عيادة أسنان المنتدى (للاستشارة)

**ashouhdy** · 09-03-2011 03:09 PM

المشاركة الأصلية كتبت بواسطة m_love4me

ايون يا فندم ,, التقويم دا تخصص , وهو اعلى تخصص ف الاسنان
يعنى مش تخصص
لكن مجال مافيش اى حد والسلام بيشتغله لانه مش بيدرس ف الجامعات بالكامل
مجرد مبادىء بس
علشان كدا ال بيشتغلوا تقويم بيكونوا اخدين دبلومات وماستر فيه

نفس العقدة المعتادة

التقويم دراسة و شغل من اهيف تخصصات الاسنان

لكن احتكار القسم والعلم دة بالذات (عشان بيجيب فلوس كتير) هو اللى عملة البروباجندا دى بسبب عدم تدريسة بطريقة وافية فى المنهاج الأساسية ودة عن قصد

لكن لو درستة ومارستة صح حتعرف قد اية هو هايف مقارنة بالتخصصات الأخرى

الفكرة فى ذووى النفوس المعقدة المريضة و على فكرة فى طريقها للزوال بسبب المظاهرات و موجة التغيير اللى بنعملها فى جامعة أسكندرية عندنا

.

**amm70** · 14-06-2011 12:08 AM

عندي سنه اماميه كانت مكسوره وقمت بازاله العصب وقمت بعمل حشو لها وهي تزداد الان ميلا الي اللون الرمادي
واريد ان اعلاج ذلك .. فهل يوجد حل لذلك غير التركيبات او هل الافضل ان اعمل لها طريوش او هل يوجد في مصر مايسمي الوجوه الخزفيه(veneers or lumners( تلصق علي وجه السن فقط بدون كشط (لقد قرات عنها في النت).... وماهي الاحتياطات لو عملت الطربوش حتي لايقع مارايكم يا دكاتره محتاج المشوره. وهل يمكن ان تدلني علي طبيب في القاهره لعمل ذلك وشكرا

**m_love4me** · 14-06-2011 01:41 PM

المشاركة الأصلية كتبت بواسطة amm70

عندي سنه اماميه كانت مكسوره وقمت بازاله العصب وقمت بعمل حشو لها وهي تزداد الان ميلا الي اللون الرمادي
واريد ان اعلاج ذلك .. فهل يوجد حل لذلك غير التركيبات او هل الافضل ان اعمل لها طريوش او هل يوجد في مصر مايسمي الوجوه الخزفيه(veneers or lumners( تلصق علي وجه السن فقط بدون كشط (لقد قرات عنها في النت).... وماهي الاحتياطات لو عملت الطربوش حتي لايقع مارايكم يا دكاتره محتاج المشوره. وهل يمكن ان تدلني علي طبيب في القاهره لعمل ذلك وشكرا

السلام عليكم ورحمه الله وبركاته

اولا الف سلامه لحضرتك
وقدر الله وما شاء فعل

ثانيا ,,, بخصوص تغيير لون السنه الى الاغمق , ف دا شىء طبيعى جدا , بسبب ان السنه اصبحت
dead
وتم حشو عصب

اما بخصوص العلاج , ف حضرتك قدامك حلين , والاتنين يعتمدوا على حسب حجم الكسر
وال بيقدر دا الطبيب طبعا ال حضرتك هتعالج عنده

الاول , هو انه بيتم عمل تبيض او ما يسمى
internal bleaching

ودا بيكون شىء مخصص للاسنان الى معمولها حشو عصب
وبعدين يتم تكمله السنه عن طريق حشو
compiste
لاعاده بناء السنه لوضعها الطبيعى

اما لو كان حجم الكسر كبير

ف من المستحب انه بيتم عمل
post & core عباره
من نوع معين للاسنان الاماميه
fiber post
للحفاظ على شكل الجمالى .
ودا عباره عن جزء بيكون فى السنه من الداخل , وبيتم بناء كور عليه
يعنى زي مسمار بالعاميه

وبيتم عمل تركيبه عليه بالكامل طربوش زي ما بيقولوا
crown

http://www.specialitydentalclinics.c...ostandCore.jpg

اما بخصوص الحل ال حضرتك قريت عنه
laminate veneers
دا لو كان الجزء المسكور بسيط او مافيش جزء مكسور
يحتاج تعويض
ودا بيكون لتغيطه الجزء الامامى
الوجهه الامامى من السنه فقط
وهو يعتبر اكثر الطرق العلاجيه التحفظيه

