الى مالكى المازدا3 ...قولنا انطباعك عنها؟

**himaz** · 16-02-2010 02:38 PM

المشاركة الأصلية كتبت بواسطة janjon1978

بصراحة يا محمد الباور بتعها ممتاز .. الماتركس اللى كانت معايا قبل كدة --> الباور كان اتقل بمراحل
وعموما الموديل الجديد اللى فى مصر منزلينو ب باور electrohydrolic يعنى كهرباء و هيدروليك مع بعض

انا شايف الباور حلو واعتقد الباور الكهرباء فعلا اخف من العادى بس ليه عيوبه

**nightmare_9595** · 18-02-2010 10:20 PM

شكرا يا استاذ محمد عز علي الموضوع الجامد ده..

انا معايا مازدا 3 ابيض لؤلؤي 2009 و عامله دلوتي 24000 كيلو في 8 شهور تقريبا بسبب السفر الكتير,

بصراحه العربيه بسم الله ما شاء الله تحفه في الثبات سواء سرعات معتدله او عاليه,
مرونه عاليه اوي في المناورات,
ثبات تاااااااااااااام في الملفات و الغرز و اتحدي ا واحد حتي لو غشيم سواقه انها تتزحلق منه او تعوم منه.
موتور ولا اروع و سحب ولا اجمل و احساس فريد عند الكيك داون بالعدادات البرتقاليه في الازرق

شكلها بسم الله ما شاء الله روعه و هاديه و شيك و رياضيه في نفس الوقت,

التابلوه تحفففففففه و خصوصا لما تنوره بليل و تشوف روعه تجانس الالوان مع بعضها,و الله كانها طياره,
كراسيها مريحه جدا جدا حتي لو هتسافر بيها 1000 كيلو متواصلين ولا تتعب و تتمني ان الرحله تطول.

الفرامل بسم الله ما شاء الله قويه جدا جدا جدا و لو دست الفرامل للاخر(لا قدر الله في موقف حرج)العربيه خلاص واقفه و ان شاء الله مش هتعمل غير كده ولا حتي تتزحلق لو 10 سم.ان شاء الله عمرها ما هاتخزلك.و اصحاب الملكه زووم 3 عارفين ده.

صوت الكاسيت عندي بسم الله ما شاء الله زي الفل عشان انا مركب الدي في دي بتاعها اللي بيركب بدال الكاسيت السي دي و الشرايط بتاعها و فيه GPS و الحمد لله مركب بازوكا JBL 1000w

الحمد لله بعشقها و بحبها و هاخترها لو قالولي هنديك bmw !!!!!

عيبها واااااااااااطيه علي الارض و ده مع مطباتنا مقولكش, بتسمع مزيكا تحت العربيه!!!!!بس طبعا الحمد لله ثابته و مكلبشه في الارض,
و عيبها كمان ديقه من ورا,يعني لو السواق و اللي جنبه رجعو الكراسي شويه كده يلا السلامه علي كلمه سيدان و بقت كوبيه !!!!!

بالنسبه لعربيتي انا,الحمد لله مركبلها 3 بارات(امامي فوق و امامي تحت و خلفي تحت)و كيت فلتر الهوا السيموتا الكامل و ديفل جاسما جديد من السعوديه,و زينون فوجات و واطي و عالي و فاميه الترا, و صوت الموتور روووووووووووووووعه و عند الكبس كانك بتسمع اوبرا بتغني,بجد صوت جميييييل و زئير يخوف اي حد,

بجد العربيه دي اي حد بيجيبها سبحان الله بيكون بينه و بينها عشق و بيحبها زيي كده !!!!

ده كان رايي في عربيتي و ان شاء الله يعجبكو و اي سوال انا موجود

تقبلو تحياتي

محمد حامد

**levelpower** · 21-02-2010 03:25 PM

الحمد لله العربية زى الفل هى موديل 2009 و ربنا يبعد عننا الحقدين و الغشم و ولاد الحرام

**himaz** · 21-02-2010 03:46 PM

المشاركة الأصلية كتبت بواسطة levelpower

الحمد لله العربية زى الفل هى موديل 2009 و ربنا يبعد عننا الحقدين و الغشم و ولاد الحرام

