الموضوع: عجباً لمن يشمت في تويوتا

المشاركة الأصلية كتبت بواسطة sharky

ابو عبدالله محدش يقدر يجزم ان تويوتا و الكرولا حتفضل اعلى اعتمادية
الكلام دا كان زمان
اللى جاى دا فى علم الغيب
خلى الايام هى اللى تثبته

يا احمد هتشارك وترد على كلامي يبقى متقولنيش كلام
انت اقتبست الكلام ورديت وانت اكيد لم تقرا كلامي جيدا
انا بقول هتفضل لحد الآن
ومقولتش في السنين القادمة علشان تقولي في علم الغيب
ياريت يكون ردك على كلامي مش كلام في عقلك انت
بدل ما تقولني كلام انا مقولتهوش لا من قريب ولا بعيد

مع احترامى ليك محدش عمل كده فى المنتديات الاجنبية لان الناس عارفه خطا تويوتا
هو اننا نقول ان تويوتا غلطانة يبقى شماته !!!
هو لازم نسكت و نقول انها محترمة علشان مانبقاش شماتنين !!
هو فيه احد قال ان تويوتا مغلطتشي ولو فيه حد هنا قال كده ياريت تقتبسلي كلامه بالحرف وتقولي مين ده
وانا قولت لحضرتك خلاص غلطت واعترفت بخطأها وفي كل العالم حتى السعودية
علشان متقوليش الحكومة الأمريكية ومش عارف ايه ولو افترضنا برضه موضوع الحكومة الأمريكية برضه مش عارف نعمل ايه غلطت برضه وطلعوا اعتذروا عن خطأهم
ولكن برضه لحد الآن هيا اعلى اعتمادية لأن ليس هناك كما قولت دليل على عكس ذلك لحد الآن
ومحدش قالك اسكت ولكن انت رديت على نفسك انت بتقول انهم بره محدش اتكلم علشان عارفين انهم غلطانين
طيب حضرتك بتتكلم في ايه مادام هما غلطانين والموضوع واضح ومعروف ولم ينكر احد ذلك لأني لم اقرا كلام لأحد هنا ان تويوتا لم تخطأ
وايه المشكلة ان احنا بنقول انهم بيحترموا عملائهم برضه
ده رأينا اللي شايفينه
هو انت لا تقبل الرأي الأخر ولا ايه


سبحان الله
دا انت لسه متهم الناس فى مشاركتك بالشماته !!

برضه تقويل لكلامي
يا حاج احمد انا قولت خلاص محدش يتهم احد خلاص
ودي كانت اخر مشاركة ليا
وبعدها لم اتهم أحد بالشماته
انت اكيد مش واخد بالك حاول بس تقرأ كلامي كويس لأن مسالة انك ترد على كلام انا مقولتهوش دي بتعمل مشكلة كبيرة في فهم الأخرين لما اريده انا
واكيد ده بيسببي مشاكل ليا انا شخصيا مع الأخرين لأنهم بياخدوا كلامك ويردوا هما كمان على حاجات انا مقولتهاش ويبقى الموضوع كبير
وتقبل تحياتي

المشاركة الأصلية كتبت بواسطة sharky

مين قال ان تويوتا انتهت خلاص و حتفلس !!!

انا عن نفسى لم اقل هذا الكلام

حوارى كله ان كانوا غير محترمين فى التعامل مع الشكاوى و المشكلة فقط
انا كلامى واضح
و مش ذنبى ان الناس بتحس بحاجة تانية

انت رديت على مشاركة ليا انا لم اوجه كلام لأحد بعينه ولكن كلامي عام ولم احدد فيه احد وهرد من كلامك انت عليك

