نيو اكسنت ولا اللوجان ؟

**waelkaramany** · 16-02-2010 11:19 PM

اعتقد الاكسنت تكسب اكيددددد

**smousalim** · 07-05-2010 07:47 AM

ياجماعة ارجوكم نكون موضوعيين بالنسبة للأخ صاحب الموضوع وجهة نظرى الشخصية حاول تجنب موضوع السعر فى الأول لأنى انا شايف ان الناس اللى رشحت اللوجان كان موضوع السعر فيصل بالنسبة ليهم فى شراء العربية ولكن الفرق واضح جداً بين العربيتين كاتكنولوجي وتقفيل والفرق دة طبيعي لازم يساوى فلوس وهو دة فرق السعر بين العربيتين شوف اية اولوياتك فى الأختيار الأول وهل السعر فيصل واعتقد ان اغلب الأعضاء قالوا اراء مفيدة ولكن غير خالية من التحيز

**ragab** · 10-05-2010 11:11 PM

:b4_282:واالله انا محتار نفس الحيرة ولكن لى بعض الملاحظات واضح ان قطع الغيار للوجان غالية جدا زجاج ب1500ومراياب1200 والارقام دية لا تبشر بخير ولاتدل على ان العربية وزعت 4500 وياريت الصديق اللى ذكر المعلومة يذكر مصدرها واخيرا ان سعر اللوجان نفسه مبالغ فيه واليكم الدليل
احتلت رينو المركز الرابع بالنسبة للسيارات المستوردة ب786 سيارة دخلت الاراضى المصرية بمختلف منفذها خلال فيراير2010 بقيمة36 مليون جنية فيهم 569 لوجان بقيمة23مليون و447 الف 784 جنيه وطبعا من غير جمارك يعنى بحسبة بسيطة يبقى ثمن السيلرة الواحدة لحدالميناء المصرى41208 جينة ودا طبعا متوسط سعر العربية لانى اكيد ال500 عربية فيهم هاف وكاملة يعنى اخوناصاحب التوكيل بيكسب فى العربية26791 دلو فرضنا ان كل العربيات فول اوبشن تخيلو كم نحن غلابة ومبسوطين واحنا بيضحك علينا

**eino666** · 11-05-2010 12:14 AM

ياجماعة انا اتنصب عليا من غبور فى عربية نيو اسكنت 2010 بالدليل ‏

حكايتي مع النيو اكسنت وغبور-ما حدث وماأتخذته من اجراءآت وما سوف اتخذه ‏

................................
محمود عينو

**kempel** · 11-05-2010 03:23 PM

اللوجان أحسن واوسع واعلى ورينو وعفشتها مرنة هاتها وتوكل على الله

**mexir** · 12-05-2010 06:14 AM

بلا اكسنت بلا فيرنا اشترى اللوجان وهتعرف الفرق
عربية شيك وواسعة جدا من الداخل ومن عيلة اصيلة والاساس فرنساوى ويكفيك شرها قول يا رب

**zamalek26** · 21-05-2010 03:14 PM

ارجو مزيد من الاراء لانى مقبل على شراء واحدة منهم

وميال للنيو اكسنت بس مستغليها على حجمها.....

ومش عارف قطع غيار اللوجان اية؟؟؟

**elassar2010** · 21-05-2010 03:22 PM

المشاركة الأصلية كتبت بواسطة eino666

ياجماعة انا اتنصب عليا من غبور فى عربية نيو اسكنت 2010 بالدليل ‏

حكايتي مع النيو اكسنت وغبور-ما حدث وماأتخذته من اجراءآت وما سوف اتخذه ‏

................................
محمود عينو

+99999
اقرا دول وقرر بعديها

**elassar2010** · 21-05-2010 03:26 PM

المشاركة الأصلية كتبت بواسطة zamalek26

ارجو مزيد من الاراء لانى مقبل على شراء واحدة منهم

وميال للنيو اكسنت بس مستغليها على حجمها.....

