نوبيرا أتوماتيك و لا أوبترا مانيوال

**mummy_47** · 24-12-2007 12:58 PM

وكمان لو تسالو استاذbadblood هو عنده سيفيا اوتوماتيك وماشاء الله ايضا..التكنولوجيا اتطورت وكل الناس بيتجيب اوتوماتيك ..وبعدين مين قال ان مشاكل الاوتوماتيك اقل من المانيوال..العربيات الامريكاني من قديم الازل وهي اوتوماتيك ميعرفوش المانيوال خالص..

**MoToRiZeR** · 24-12-2007 01:12 PM

النوبيرا مع واحد قريبي (بس مانيوال) و في فترة من الفترات كنت بركبها كتير جدا .. و هي عربية مريحة جدا و جميلة في رأيي .. مقدرش افيدك في الاوبترا لأن معرفش حد معاه اوبترا

بس النوبيرا عربية كويسة

**naguib2005** · 24-12-2007 06:42 PM

المشاركة الأصلية كتبت بواسطة mummy_47

يا جماعة انا مش عارف انتم ليه خايفين من النوبيرا الاوتوماتيك...هل حد جربها ولقاها مش كويسة..انا ليه زملاء راكبين اوتوماتيك من زمان ومشتكوش منها..وكمان الفتيس الاوتوماتيك بتاعها ب 1000 ج استيراد يعنى ارخص من الفتيس المانوال. من بورسعيد ..كما افاد استاذMSALAMA..لو حصل له حاجة لا قدر الله..وكمان ممكن تسالوااستاذ Hesham Premeuim هو عنده نوبيرا اوتوماتيك كوري عاملة 150 الف كيلو وماشاء الله عليها وانا معايا اوتوماتيك موديل 99 ايضا والفتيس ماشاء الله......يا ريت حد يكون عنده نوبيرا اوتوماتيك ويقولنا ايه الشكاوي منها.

اولا مشكور على الرد و ربنا يكرمك
ثانيا انت معاك نوبيرا اوتوماتيك بتقول بامانة عاملة ايه و عفشتها و البنزين عامل معاك ايه

**msalama** · 25-12-2007 01:22 PM

المشاركة الأصلية كتبت بواسطة naguib2005

ايه رايكم يا جماعة اجيب نوبيرا اوتوماتيك و لا اوبترا مانيوال و الله انا كنت استقيت على النوبيا خلاص بس فى ناس قالتلى لا النوبيرا بترخص لما تتباع مستعملة جدا و اللى يقوللى عفشتها و حشة و اللى يقوللى الاوتوماتيك بتاعها بيبوظ فهل العيوب ده موجودة و لا لا انا معايا لانوس و شغالة كويس و النوبيرا من جوة جميلة جدا و فخمة بس العيوب ده حقيقية ولا كل و احد بيحب يفتى(كعادتنا)

و يارب اللى يرد عليا يتجوز :d و لو متجوز يجيب بامبينو صغير :d ولو مخلف يباركلو فى و لاده:)

و بقولكو ايه لو نوبيرا ايه احسن لون ميبانش التجريح فيه انا محتا بين رصاصى و ابيض

السلام عليكم
انا عايز أوضح بس بعض الإمور أولا النوبيرا المصرى مختلفة تماما عن الكورى و فيها تكنواوجيا تانيه خالص عن المصرى بالذات فى الأوتوماتيك علشان كده تجربتى انا و الاستاذ mummy_47 و الأستاذ hesham Premium مش مقياس للنوبيرا اللى بتنتج فى مصر بالذات فى الفيتيس لان فتيس الكورى كارتة كمبيوتر بالكهرباء أما المصرى على واير ده غير أجزاء كتير فى الموتور مختلفة و انا شفت الأثنين بنفسى و قارنت بينهم لكن بالنسبة للنوبيرا عموما فهى عربيه جميلة جدا كل الامكانيات فيها الثبات على الطريق فى السرعات العاليه ممتاز جدا كأنك راكب مرسيدس الصالون واسع و فخم الشنطه رهيبة اوسع شنطه فى نفس الفئة و طبعا السعر مافيش كلام عليه لكن بما انك حتجيب نوبيرا مصرى يبقى ارشحلك المانيوال و توكل على الله

**MMamdouh** · 25-12-2007 02:02 PM

المشاركة الأصلية كتبت بواسطة dr_3eshoo

اوعى زفته الطين نوبيرا خليك في الاوبترا
لو جبت النوبيرا هتشوف الي عمرك ما شوفته من عربيه زي دي

هى بقت صينى و انا معرفش؟؟؟؟

كانت معايا
بتغير مقصات و فرامل مع الزيت

المقصات بتتغيرلما تغير جلب كذا مرة و الجلبة تبقى مش محكومة فى المقص... و احسن مقصات هى الاسبانى و سبب اساسى لتلف الجلب هى مطبات و شوارع المحروصة يعنى الموضوع مرطبت بطريقة الاستخدام مش العربية نفسها... اما موضوع الفرامل دة فا انا مش فاهمة... انت بتغير "فرامل" كل 5000 كيلو؟؟؟ يعنى بتشترى طقم تيل و طنابير و ماستر عمومى كل 5000؟؟؟؟

