الأوكتافيا أم السيفيك؟

**Horsepower** · 11-02-2010 04:41 PM

المشاركة الأصلية كتبت بواسطة hosam_optrawy

ماهو دا اللى انا اقصده

زى ما انت قولت ال gross بتكون حاجه غير معلنه وصعب حد يعرفها

ماعدا هوندا وتويوتا

طب هوندا اعلنوها فين ان السيفيك 140 وحضرتك قريتها او عرفتها منين ؟

انا عمرى ماقريت رقم 140 دا الا على السيفيك ال 1800

وانا اصلا رأيى ان كل الشركات بتعلن عن ال gross مش ال net

لان لما بنلاقى موتور واحد نازل فى كذا عربيه مختلفه

بيكتبوا نفس الهورس باور

لا يا حسام باشا, لا يمكن يكون نفس الموتور و يطلع نفس صافي القدرة الحصانية على عربيتين مختلفين في الأبعاد و الجيربوكس و الوزن و نظام الدفع ... أبدا يا باشا مش ممكن.
لو شوفت موقع هوندا الإمارات هتلاقي السيفيك ال 1.8 ليتر مكتوب القدرة الحصانية لها 138 حصان (صافي)... ده لأن المكتوب في الموقع المصري عن ال 1.6 ليتر غير صافي ... و الإثنين نفس التوكيل (الفطيم).
الفكرة إن السيفيك ال 1.6 ليتر للسوق المصري و التركي و سينجافورة فقط ... و سوق شرق آسيا بيكتب إجمالي القدرة و ليس الصافي ... بس كدة.
الحاجة التانية إن معظم الشركات بتعلن عن صافي القدرة مش إجمالي القدرة.

**Hosam_Optrawy** · 11-02-2010 10:33 PM

المشاركة الأصلية كتبت بواسطة ehaballam

المكتوب في الموقع 140 حصان ادخل على هوندا مصر حتلقيها 140

سيبك من هوندا مصر دول بيقولوا اى كلام

لو شفت مشاركاتى اللى بعد دى هاتلاقينى جايب مواقع هوندا اللى مكتوب فيها ان ال 1600 سى سى 125 حصان

**Hosam_Optrawy** · 11-02-2010 11:29 PM

المشاركة الأصلية كتبت بواسطة Horsepower

لا يا حسام باشا, لا يمكن يكون نفس الموتور و يطلع نفس صافي القدرة الحصانية على عربيتين مختلفين في الأبعاد و الجيربوكس و الوزن و نظام الدفع ... أبدا يا باشا مش ممكن.
لو شوفت موقع هوندا الإمارات هتلاقي السيفيك ال 1.8 ليتر مكتوب القدرة الحصانية لها 138 حصان (صافي)... ده لأن المكتوب في الموقع المصري عن ال 1.6 ليتر غير صافي ... و الإثنين نفس التوكيل (الفطيم).
الفكرة إن السيفيك ال 1.6 ليتر للسوق المصري و التركي و سينجافورة فقط ... و سوق شرق آسيا بيكتب إجمالي القدرة و ليس الصافي ... بس كدة.
الحاجة التانية إن معظم الشركات بتعلن عن صافي القدرة مش إجمالي القدرة.

ياباشا انا ماقصدش ان موتور واحد هايطلع نفس صافى القدره على كذا عربيه مختلفه

انا باقول ان الشركة بتعلن عن قوة الموتور غير صافى

اما القدره الصافيه غير معلنه وبتختلف من عربيه للتانيه

يعنى مثلا موتور النيو سيراتو Gamma II قدرته 124 حصان

ونفس الموتور دا نازل فى الكيا كارينز والكيا سول والسيراتو الكوبيه والكيا سييد

وكلهم مكتوب عليهم 124 حصان

اذن ال 124 حصان دول مش صافيين دى قدرة الموتور

اما القدره الصافيه بتختلف من عربيه للتانيه

فهمت قصدى ؟

وملناش دعوه بهوندا مصر ولا الامارات لان المواقع العربيه كلها اخطاء وبتكتب اى حاجه

