انا زودت زيت كتير

**araberphilosoph** · 24-12-2007 06:24 PM

سلام عليكم جميعا
عزيزه الله يكرمها وانا بزودها زيت زودت الظاهر كتير اوي المهم الجوان راح(هى بتاخد جوانين فيفوريت 94) ونزلت كميه زيت مخلكه من الموتور(طحينه)كتير مووت لان الميه كنت بتخلكط وانا كنتنت بزود ومش عارف الميه بتروح فين!!! (اعذروني جديد) المهم انا فضت الميه والزيت منها وبعت اجيب جوانين وفلتر زيت (القديم كان بينقط) المهم ومستني الاستاذ الميكانيك لما يرجع طابا من الاجازه؟ تفتكروا في حاجه تاني باظت؟؟ هو بيقولي (من غير ميشوفها) غير وش السلندر(بيقول سال عليه لقاه ب 1300 جنيه ) تفتكروا اغيره ولا ايه والنبي انا في اخر الدنيا وعزيزه معطلاني
شكرات ليكم جميعا
اخوكم الفيلسوف

**Abdallah** · 24-12-2007 07:04 PM

وش سلندر ليه ؟؟؟؟
بص انت هتفتح وتحط شوية مياه او زيت على البساتم من فوق وشوف هينزلوا ولا لاء.
لو نزلوا يبقى انت محتاج عمرة لو منزلوش يبقى متفتحش على نفسك فتوحة وغير الجوانين واحتمال يكون فى طقم كستبانات كمان لو العربية طبلت شوية.
الخلاصة انت هتغير جوان وش سلندر سواء العربيى بتاخد اتنين رقيقين او محملمين وهتغير جوان تاكيهات وزيت موتور وفلتر زيت , دول الى فاكرهم دلوقتى.

**araberphilosoph** · 24-12-2007 07:12 PM

طب يا اشتاذ عبد الله معلش انا جديد العمره لعربيتي تتكلف كام
وكده ولاا اريح دماغي واجيب موتور استيراد !!! هو بكام يعني لو حد يعرف؟؟
انا لسه جايبها منن شهر مطكلعه عيني
شكرا لاهتمامك

**Xpert** · 24-12-2007 08:12 PM

يوووه يا عم عمر .. شكلك هاتتعبنا ..
مش قلتلك حل عزيزه ايه .. انت مابتسمعش الكلام ليه ؟.. ماتتعبناش و اركنها شويه و اعمل اللي قلتلك عليه .. .. هاتجيب وش و هاتجيب عمره و هاتجيب و الميكانيكي هاياخد و هاياخد و هاياخد .. اسمع الكلام و ماتتعبش نفسك... انت حر لو عملت غير كده انت اللي هاتتعب