لو بتغير تيل بس كل 5000 يبقى انت بتجيب تيل تعبان او طنابيرك ماتت من زمان و انت مش عايز تغيرها و بالتالى بتاكل تيل او انت بتدوس بنزين و فرامل مع بعض...صحيح الاوتوماتك بيحمل على الفرامل اكتر بس مش لدرجة 5000 الا اذا كنت بتغير زيت كل 15000 كيلو

ده غير حجات غريبه زي السيور الي مش بتستحمل

السيور بتتغير كل 40000... لو سير اتقطع قبل كدة يبقى السير اللى وحش مش العربية اللى وحشة... هل السير الاصلى اللى كان نازل مع العربية و هى زيرو اتقطع قبل 40000؟؟؟

و غير العفشه الي زي الطين

العفشة مشكلتها الجلب... و دى اساسا عيب مصر مش العربية و احنا جبنا بيها 220 كذا مرة قبل كدة و كانت ثابتة... اكيد مش زى الBMW و المرسيدس بس مكانتش مراجيح مولد النبى

ميغركش سعرها زي مغرني

Daewoo is the best value for money car... period

ده غير بنزينها الكتير و مش هتصدق لو قلتلك ان بنزينها اكتر من بنزين مرسيدس 230 لو اتوماتك

الاستهلاك مربوط بطريقة سواقتك و بالتالى انت مش مقياس... و راعى انها اوتوماتك و عربية تقيلة

صدقني اوعى اوعى اوعى

فعلا... اوعى اوعى اوعى... اشترى الاوبترا... اللى هى نفس موتور و شاسية و عفشة النوبيرا... بس هى عشان عليها علامة الشفرولية بقت بنت حلال اما النوبيرا دى بنت @#$%$^

ياريت منبقاش نقول حاجة و نعممها على كل العربيات... مش عشان واحد استخدامة وحش او عربيتة فيها مشكلة او مش بيصون عربيتة تبقى العربية هى اللى وحشة

ربنا يصبحها بالخير النوبيرا ال2000 لما كان عليها التربو كانت بتقطع الناس كلها على الطريق ولا عمرها اشتكت ولا قالت بم... للامانة الفرامل تعبت اوى بس دة طبيعى لما فرامل اتعملت لعربية 106 حصان بتوقف عربية 197 حصان

اخيرا لصاحب الموضوع... ابعد عن الاوتوماتك لان فيه ناس بتشتكى منه فا ابعد عن الشر و غنى له... لو معاك فلوس اشترى نوبيرا III قصدى اوبترا و لو عايز توفر و مش مهم ان العربية يبقى شكلها قديم هات النوبيرا

MMamdouh

**MMamdouh** · 25-12-2007 04:36 PM

يغير السيور كل 60 او 80 دا حسب الكتالوج ما يحدد لان كل موتور بيختلف عن التانى و بيستهلك اجزاءه بشكل مختلف

و بعدين انت عايز عربية من 2001 متغيرش سيور؟؟؟ و كمان طقم السرفيس فى اللانسر بكام؟؟

MMamdouh

**dr_3eshoo** · 25-12-2007 11:58 PM

على فكره دي العربيه الوحيده الي كنت بحطلها زيت 10 الف كيلو

**MMamdouh** · 26-12-2007 10:41 AM

يعنى السيور ب 300... فى اللانوس التلات سيور ب 75 جنية.. البوجيهات ب 25 و فلتر البنزين و الهوا ب 70 يعنى كلة ب 170 جنية... اكيد ميزة كبيرة للانوس و الدايو بشكل عام

مدة استعمال الزيت تعتمد على نوع الزيت و طريقة الاستخدام مش العربية نفسها

انا كنت بحط موبيل 1 و بغيرة كل 5000 لما كانت مشاويرى كلها وسط البلد و غيرت لBP و بقيت بغيرة كل 10000 لما مشاويرى بقت كلها طرق طوالى... دة ملوش دعوة انت راكب عربية ايه

MMamdouh

الموضوع: نوبيرا أتوماتيك و لا أوبترا مانيوال

LinkBack

أدوات الموضوع

عرض

-

-

-

-

-

المواضيع المتشابهه

تويوتا ياريس 2008 كاملة أتوماتيك ولا أوبترا 2009 أتوماتيك

ايه الفرق بيت أوبترا أوتوماتيك و أوبترا مانيوال ؟

صنى أوتوماتيك ex ولا أوبترا أتوماتيك

افيدوني بالله عليكم صني مانيوال ام أوبترا مانيوال

نيو أكسنت أتوماتيك , ماتريكس مانيوال , هوندا سيتى مانيوال ما1ا تفعل لو كنت مكانى؟

الكلمات الدلالية لهذا الموضوع

المفضلات

المفضلات

ضوابط المشاركة