علشان بيحتاج اقل شغل , او اقل preparation
فى السنه نفسها

وطرق العلاج كلها متوقفه على رأي الطبيب وتقديره للموضوع

اما بخصوص طبيب فى القاهره ف للاسف ما اقدرش افيد حضرتك
لانى من الشرقيه

بالتوفيق

**pegpus** · 04-07-2011 04:10 AM

الى الدكتور الفاضل \ انى مريض بالسكر و الضغط وعندى سرعه فى ضربات القلب وشلل اطفال ووزنى يفوق 130 كيلو وهذه الظروف قيدتنى بالمنزل لااحتمل الحركه والشعور بالدوخه تجعلنى اخاف الوقوع من على العكازين لاتعرض لكسر اوغيره من الاصابات
وطبعا السكر اسقط اسنانى بالكامل الفك العلوى وبعض من الفك السفلى واعانى التهاب اللثه وصعوبة المضغ وعسر الهضم
انى استجدى انسانيتك ان تعالجنى بمنزلى فقط انا مستور بفضل الله واقيم بمصر الجديده بالدور الارضى
وجزاك الله عنى خير جزاء

**nosa87** · 14-07-2011 01:51 PM

Image Upload !

**nosa87** · 14-07-2011 01:53 PM

ارجو التواصل مع الدكتور لان مش عارفه اكتب هنا انا كتبت موضوع ومحدش بيرد عليا ليه

**m_love4me** · 14-07-2011 02:14 PM

المشاركة الأصلية كتبت بواسطة nosa87

ارجو التواصل مع الدكتور لان مش عارفه اكتب هنا انا كتبت موضوع ومحدش بيرد عليا ليه

السلام عليكم ورحمه الله وبركاته

اعتقد ال فهمته من طلب حضرتك
بخصوص زرع ضرس مكان الضرس المخلوع ,,,

ال بيحدد الموضوع دا للاسف مش الاشعه فقط ,,,
لان الاشعه ماهى الا صوره ثنائيه الابعاد فقط لا اكثر
فى عوامل تانيه كتيره مهمه
سن حضرتك كام ,,,
و هل حضرتك بتتعالجى من اى امراض معينه
الضغط و السكر وما الى ذلك
وكذلك التشخيص نفسه مهمه جدا ,
علشان نقدر نحكم , هل الحاله تسمح بالزرع ام لا

دا اذا كان ال حضرتك تقصديه , زرع فعلا

او لو كان تركيب عادى ,,, ف التركيب هيكون اسهل , و الوضع ابسط من كدا شويتين

وياريت حضرتك تقوليلنا , امتى الضرس دا اتخلع
واعتقد من الاشعه انه فيه بقايا للجزر بتاعه
ما اتخلعش تمام

اما بخصوص مين الدكتور معين او كدا
ف للاسف مااقدر افيد حضرتك
لان مااعرفش حد لسه
اانا خريج جديد

وبحاول اساعد قد الامكان ان شاء الله

**nosa87** · 15-07-2011 01:26 AM

thankssssssssssssssssssssssssssssss متشكره قوي انك رديت عليا والله مريسي
اه انا نفسي ازرع سنه بدالها اه الجدر متبقي بس انا شلته من شهر ودلوقت الجرح لم وسمعتكم هنا بتتكلموا عن دكتور احمد عز الدين وجبت رقمه المهم انا 24 سنه و 6 شهور ومبدخنش ومعنديش سكر وضغطي ساعات بيوطي لما مباكلش او بسهر كتير بس المهم السنه اتكسرت من سنه تقريبا وفضلت سيبه الجدر وليسه شيلاه من شهر واللثه الي حد ما كويسه الحمد لله مفيش دم ولا حاجه فيها ها ينفع ؟؟؟؟

**m_love4me** · 15-07-2011 02:17 AM

هينفع ان شاء الله

بس بردو حضرتك

مدركه الزرع فعلا معناها
ولا عاوزه تركبى سنه مكان ال موجوده

لان الزرع مكلف بعض الشىء
وبيحتاج عنايه و اهتمام كبير الى حد ما
ومتابعه
وحاجات تانيه هكذا

لكن التركيب العادى , بيكون اقل ف التكلفه
وبردو محتاج اهتمام بكل تأكيد

وعموما حضرتك ممكن تروحى اى عياده وتسالى مافيش قلق ان شاء الله

وللاسف ما اقدرش افيد حضرتك بحد معين
لانى فعلا مااعرفش حد وانا كمان من الشرقيه

وانا تحت امرك فى اى وقت ان شاء الله
فى حفظ الله