الموضوع: الأوكتافيا أم السيفيك؟

المشاركة الأصلية كتبت بواسطة ahmed_mabrook

السلام عليكم
كنت فى نفس حرتك لمدة 5 شهور لغاية ما عملت مقارنة من كل ناحية على قد ما قدرت كنت بقارت اول فئة اوتو فى الاتنين
1-السعر السيفيك ارخص ب 16 الف (بالنسبة للسيفيك 2009)
2-الراحة الاوكتيفيا اريح (الراحة المقصود بيها القاعدة فى الصالون وحجم الشنطة)
3-المحرك السيفيك 125 حصان الاوكتيفيا كانت 104 حصان
4-التسارع من 0 الى 100 كم/الساعة فرق 2 ثانية تقريبا (يعنى فى فرق مسافة حوالى 55.6 متر للسيفيك بعد الوصول لسرعة 100كم/الساعة)
5-العفشة التين كويسسن
6-الثبات مجربيت الاوكتيفيا بس اكيد كويسة ( بس جربت السيفيك غرز على سرعات عالية وملف جامد اوى على سرعة 140 كم / ساعة الحمد الله كانت كويسة الملف ده اخر طريق المطار الجديد الى واصل للدائرى)
7- التوكيل الفطيم افضل بكنييييييييييييييير
8-قطع الغيار الخارجية (فانوس- كشاف-كبوت-....)السيفيك اغلى بحوالى 30% بس قطع الميكانيكية فى الاوكتيفيا اغلى بكتير علشان طبعا الالمانى
9-المعاملة مع التوكيل هوندا احسن من خلال موقف بيهتموا بالعميل اكتر من سكودا
فالحمد الله ربنا هدانى واشتريت سيفيك من حوالى 6 شهور والعربية مريحانى اما بالنسبة للارتفاع السيارة نادرا لما احك بس ده لو محمل اكتر من 450 كيلو فى العربية اما غير كدة فا الحمد الله
ولو احتجت اى حاجة ان شاء الله اقدر افيدك.

أنا مش معاك في بعض النقاط:
الراحة ... السيفيك أريح عن تجربة شخصية.
العفشة ... السيفيك مصفحة بالكامل من من تحت, الأوكتافيا لا.
الثبات ... السيفيك أفضل لأن الWheelbase بتاعها أكبر ب 122 مم, و الإرتفاع الكلي السيفيك 1435 مم و الأوكتافيا 1462 مم ... السيفيك أقل إرتفاع ب 27 مم يعني ثبات أفضل .. بالرغم من أن الأوكتافيا أطول ب 24 مم و أعرض ب 19 مم عن السيفيك, بس الWheelbase هو إللي بيفرق في الثبات ... يعني الأوكتافيا أطول و أعرض و أقل ثبات مقارنة بالسيفيك.

المشاركة الأصلية كتبت بواسطة Hosam_Optrawy

موتور السيفيك 125 حصان مش 140

المشاركة الأصلية كتبت بواسطة houbaz

يا راجل؟ انا فاكر انا قريت فى اعلان هوندا فى الاهرام 140 حصان..

المشاركة الأصلية كتبت بواسطة houbaz

انا برضه استغربت ان موتور 1600 عادى يبقى 140 حصان بس قلت يمكن تكنولوجيا ال i-vtec تطلع ال 140 حصان، انا كان معايا سيفيك 93 بس كنت مسقط موتور 1600 vtec SiR كان 168 حصان.. بس قولى انت عرفت منين القدرة الحقيقية

المشاركة الأصلية كتبت بواسطة Hosam_Optrawy

ربنا يخليلنا نايل موتورز اللى فتح عينينا على حاجات كتير :)

شوف بقى كام مليون فاكرين ان السيفيك 140 حصان :)

السلام عليكم,
يا حضرات مفيش غلط و لا حاجة و مفيش حد من إللي معاهم السيفيك الجديدة فاكر عربيته بتخرج 140 حصان ... إزاي ... أولا فيه فرق بين الNet Horsepwer و الGross Horsepower ... يعني موتور السيفيك ال 1.6 ليتر ده موديله R16A) SOHC I-VTEC) و ده فعلا بيخرج 140 حصان Gross Horsepower بس من غير ما يركب على عربية ... الشركات بتعمل كدة علشان ممكن تلاقي نفس الموتور راكب على أكثر من عربية مختلفة في الوزن و التصميم و الجيربوكس و بالتالي الNet Horsepwer بيختلف من عربية للتانية رغم إنه نفس الموتور.
الموتور ده على السيفيك الجديدة بيخرج 125 Net Horsepwer و دي معلومة كل الهونداوية عارفينها.

المشاركة الأصلية كتبت بواسطة horsepower

الأوكتافيا أخف ب 75 كج ... و معليش محدش قال إن وزن الأوكتافيا أو السيفيك هو المقياس ... يعني العربيات مش بالكيلو.
السيفيك 1210 كج
الأوكتافيا 1295 كج
ا

معليش عايز أضيف حاجة كمان ... كل شركات السيارات إللي في الدنيا بتتنافس على تقليل وزن السيارة دون التأثير على الأمان و الثبات و المتانة و إحنا لسة بنفكر بالأثقل.

والله أنا مش عارف أشكر مين ولا مين
بجد بجد والله العظيم أنكم مخلصون للمنتدى بحق
جزاكم الله كل خير

والله لو تعلمون كم استفدت من هذا الموضوع
لقد توقعت أن أجد مقارنة عادية

لكن معكم لقد تمت المقارنة على أكمل وجه وبالتجارب الشخصية
فعلا كثييرا استفدت

أقل القليل أني كنت معتقد أن وزن العربية مهم جدا وأن الأثقل هو الأفضل
((عذرا خبرة قليلة))
والحقيقة غير ذلك

كل ما أستطيع قوله لكم هو كلمة شكر ودعاء عن ظهر الغيب
فجزاكم الله كل خير وشكرا لكم

وأخيرا
تيقنت أن السيفيك أفضل

المشاركة الأصلية كتبت بواسطة Hosam_Optrawy

وعليكم السلام

الحقيقه ان فى ناس كتير فاكره ان السيفيك 140 حصان مش كل الناس تعرف انه 125

والحقيقه برضه انا ماشوفتش اى موقع حدد اذا كان ال 125 حصان دول Net ولا Gross

اغلب الشركات بتعلن عن رقم واحد مش رقمين

وفى الغالب بيكون ال Gross

يعنى اعتقد ان السيفيك 125 Gross مش Net

ولو كان 125 Net

ياريت تقول لى الكورولا والسيراتو والالنترا كام Gross HP ؟

أغلب الشركات أكثر من 99% بتعلن عن ال Net Horsepower ... مفيش غير هوندا و تويوتا إللي أعلنو عن ال Gross و مش طبيعي إن معلومة ال Gross Horsepower تكون معلن عنها و دي معلومة لا يمكن تحصل عليها إلا من الشركة المصنعة للمحرك.
الكورولا المفروض زي ما أعلنو 142 حصان.