عيادة أسنان المنتدى (للاستشارة)

**m_love4me** · 23-07-2011 12:06 AM

المشاركة الأصلية كتبت بواسطة mesaharaty

الدكتور إللى أنا رحت له رئيس قسم التيجان والجسور بطب أسنان قناة السويس
دكتوراة من إنجلترا

دكتور اسامه عطا ؟؟؟؟؟؟؟؟؟؟

دا استاذنا وكبيرنا وراجل ما شاء الله عليه , اكن له كل الاحترام بصراحه و التقدير
علامه فى التيجان و الجسور بدون منازع

لكن هرجع اقول لحضرتك نقطه بسيطه
حضرتك محتاج دكتور متخصص علاج جذور علشان الحاله تقدر تتابع صح
وتمشى تمام

ولو هتحتاج تدخل جراحى يبقى لازم , مابين دكتور علاج الجذور و جراح

للاتفاق على الموقف ومتابعه الحاله بشكل صحيح

تحياتى لك

**mesaharaty** · 24-07-2011 10:35 AM

طيب كنت محتاج ترشيحات لبعض أسماء الدكاترة اللى فى تخصص الجذور ، يعنى كام إسم كده وياريت يكونوا ناحية مصر الجديدة أو جسر السويس

**m_love4me** · 31-07-2011 08:16 PM

وعليكم السلام ورحمه الله وبركاته

كل سنه وحضرتك طيب يا فندم

لو حضرتك السنان بتطلع الدايمه وبتشيل اللبنيه ,,يعنى بتقع
مافيش مشاكل حتى لو بتطلع معوجه
لحد ما معظم السنان الدايمه تطلع

لحد الناب بالاخص زي ما بيسمى يعنى

المفروض اى حاجه معوجه تتظبط بعدها

الا بقى لو حضرتك ملاحظ ان السنان بتطلع معوجه لان مالهاش مكان
او انها بتطلع معوجه
لجوا او لبرا
والاسنان اللبنيه ما بتقعش لوحدها

وقتها حضرتك لازم تزور دكتور اسنان
ويكون تخصصها
اطفال

علشان يشوف المشكله
فى بدايه الامر

او تقويم لو كان معظم السنان طلعت

تحياتى لك

**mohamedmostaf0** · 06-08-2011 07:34 PM

انا بقه عندى كذا مشكله
اولا انا عندى ٢٥ سنه
والحمد الله مش بعانى من اى امراض
بس اسنانى ودروسى بايظه روحت لكذا دكتور وكلهم قالولى عندى حوالى ٤ دروس لازم اموتلهم عصب ودرس يتخلع ومش عارف ايه يتحشى المهم الموضوع كبير
بس انا دروسى كلها مكسره وكل يوم مبعرفش انام بسببها وشكلها بقه وحش
مفيش حل اعالج بيه المشكله ديه
يعنى مثلا اشيل الدروس ديه كلها واركب بدلها
او اشيل الدروس والسنان وكله كله واركب بداله بس يكون حاجه ثابته علشان برضه انا لسه شاب يعنى مش عجوز علشان اشيله واحطه زى جدى

بس او ايه الحل ولو زى مقولت ليك هتتكلف كام
وياريت رقمك علشان اقدر اكلمك واوصفلك الموضوع بالظبط

**m_love4me** · 06-08-2011 08:07 PM

وعليكم السلام ورحمه الله وبركاته

بص يا استاذ مجمد , حضرتك لسه يا دوب صغير مش شباب حتى

موضوع انك تخلع وتركب حاجه تانيه دا , عاوزك تشيله من دماغك نهائى نهائى

لان مافيش حاجه ابدا مهما كانت بتعوض بالفعل السنان ال ربنا خلقها

حضرتك لازم تتابع مع دكتور محترم , وتشوف اللازم بالظبط
تشوف الحاجات ال محتاجه حشو عصب وتعملها

وال محتاج يتخلع وتعمله

ياريت قبل ما تبدا تروح لكذا دكتور , تشوف كل واحد فيهم خطه العلاج بتاعته ايه بالظبط

علشان نفاضل ما بينهم
ف ناس عازوه تشتغل وخلاص
يعملك الحشو العصب و الخلع وخلاص
ومش فاضى يعمل التركيبات اللازمه بعد كدا

وف واحد هيخلص كل حاجه

ف علشان نشوف الافضل

و لازم تبقى حضرتك عارف ان الموضوع على حسب وصف حضرتك كدا هيكلف كتير شويه

يعنى ممكن يتجاوز حاجز الالف - الفين
على حسب الحاله بالظبط

حشو العصب لوحده لا يقل عن 350 جنيه
وحضرتك بتقول كذا ضرس
ولسه ف تركيبات

ف معلش حضرتك لازم تهتم

تحياتى لك

وبعدين

**رزق** · 06-08-2011 08:21 PM

هل ينفع خلع العصب - أو تمويته - أو مشابه مع الإحتفاظ بالضرس؟
أصل أنا عندي ضروس مسوسة أوي رحت لدكتوره كبيرة قوي نضفت وحشت وكده
لكن لسة الوجع رهيب مع أي حاجة برده حتى لو ماء ساقع
حتى وهي شغالة في الضروس دي ادتني حقنتين بينج على غير العادة وبرضه كنت بافلفص أول ماتشتغل في حتة بعينها

