نوبيرا أتوماتيك و لا أوبترا مانيوال

**Casio2000** · 26-12-2007 11:27 PM

انا بس عاوز اوضح حاجة

مافيش تقييم ينفع بشكل مطلق

بمعنى

دلوقتي حانتكلم في الزيرو مش المستعمل

بالنسبة لعربية زيرو ب 75000 النوبيرا كانت و مازالت اختيار جيد جدا
هل ماحبش استبدلها بحاجة تانية احسن اكيد احب - لكن لازم حاطلع في فئة سعرية اكتر بمبلغ مش قليل

دا اللي بيخلينا نشكر في العربية دي

يكفي اقول لحضراتكم العربية دي مع والدي ليها 6 سنين ماعطلتش مننا غير مرتين - مرة كانت البطارية نامت - و مرة كان قربة المية عاوزة تتغير و احنا طولنا عليها

هي بس عاوزة يتحافظ عليها بالنسبة للصيانة - و دا شيء انا باعتبره بديهي حتى لو راكب مرسيدس

**limo** · 26-12-2007 11:58 PM

الانومايتك فى النوبيرا مش بياع زى المانوال (بسبب مخاوف الناس من الاتوماتيك فى الدايو عموما )
كمان بيخسر جامد فى اعاده البيع يعنى انا فاكر ان فيه عربيه 2006 اوتوماتيك كانت بتباع و عامله كم قليل وبحاله المصنع ب62 الف جنيه يعنى حساره 20 الف فى سنه ونصف طبعا حرام
فلو انت مش فارق معاك التقفيل المصرى هات صنى بنفس ثمن الاوبترا او اعلى جاجه بسيطه وتبقى راكب عربيه يابانى

**MMamdouh** · 27-12-2007 01:08 AM

المشاركة الأصلية كتبت بواسطة Casio2000

هي بس عاوزة يتحافظ عليها بالنسبة للصيانة - و دا شيء انا باعتبره بديهي حتى لو راكب مرسيدس

1000+

MMamdouh

**hazim2008** · 27-01-2008 11:40 PM

نسيت اقول انها بتاكل جلب بعد فترات وهى متوفرة ورخيصه وبيركبها اى عفشجى مع تظبيط زوايا وشكرا

**pinkfloyd** · 07-02-2008 12:37 PM

اهلا بيكو يا جماعة فى هذا الموقع الرائع

اولا انا عندى نوبيرا ماينوال 2005 وماشى الحال يعنى وبتعمل معيا فى الصفيحة حوالى 220 كيلو .

كان قببلها معايا اوتوماتك كانت بتعمل اقل بكثير بس الحقيقة مش فاكر الرقم عموما ينصح بالمانيوال لكثرة شكوى مالكى الاوتوماتيك من الفيتيس ودى حقيقة ولو عايز تتأكد روح لاى تاجر بيبيع نوبيرا وقاله انا عندى عربية نوبيرا وعايز ابعها اول سؤال هيسئلة مانوال ولا اتوماتك.

هل ت عرف سيدى الفاضل انه يوجد نوبيرا اتوماتك ارخص من المنوال فى السوق.

عموما انا مش بحب النوبيرا بس انا اشترتها زيرو مضطر اسبها شوية

كمان التوكيل بتعهم وحش جدا ومش بيعرفوا حاجة

**al_manara** · 09-02-2008 02:18 PM

المشاركة الأصلية كتبت بواسطة hazim2008

نسيت اقول انها بتاكل جلب بعد فترات وهى متوفرة ورخيصه وبيركبها اى عفشجى مع تظبيط زوايا وشكرا

الاخوة وفوا الردود
ومشكلتها فعلا بعد تجربة جلب المقصات
الرشاشات عمرها مش طويل (وظن دي مشكلة الدايو عموما)

**al_manara** · 09-02-2008 02:21 PM

المشاركة الأصلية كتبت بواسطة pampino

اولا بعد احترامى ليك كل كلامك اللى انتا قولتة دة مش صحيح لانى انا شارى نوبيرا زيرو موديل 2006 وبقالها معايا اكتر من سنتين وبسم اللة ماشاء اللة زى الفل وماغيرتش اى حاجة من اللى انتا قولتة دة اانا معايا نوبيرا مانيول والحمد اللة تمام كل بس اللى بحتاج اعملة فيها انى اربط العفشة كل فترة كدة يعنى كل حوالى 3 شهور او شى خصوصا من كتر المطبات اللى فى شوارعنا اكتر من كدة مافيش ياباشا انتا معاك عربية فيها كل كماليات اى عربية تانية بتكون اعلى منها فى السعر وكفاية ان حاجتها فى كل مكان

عفوا
كلمة الله تكتب هكذا (الله) مش زي ما انت كاتبها اخي الفاضل (تكتب بدون نقط)