الأفضل نجيب مواقع أجنبيه

و انا ماشوفتش اى موقع ذكر اذا كانت القدره دى صافيه ولا مش صافيه

كل اللى بيقولوه

ال 1600 125 حصان وال 1800 140 حصان وال 2000 155 حصان

**Hosam_Optrawy** · 12-02-2010 02:42 PM

المشاركة الأصلية كتبت بواسطة horsepower

كلامك تمام, بس أنا مش معاك إن المواقع العربية فيها أخطاء, لأن لو فعلا ده خطأ (سواء مقصود أو غير مقصود) مفيش شركة منافسة هترحمهم, لأن أكيد الخطأ ده هيسبب خسارة للشركات المنافسة بسبب التفوق الوهمي لنوع سيارة أثناء المقارنة بسيارة أخرى.
بالنسبة لكلامك عن الكيا مقدرش أأكد إذا كان فعلا ال 124 حصان دول ثابتين على كل العربيات بسبب إنهم إجمالي و ليس صافي القدرة الحصانية, بس هاشوف و أرجعلك تاني.

ماهو للأسف لحد اللحظه دى مكتوب على هوندا مصر ان السيفيك 140 حصان

ومحدش من الشركات المنافسه بيعمل حاجه ولا العملاء بتعمل حاجه

لان احنا فى مصر بنعتبر دى حاجات هايفه وصعب تاخد فيها حقك

يعنى مثلا مفيش واحد بعد ما اشترى سيفيك هايروح يشتكى لحماية المستهلك ويقولهم انا اشتريت العربيه وهى المفروض 140 حصان طلعت 125 بس , انا عايز ال 15 حصان بتوعى :)

غير انهم بطلوا يأكدوا على حكاية ال 140 حصان دى فى الاعلانات

سايبنها فى المستخبى كدا على السايت والبروشور اللى على السايت

وفى انتظارك ياباشا :)

المشاركة الأصلية كتبت بواسطة ghazy12

ده كلام سليم 100%.... و هو ده اللي انا اقصده

تقريبا كل الآسيوي بيعلن عن الـgross power, علشان كده القوه الحصانيه في عربيات
مختلفه زي ما قلت يا حسام (كارينز, سيراتو, سول......) يتبقى واحد.. هما الـ124 حصان

و كل الشركات المنافسه عارفه ان موضوع الـ140 حصان ده أي كلام و تخاريف

و مش لاقي أي دليل على ان ممكن الـ140 حصان يكون ليهم علاقه بالسيفيك الـ1600 لا من قريب ولا من بعيد

لكن انت مش شايف يا حسام بك ان ده فعلا غش تجاري؟؟؟

طبعا غش تجارى

بس مادام مفيش حد بيحاسب

ومفيش حد دارى اصلا لان المستهلكين بيصدقوا اى حاجه الوكيل بيقولها

يبقى ليه لأ

طب انت عارف ياغازى بيه

فى واحد صديق والدى معاه كورولا جايبها من حوالى سنه او سنتين

بالصدفه جت سيرتها فبيقول دى قويه جدا دى 144 حصان

فانا باقوله مفيش الكلام دا ازاى يعنى الكورولا 122 حصان فقط

قاللى ازاى الكورولا 144 حصان طبعا مين اللى قاللك انها 122 حصان ؟

لسه باقوله انا دخلت على النت وهافهمه لقيته بصلى بصه كدا ( اللى هو بقى من جواه عمال يقول يادى شباب النت وبتاع وهاتعملى فيها فاهم وتقعد تفتى وبيسمعنى من غير اى اهتمام )

وسابنى لحد ما خلصت كلامى خالص وتعبت فى قلبى ومقاليش حتى طيب او ماشى او فكر يتناقش معايا

سكت خالص وقام متكلم فى اى حاجه تانيه وغير الموضوع

دا تعمل فيه ايه ؟

مع انه لو كلف خاطره ودخل على موقع تويوتا ايجيبت دلوقتى هايلاقيهم بقوا يكتبوا ان الكورولا 122 حصان ( بصراحه احترمتهم انهم صلحوها )

نفس الكلام لو جربت تقول لحد ان السيفيك مش 140 حصان 99 % مش هايصدقك

المشكله ان اغلب المستهلكين بتصدق اى حاجه وللاسف ولا فى حد بيدخل على النت ولا بيشوف مواقع برا بتقول ايه

هو طبعا فى ناس بتدخل وكل حاجه بس نسبه قليله جدا والأغلب مصدق ومقتنع ان السيفيك 140 والكورولا 142

ولو جيت تفهمه او تصححله هايتعبرك على طول بتفتى وانك اكيد مش هاتفهم اكتر من توكيلات مصر