ولكم جزيل الإحترام

**mohamedmostaf0** · 06-08-2011 09:04 PM

انا مع حضرتك طيب تقولى لو تعرف دكتور كويس اى حاجه انا عايز اروح لحد يمسكنى كده يخرجنى من عنده مش محتاج اى حاجه تانى للاسنان ولا افكر فيها تانى
لانى بجد اتخنقت من موضوع ده وعندى دروس متكسره ودروس نصها موجود والنص التانى مش موجود وبواقى حاجات وزفت

وزهقت بجد

ياريت تدينى اسمائ وارقام وياريت رقمك لو ينفع

**m_love4me** · 07-08-2011 01:57 AM

المشاركة الأصلية كتبت بواسطة mohamedmostaf0

انا مع حضرتك طيب تقولى لو تعرف دكتور كويس اى حاجه انا عايز اروح لحد يمسكنى كده يخرجنى من عنده مش محتاج اى حاجه تانى للاسنان ولا افكر فيها تانى
لانى بجد اتخنقت من موضوع ده وعندى دروس متكسره ودروس نصها موجود والنص التانى مش موجود وبواقى حاجات وزفت

وزهقت بجد

ياريت تدينى اسمائ وارقام وياريت رقمك لو ينفع

بص يا فندم هو المفروض بالفعل حضرتك تروح لحد محترم يعملك الحاجات دى كلها مره واحده
اقصد على كذا زياره طبعا
بس يعملك حشو العصب والخلع و التركيبات وكل ما يلزم

وانا للاسف مااقدرش افيد حضرتك بحد معين لانى مش من القاهره
انا من الشرقيه
وشغلى ف الاسماعيليه

لو حضرتك تحب تشرفنا ف الاسماعيليه
واعمل لحضرتك الحاجات ال تلزم ان شاء الله , بدون ادنى تكاليف غير تكاليف المعمل فقط
لان الشغل هيكون ف الجامعه , بأذن الله
ف انا تحت امرك

وعموما دا رقمى
0100843813
محمد حسام

المشاركة الأصلية كتبت بواسطة رزق

هل ينفع خلع العصب - أو تمويته - أو مشابه مع الإحتفاظ بالضرس؟
أصل أنا عندي ضروس مسوسة أوي رحت لدكت وره كبيرة قوي نضفت وحشت وكده
لكن لسة الوجع رهيب مع أي حاجة برده حتى لو ماء ساقع
حتى وهي شغالة في الضروس دي ادتني حقنتين بينج على غير العادة وبرضه كنت بافلفص أول ماتشتغل في حتة بعينها

ولكم جزيل الإحترام

يا حشو العصب بيشمل ازاله العصب من الضرس المتضرر فيه العصب

ومع الاحتفاظ بالضرس بكل تأكيد
دا حاجه ودا حاجه
لكن للاسف حشو العصب بردو ليه عيوبه
لانه بيضعف من الاسنان الطبيعيه

معنى ان فيه وجع مع الميه الساقعه و السخنه وما الى ذلك
ان ف جزء من السنه مكشوف , حشوه مكسوره
تسوس فى السنه
او جزء من الجزر الخاص بالسنه مكشوف
مشاكل ف اللثه و الاسنان عموما
ما اقدرش احكم نظرى

ومعنى ان الدكتور ادت لحضرتك حقنتين بنج , وبرضوا كان ف الم انه معناه ان العصب كان ملتهب
علشان كدا , كان الشغل فيه حتى تحت تاثير البنج متعب

ف علشان كدا المفروض حضرتك تراجع دكتور تانى
لان احتمال الدكتوره ما تكونش شالت كل التسوس ال كان موجود

او انه واصل للعصب بالفعل
ومحتاج حشو عصب

تحياتى لك

**rosebox** · 07-08-2011 02:13 PM

سلام عليكم انا عندى مشكله فى جانب ضروسى الايسر و مش قادرة احدد فين بالضبط و كان الالم غير محتمل غير وجع التسوس العادى فقلت اكيد ده خراج فاخدت مضاد حيوى قوى قبل ما اروح عند الدكتور عشان مايعطلنيش خصوصا ان مواعيده صعبة جدا و فعلا اتحسنت عليه جدا و لما الدكتور شافه قاللى مش شايف حاجه لازم تعمليلى اشعة بانوراما
و عملتها و حوريهاله ان شاء الله بكرة الشكوى بتاعتى دلوقتى انى لما اقرب حاجة شخنة ليها بتألم جدا جدا انما لو حاجة ساقعة برتاح قوى. و دى حاجه عكس الناس فى موضوع السنان. انما فى العادى مفيش الم الحمد لله.

الجنب التانى الحشو بتاع ضرس طلع فالدكتر قاللى لازم كراون ضرورى و قاللى على نوعين كراون بس الفرق بينهم شااااسع فى السعر الرخيص ب500 تقريبا و الغالى ب2000 فى الحقيقه مش فاكرة اساميهم لو فعلا يفرق قوى حعمل الغالى,. بس ممكن توضحلى الفرق.

و اشكر اهتمامك بالرد؟