امين

**dr.amr** · 02-03-2010 11:14 AM

والله يا جماعه العربيه ده اكتر عربيه مظلومه في مصر
انا غيرت حوالي 4 عربيات في تلات سنين
وكل مره ببقي نفسي اجيب المازدا 3 بس للأسف
ببقي خايف من نقطة الوكيل والبيع
يلا الحمد لله
بس يارب ياخدها غبور علشان اعرف اركبها
اهو اي توكيل والسلام
مع اني مجربه لما كان معايا الالنترا
بس اهو ضل غبور ولا ضل حيطه :)

**ahmad--ezzat** · 02-03-2010 03:44 PM

د عمرو...العربيه منتشره جدا واسعار قطع الغيار مش بعيده عن الكرولات والهوندا وكده...العربيه ممتازه وبالتوفيق

**hamada50** · 02-03-2010 04:59 PM

أنا معايا المازدا من يونيو 2008. يعنى داخلة على سنتين وعاملة 35000 عشان مشاويرى طويلة شوية. العربية بصراحة عجبانى أوى بس عندى مشكلة وهى انى غيرت الطنابير عند 25000. أنا طبعا غيرتها عند سمارت كار فى الضمان وطبعا مدفعتش تمنها. هما ناس محترمين أوى بصراحة. هما قالولى ان ده عيب فيها وناس كتير اشتكت منه وقالولى ان السبب هى السرعة العالية. أنا فعلا معظم مشاويرى على طريق السويس بس عمرى ما توقعت انى هغير الطنابير بعد سنة.

أنا شايف ان استهلاك العربية للبنزين بيتحسن أوى مع الوقت وخصوصا بعد 20000.
وصلت معايا دلوقتى من 220 ل 240 كم / 20 لتر. أنا بحطلها بنزين 95 من ساعة ما جبتها وعمرى ما حطيت 92. وده طبعا خارب بيتى. مش عارف ده كده صح ولا ممكن أحط 92 بدون أى مشاكل. هى العربية خليجى وبالأخص سعودى ومكتوب على غطاء التنك 95. يا ريت حد ينصحنى فى موضوع البنزين ويقولى أنا كده صح ولا ايه.

بس بوجه عام هى عربية فعلا ممتازة. وأنا شايف ان مشكلة التوكيل مش موجودة لو جبتها من حد زى سمارت كار عنده جميع قطع غيارها بأسعار مش غالية أوى وضمانه 3 سنين 120000 كم

**Eng.Sameh** · 02-03-2010 07:45 PM

المشاركة الأصلية كتبت بواسطة hamada50

أنا معايا المازدا من يونيو 2008. يعنى داخلة على سنتين وعاملة 35000 عشان مشاويرى طويلة شوية. العربية بصراحة عجبانى أوى بس عندى مشكلة وهى انى غيرت الطنابير عند 25000. أنا طبعا غيرتها عند سمارت كار فى الضمان وطبعا مدفعتش تمنها. هما ناس محترمين أوى بصراحة. هما قالولى ان ده عيب فيها وناس كتير اشتكت منه وقالولى ان السبب هى السرعة العالية. أنا فعلا معظم مشاويرى على طريق السويس بس عمرى ما توقعت انى هغير الطنابير بعد سنة.

أنا شايف ان استهلاك العربية للبنزين بيتحسن أوى مع الوقت وخصوصا بعد 20000.
وصلت معايا دلوقتى من 220 ل 240 كم / 20 لتر. أنا بحطلها بنزين 95 من ساعة ما جبتها وعمرى ما حطيت 92. وده طبعا خارب بيتى. مش عارف ده كده صح ولا ممكن أحط 92 بدون أى مشاكل. هى العربية خليجى وبالأخص سعودى ومكتوب على غطاء التنك 95. يا ريت حد ينصحنى فى موضوع البنزين ويقولى أنا كده صح ولا ايه.