ومش عارف قطع غيار اللوجان اية؟؟؟

ما تفكر فى كيا ريو
توكيل محترم وعربية محترمة وتقريبا نفس سعر الاكسنت
وربنا يوفقك

**mohabelnegm** · 22-05-2010 10:45 PM

المشاركة الأصلية كتبت بواسطة gbeshay

يا جماعه بجد حرام الي بتقولوه ده بجد

مينفعش تقارن بينهم اصلا علشان فرق السعر

انا معايا نيو اكسنت 2010 و امبارح رحت انا وواحد قريبي نتفرج علي الوجان

بالنسبه للشكل الوجان حلوه طبعاً بس ضخمه قوي
النيو اكسنت ملمومه وانسيابيه جدا وشكلها احلي من وجهه نظري انا

بالنسبه للموتور اكيد النيو اكسنت تكسب 112 حصان يا جدعان و تكنولوجي الموتور بتاع النيو اكسنت 2007 و موضوع ال cvvt ده مش هذار طبعاً الموتور بتاع الوجان قديم جداً ده كان موتور الداتشيا زمان من 11 سنه و موتور الميجان 1 لحد 2001 أو 2002

وافتح بقي يامعلم الكابوت توهان السنين يا معلم كل سلك داخل في التاني و خراطيم من هنا و من هنا توهان اخر حاجه

التقفيل النيو اكسنت انضف 100 مره انا عايزكو تشوفو:
1- زراير التابلوه
2- مقابض البيبان ضعيفه جدا مقارنه بالنيو اكسنت و قفله الباب تقيله في الاقفله و الفتحه "مش تقل باب"
3- مفصالات المرايات ضعيفه جداً والمريا مش 180 درجه انا كنت خايف و انا بقفيلها و افتحها
4- التقفيل من جوه فقير جدا بالنسبه للنيو اكسنت
وده اكيد مقابل فرق السعر

استهلاك البنزين النيو اكسنت تكسب لحد 100 كيلو /ساعه
لاكن اسرع من كده النيو اكسنت سفاحه بنزين بس ده علشان النيو اكسنت 2 كامه لاكن الوجان كامه واحده بس ده يساويه سحب اعلا للنيو اكسنت

لمبه المرشيدير واحده بس من ورا مش اتنين وده مش عارف ازاي بصراحه
وكذلك لمبه الشابوره الي ورا واحده بس الي علي الشمال

فتح تانك البنزين و الشنطه من برا يعني لازم انزل من العربيه علشان افتحها

مفيش انذار حته في الفول اوبشن هو موضوع المفتاح الي مش بيفتح غيره
مفتاح واحد بس من التنين الي فيه سنتر لوك

موضوع الفتيس الي فيه زي الفيبريشن ده طول ما العربيه دايره.

قطع الغيار: النيو اكسنت تكسب طبعاً
التوكيل :الوجان تكسب
إعاده البيع: الاكسنت حالياً و الوجان قريباً
المساحات و الوسع: الوجاننننن طبعاً

و فيه حاجه مهمه برضو النيو اكسنت تقفيل بلادها كوريا لاكن الوجان تقفيل مغربي

انا مجربتش اسوق الوجان طبعاً بس ثبات النيو اكسنت حلو جدا لحد 160 أنا جربته بنفسي و جبت بيها 170 بس مطولتش دقيقه ورجعت لعقلي علاطول

من الاخر مفيش مقارنه حرام بجد انا شايف الموضوع موضوع سعر مش اكتر الي معهوش يكمل تمن النيو اكسنت الوجان حلوه طبعآ وانا كنت امبارح بتخانق مع قريبي ده علشان يجيبها اصلاً لاكن لو معاك فلوس الاكسنت الاكسنت تكسب 100000000 مره

.

كلام سليم و عين العقل..و بنضم ليك فى الكلام دة عن تجربة و عشرة طويلة و جميلة مع النيو أكسنت, عربية جميلة بكل المقاييس و تستاهل كل جنية دفعتة فيها.