمري ما اغير رأيي ----- مفيش مقارنه اصلا

احب ف النهايه اضيف ان واحد جارنا جايب لوجان و معداش عليها شهر و كان كل بويه الكبوت اتقشرت - طبعا عيب غريب جدا انا لا اعرف سببه و لا حتى سألته عشان محدش يسألني انا بس شوفت

المشاركة الأصلية كتبت بواسطة draonx

النيو اكسنت افضل بس اى حاجة بتتحط فى مقارنة مع اللوجان بتكون المقارنة لصالح اللوجان من غير ما تفكر

ده علي اساس المنتدي كله معاه لوجان؟

السلام عليكم
انا كنت في نفس الحيرة دي من شهر تقريبا بس للأمانة اللوجان تقفيلها معجبنيش و لكن هي كسيارة اسرة ممتازة لما تكون بتجيب سيارة لأول مرة اما بالنسبة للنيو اكسنت فهي سيارة جميلة كتقفيل و كشكل و لكن تعتبر شبابية او لأسرة صغيرة ولذا استبعدتها وبالتالي فكرت في فئة اعلي علي اساس اني مبشتريش عربية كل سنتين و اغير
ولذا فبناء علي اراء السادة الزملاء بالمنتدي فلو معاك فلوس الاكسنت و هي مناسبة كحجم فتوكل علي الله

الاكسنت طبعا افضل من اللوجان, لو معاك ثمنها هاتها لكن لو معكش اللوجان بردة مش وحشة