بس بوجه عام هى عربية فعلا ممتازة. وأنا شايف ان مشكلة التوكيل مش موجودة لو جبتها من حد زى سمارت كار عنده جميع قطع غيارها بأسعار مش غالية أوى وضمانه 3 سنين 120000 كم

يا باشا أنا بحطلها 92 وشغالة زي السكينة في الحلاوة :) .. ومتهيألي كل الأعضاء برضو شغالين 92 .. يمكن محدش غيرك في مصر بيحطلها 95 :)

**janjon1978** · 02-03-2010 09:31 PM

المشاركة الأصلية كتبت بواسطة hamada50

أنا معايا المازدا من يونيو 2008. يعنى داخلة على سنتين وعاملة 35000 عشان مشاويرى طويلة شوية. العربية بصراحة عجبانى أوى بس عندى مشكلة وهى انى غيرت الطنابير عند 25000. أنا طبعا غيرتها عند سمارت كار فى الضمان وطبعا مدفعتش تمنها. هما ناس محترمين أوى بصراحة. هما قالولى ان ده عيب فيها وناس كتير اشتكت منه وقالولى ان السبب هى السرعة العالية. أنا فعلا معظم مشاويرى على طريق السويس بس عمرى ما توقعت انى هغير الطنابير بعد سنة.

أنا شايف ان استهلاك العربية للبنزين بيتحسن أوى مع الوقت وخصوصا بعد 20000.
وصلت معايا دلوقتى من 220 ل 240 كم / 20 لتر. أنا بحطلها بنزين 95 من ساعة ما جبتها وعمرى ما حطيت 92. وده طبعا خارب بيتى. مش عارف ده كده صح ولا ممكن أحط 92 بدون أى مشاكل. هى العربية خليجى وبالأخص سعودى ومكتوب على غطاء التنك 95. يا ريت حد ينصحنى فى موضوع البنزين ويقولى أنا كده صح ولا ايه.

بس بوجه عام هى عربية فعلا ممتازة. وأنا شايف ان مشكلة التوكيل مش موجودة لو جبتها من حد زى سمارت كار عنده جميع قطع غيارها بأسعار مش غالية أوى وضمانه 3 سنين 120000 كم

بالرغم من المكتوب على التنك هو 95 لكن انا باستخدم 92 وهو مناسب جدا و مابيعملش اى مشاكل ... تقولى لية ؟؟؟ ... اقولك 3 اسباب
1- الcompression ratio هى 1:10 و دى البنزين المناسب ليها هو 92 و ال95 مش هيعمل حاجة زيادة
2- فى الكاتالوج هتلاقيهم موضحين ان فى بلاد يستخدم فيها اوكتان 91 و منهم مكتوب مصر بالنص ... صفحة 4-2 ...و كمان مكتوب ان ممكن تحط 90 فى بعض البلاد اللى اقل مننا.
3- عن تجربة ال 95 لمدة .. الفرق بسيط فى السحب و نفس الاستهلاك و نفس صوت الموتور

ثانيا بالنسبة للطنابير ..انا لية راى اخر.. الحقيقة احنا اللى بنبوظا ومش عيب فى العربية .. معظم اللى معاهم المازدا شباب و سواقتهم عنيفة و الفرامل الجامدة الكتيرفى السرعات العالية بتبوظ الطنابير و الملاحظ الكلام دة بيحصل فى كل العربيات مش بس المازدا (السيفيك - الكورولا - الالنترا ) لو عايز تجرى على طول هات طنابير رياضية

**himaz** · 03-03-2010 02:33 AM

الطنابير ممكن تبوظ من الاستخدام السىء او عدم تغيير التيل فى معاده لان ده بيسبب ان الطنابير بتتاكل مع الوقت لان التيل اتاكل

بالنسبة للبنزين فعلا الكتالوج مكتوب فيه بالنص 91 لمصر , يعنى 92 تمام اوى و ماشى معانا بدون مشاكل بس يا رب يطلع 92 بجد مش كلام على الورق

الموضوع: الى مالكى المازدا3 ...قولنا انطباعك عنها؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الى كل مالكى الفيلشيا ... ايه مزاياها وعيوبها وايه انطباعتكم عنها .. محتاج نصائح

رابطه مالكى السياره ايمجراند 7 (emgrand 7 ) الجديده كليا قولنا اخبارها معاك ايه

سجل انطباعك عن نيسان صنى 2013

انطباعك ايه عن الاعضاء.خش وقلنا

هل تمتلك سياره يابانيه؟ مانوعها؟ماهو انطباعك عنها ؟ دعوه للمشاركه

الكلمات الدلالية لهذا الموضوع

المفضلات

المفضلات

ضوابط المشاركة