استفسار عن ال1100 ياأهل الخبرة

**ابوهاشم** · 22-12-2007 12:27 PM

اريد شراء سيارة وفلوسى يادوب فى حدود8000جنيه وطبعا مافيش قدامى غير انى اشترى سيات او فيات 1100 وارجو من اهل الخبرة افادتى ايهما افضل ومن لديه العلومات كامله عن ال1100 الحالة العامه والصيانة والمميزات والعيوب وقطع الغيار واسعارها كويسه ولالا وموجوده ولالا وعلى فكرة انا اول مرة اشترى سياره

**Xpert** · 22-12-2007 01:21 PM

لاء ابعد عن ال 1100 تماماً .. اي حاجه غير ال 1100 .. انا هاقولك باختصار شديد .. ال 1100 شوف موديل كام .. و شوف حالاتها ايه .. هاتلاقيها حاجات ضايعه خالص .. المهم .. واقعتك سوووودا يا مرسي .. لو حاجه باظط فيها .. (هاتقطع ابونيه مع عم عبده الميكانيكي .. و هاتعسكر عنده ساعات ..) ... الموتور و العفشه و الميكانيزم بيركب عليها بتاع ال132 و ال131 ..
شوف حاجه زي ال126 كده .. او ارفع عن ال10 و هاتالقي 128 موديلات 70 برضه تمام .. علي الاقل تبقي 128 برضه ..

**الريس** · 22-12-2007 01:44 PM

لو ده اخرك هات سيات .. بس تكون حالتها نضيفة .. العربية دي قعدت معايا و انا في اول سنتين في الكلية و شالت كتير .. و هي تساعدك و تنجدك طول مانت مهتم بيها .. وبعدين سعرها مش بيقل .. يعني مش هتخسر فيها .. و بيعها سهل علشان كتير ناس بتبتدي بيها

**eng_mkhalaf** · 22-12-2007 02:05 PM

سيات 133 أحسن بكتير

**mino** · 22-12-2007 02:08 PM

المشاركة الأصلية كتبت بواسطة الريس

لو ده اخرك هات سيات .. بس تكون حالتها نضيفة ........
يعني مش هتخسر فيها .. و بيعها سهل علشان كتير ناس بتبتدي بيها

+1
اشترى سيات و لو 128 يبقي احسن حمالة اسيه

**hazem_khidr** · 22-12-2007 03:48 PM

ال 1100 عربيه روعه بس الكلام دا لو جينا نشتريها مستعمل في السبعينات.
انما دلوقتي لاء طبعا و الاحسن تستني و تجيب 128 او 127 و بلاش السيات حتقرفك سوري في اللفظ بس كانت مع والدي سنه 1980 و كانت موديل 1979 و طلعت عنيه فما بالك بقي و انت في 2007؟؟

**فادى** · 22-12-2007 04:15 PM

بصراحة ال1100 عربية لا بأس بها لكن فى وقتها!!! يعنى دلوقتى قدمت أوى و صعب انك تلاقى منها بحالة كويس, برضه دى عربية عدت ال40 سنة و تقريبا دى أقدم عربية موجودة فى الشوارع المصرية!
السيات 133 ممكن تلاقى منها بحالة كويسة, بس بصراحة عيبها حجمها المدمج جدا, و هى اعتمادية الى حد ما و قطع غيارها متوفرة بس فى النهاية سيارة صغيرة جدا.
حاول أن تبحث عن 127 بهذا السعر ربما تجد, فهى أفضل كثيرا و أكبر حجما و أكثر اعتمادية.

**dr_3eshoo** · 26-12-2007 12:24 AM

متزعلوش مني الفلوس احسن من العربيات دي
لو 126 او 127 يبقى ماشي

**ahmedezzat78** · 02-01-2008 02:26 AM

السيات بتسخن حتى لما بيركبو مروحة

هات 126 جميله و ناشفة و بتجرى كويس وفيها تيربو و تبريد هواء يعنى انسى موضوع السخونة

عيبها الشهير هو موضوع الفلانشات اللى بتتكسر فى الات الجر الخلفية و التعديل معروف (بيركبو كبالن 128 بدل منها)

**ahmed** · 02-01-2008 02:30 AM

سيات افضل بكتييييير

الموضوع: استفسار عن ال1100 ياأهل الخبرة

LinkBack

أدوات الموضوع

عرض

استفسار عن ال1100 ياأهل الخبرة - انشر الموضوع فى :

-

-

المواضيع المتشابهه

ياأهل قسم الفولكس أيه رايكم في البورا ؟

استشارة ياأهل التويوتا

ساعدونا ياأهل الخبرة

أفيدوني ياأهل الخبره

أفيدونا ياأهل الميجان

الكلمات الدلالية لهذا الموضوع

المفضلات

المفضلات

ضوابط المشاركة