المشاركة الأصلية كتبت بواسطة sharky

انا كلامى واضح
و مش ذنبى ان الناس بتحس بحاجة تانية

المشاركة الأصلية كتبت بواسطة cameeron

يا سيدى الفاضل هو يعنى العربيات الامريكية و الا الكورية اللى مفيهاش عيوب مستخبية مليانة و لا يعلن عنها بالسنين طب ما هو دلوقتى فورد بتعلن عن عيوب فى عربياتها و شيفروليه اعلنت شوية برضو و باللارقام الامريكية عشرين واحد ماتوا فى عشر سنين قصاد مبيعات بلغت 25 مليون عربية لتويوتا طب يا ترى جنرال موتورز باعت كام فى العشر سنين دول و كام واحد مات بسببها و العربيات الكورى اخبارها ايه بالمرة مش مليانة عيوب و لا يعلن عنها
يبقى ليه تويوتا بالذات لان الحكومة الامريكية عاوزة تزحزح تويوتا من على عرش مبيعات السيارات العالمى بعد سبعين سنة تصدر من جينيرال موتورز و ذلك بابراز اخطاء فى عربيات تويوتا و الضغط عليها بيها و فضحها عالميا و فعلا امريكا نجحت فى الهدف ده

لا متقولشي كده علشان متبقاش متعصب
الكلام ده بقه تهمة دلوقتي اسمها متعصب
لأن امريكا مش مهتمة بان تويوتا عامللهم مشكلة في مبيعات العربيات هناك
تقبل تحياتي انا بهزر معاك اكيد

المشاركة الأصلية كتبت بواسطة ahm2000

للمرة التانية يا أستاذ Sharky
بقول لحضرتك إن أنا شاكك في موضوع إنهم كانوا عارفين من سنة فاتت. أنا أعتقد إن المشاكل اللي في عربيات تويوتا عيوب ظهرت مع الإستخدام يعني علشان تتسجل بصورة مشكلة ده حصل بعد توزيع العربية على العملاء و تسجيل ورصد شكاوى متعددة من نفس السبب و أعتقد إن ده ما ينفعش يكون حصل من سنة و مستحيل يكونوا كانوا عارفين المشكلة من سنة وأصروا على الإنتاج بنفس العيب. أنا شايف إن دي نقطة بتتقال لفرض العقوبات.
والدليل على كده إنهم وقفوا خط الإنتاج بعد إعلان المشكلة و "ستستأنف إنتاجها للموديلات الثمانية المصابة بالأعطال في الثامن من فبراير في ثمانية مصانع كما ستستأنف مبيعاتها بعد أن يصلح التجار العربات التي لديهم"
يعني ما ينفعش تكون المشكلة معروفة و خط الإنتاج يبقى شغال بينتجها من سنة

هو ده الكلام
هل لو كانوا عارفين كانوا هيفضلوا ينتجوا العربيات بنفس الدواسات برضه
يعني بالله عليكم اخطأوا واغبيه كمان لأ كده كتير بقه

المشاركة الأصلية كتبت بواسطة ahm2000

لأ أنا اللي بسأل حضرتك إيه الدليل على إنهم كانوا يعرفوا من سنة

و ماتنساش إن كلمة last year المستخدمة كثيراً في وصف المشكلة مش معناها سنة لأن إحنا في شهر فبراير والكلام كان في شهر يناير يعني ممكن أكون بتكلم عن ديسمبر واستعمل مصطلح الشهر السابق أو العام الماضي و الإتنين صح

أحييك على الكلام العاقل والموزون

طيب يا جماعه هسال سؤال
طيب لو افترضنا ان الناس متعصبه وعندها مشكلة من جانب تويوتا لو افترضنا
ايه مشكلة الناس اللي مش عاجبها كده ؟؟؟؟؟؟؟
كل واحد يرد على نفسه
لأن غلط تويوتا ولا هينفعنا من قريب ولا بعيد
طيب المتعصبين عندهم مبرر لأنهم متعصبين طيب الجانب الأخر ايه مشكلته في موضوع خطأ تويوتا ده ؟؟؟