الموضوع: سؤال عاجل عن المكملات الغذائية

للرفع....................*

حقول لحضرتك عل تجربتى الشخصية..انا استعملت الماس ميكر وكان ممتاز اوى بس اهم حاجة انك تلعب كتيير اوى يعنى تجهد نفسك فالتمرين وتستعمله على فترات متباعدة يعنى انا كنت بجيب الكيلو واستعمله وبعدين انسى الموضوع 4شهور مثلا وكل الوقت دة مع التمارين..بالنسبة للماس ميكر دة انضف حاجة مصرى غير كدة لو عاوز واى بروتين عليك وعلى المستورد وش..بس انا انصحك بحاجة جميلة اوى وبتدى نتيجة اقل بس حلوة جدا..تونة+بيض+جبنة مثلثات جاامدة اوى وبتضخم ومفيدة وامنة اكتر..كمان انا بنصحك نصيحة شخصية سيبك من اى اقراص اوكرياتين اوى اى حاجة من دى يعنى يبقى اخرك المكمل وعلى فترات متباعدة واتمرن كويس

المشاركة الأصلية كتبت بواسطة motorizer

كنت عايز أعرف هل هناك أي أضرار من المكملات الغذائية زي ال whey بروتين و الكرياتين اللي بتتباع علي شكل باودر؟

و إيه أفضل الأنواع الموجودة في السوق .. و شكراَ.

بص ياباشا هو الموضوع ده مش مستحب
لكنه مش مضر زي الهرمونات والتيستوستيرون اذا اتاخد بجرعات مناسبه لجسمك من حيث الطول والوزن
انصحك انك تذهب لدكتور تغذيه وهو هيظبط معاك الموضوع ده وهتبقي مطمن وانت بتاخد المكملات
واذا ماكنتش ناوي تروح لدكتور فياريت الاول قبل ماتاخد كرياتين تعمل تحليل وظائف كبد وكلي وتطمن عليهم الاول انهم كويسين ياذن الله
ولو هتاخد برضه حقن زيت اللي هي ال deca تاخد حقنه كل شهر او بالكتير كل اسبوعين حقنه 25 مل اكتر من كده ممكن يضرك

ونصيحه تانيه روح لدكتور تغذيه
بالنسبه للانواع مش هقدر افيدك للأسف

شوف يا محمود .. المكملات الغذائية أو ال MRP ملهاش أى ضرر ، الفكرة ان أى بودى بيلدر لازم ياكل يوميا ً من 5-6 وجبات ، الطبيعى انك مش هتقدر تطبخ فى اليوم ست وجبات ، أخرك 3 مثلا ً ، فهنا بييجى دور المكمل الغذائى اللى بيعوض الفرق ، الفكرة انك بتفقد فى اليوم سعرات حرارية معينة ، ولما بتلعب فى الجيم بتفقد أكتر ، فالمطلوب انك تعوض السعرات الحرارية المفقودة بزيادة كمان ، بفرض انك عاوز تزيد عضل.

الباودر مش بس بيساعدك فى زيادة الوزن لا دة بيديك طاقة أكبر عشان تشيل أوزان أتقل عشان ت stimulate العضلة انها تكبر وتزيد.

أفضل مكمل غذائى الميوبلكس بس غالى جداا أفتكر ب 800 جنيه مثلا أو أكتر ، حوالى 36 باكتس ، باكت كل يوم.

فيه عندك ال Serious Mass دة أرخص شوية ب 400-500 جنيه مثلا ً يعمل حوالى 5 كيلو.

وأخيرا ً ال Mega Mass دة بحوالى 380 جنيه ال 2.5 كيلو.

أنا جربت الأخير وممتاز.

متضربش كذا حاجة فى نفس الوقت ، يعنى قضيها كورسات ، غير النوع كل شهرين مثلا ً.

الماس ميكر مصرى ، ابعد عنه.

عامة انت لازم تقرا كتيير ومتسمعش للكلام الكتير اللى بيتقال فى الجيم سواء من زميل او مدرب ، هديك كام لينك كدة يساعدوك:

Bodybuilding.com - MRP's Listing. Find The Best Meal Replacement Powder!
EAS Myoplex Meal Replacement Powder Review: Is Myoplex The Best MRP?
My Sample Weight Gain Diet Plan From A to Z

منتدى متخصص لو احتاجت أى حاجة او عندك سؤال:
Bodybuilding.com Forums - Bodybuilding And Fitness Board

بالتوفيق

بص يا سيدي انا فى نفس حيرتك دى ...

بس بقالى شهر بسأل و بشوف ...

و الحقيقة لسه محتار .. بس شكلى مش هاخد ..

لأنى هبطل بعد 4 شهور بالضبط و هدخل رياضة تانية ....

مش عارف أقول إيه

أشكركم جميعاَ جميعاَ بجد عرفت اللي عايزه و زيادة
أحمد جين تو ميرسي ليك يا باشا علي الشرح الكبير .. يا ريت لو تعرف أجيب serious mass منين و يكون مضمون و سعره كام؟