الموضوع: شحاتين دليفرى

الفقراء والمساكين حقا لا يريقون ماء وجوههم بهذه الطريقة فتصرفك سليم
ولكن النبي صلى الله عليه وسلم كان لا يرد سائلا، يعني ممكن كنت تديها حاجة بسيطة جدا طالما واضح إنها مدعية ليس إلا فتديها ولو ربع جنيه أو حاجة بسيطة تتاكل وتبقى أخدت الثواب حتى لو كانت هي مش محتاجة وفي الحالات دي عموما أنا أفضل إعطاء الطعام لأن النبي صلى الله عليه وسلم قال (أطعموا الطعام) ولم يفرق بين أن تعطيه لغني أو لفقير

حال البلد بقى صعب جدا جدا..ربنا يسترنا

انت صح
انا بطلت ادى اى حد من اللى بشحتوا بالطرق البايخة دول فى ناس تانى كتير احق منهم
مثلا واحد قاعدة بجرجير وخضرة والحاجات دى وحدة تانى قاعدة بمناديل او ببخور
الناس اللى بتبيع الحاجات البسيطة دى بجد بحترمها جدا جدا وهما دول اللى يستحقوا بجد

شكرا جدا بجد انتو ريحتونى والحمد لله انى اتصرفت صح
بس هو الواحد بيفترض فقط ان ممكن يكون الى بيطلب محتاج فعلا
بس ده ميدهوش الحق انه يخبط ويقولك هات وتقوله لا يقولك هات توله لا يقولك هات يعنى مصمم ياخد منك
ده الى خلانى اشك انى مش غلطان
ربنا يوفقنا كلنا فى فعل الخير والصواب

المشاركة الأصلية كتبت بواسطة eng.mohamed amen

ألف شكر لحضرتك إنك تقبلت كلامى ..

قبل كده واحد فتح عليا مطواه وأنا جوه العربيه علشان أديله فلوس . القصه كالتالى:-
أنا قاعد فى العربيه وفاتح الإزاز وسبت ربع الإزاز بس ، وكنت مستنى واحد صاحبى علشان نروح مشوار ، وإبتدت القصه::-
* الشاب طلعلى زى الجن جنب العربيه وبصلى من الشباك وقال ممكن يا باشا أى حاجه لله علشان فلوسى وقعت وعايز أروح وساكن بعيد
أديتله 5 جنيه قالى يا باشا أنا ساكن بعيد ومش عارف أروح أديتله 5 تانى بصلى وقال دول ياباشا ربنا يخليك يارب ( وشويه فلم ) قولتله عايز كام قالى 50 جنيه قولتله ليه هو فى ضريبه على الحاجات دى ولا إيه قولتله كده تمام ال10 جنيه قالى ياباشا ربنا يخليك قولته كده تمام قالى ماشى ياباشا مشى :: ورجع بعد 5 دقايق رجع وفتح عليا مطواه وبحلقلى وزعق وقال هات ياض 50 جنيه ينعل 3 تيت تيت معاك فلوس على قلبك ومش عايز تديلى 50 جنيه
العربيه كانت دايره روحت ماسك إيده لويها بسرعه بإيدى الأتنين روحت جايب الأولانى بسرعه وخليته يزحف قيمه مترين ورجعت تانى مترين ووقفت روحت نازل ضربته بركبتى فى بطنه وعدمته العافيه وإستلمته زى أفلام الأبيض والإسود الناس اتلمت حكيتلهم على اللى حصل مسكوا بقى وعملوا الصح ولاقيت صاحبى جاى جرى قولتله موجز الأنباء كان عايز يكمل على الواد قولته الناس هاتتعامل وسيبناهم ومشينا والمطواه إتخلصت منها فى أول بلاعه .بعد كده أنا لايمكن أسيب الإزاز مفتوح وأنا واقف تانى .. أنا عايز أجيب سيلف دفنس ومش عارف بيتباع فين وبكام
والحمد لله ربنا سترها معايا .. الناس خلاص هاتموت بعض علشان الفلوس بالذات الشحاتين البجحين المتسولين . معلش بقى طولت عليكم فى الرد أنا بس حبيت أحكي قصه علشان محدش يفتح الإزاز لأى حد أو يسيبه مفتوح وهو فى العربيه . وشكرا

دى بلطجه
وعلى فكره الموضوع ده انتشر انتشار رهيب وانا كل كام يوم اقابل واحد من الناس دى
وحفظتهم والى يغيظك تلاقيه يقولك اصل الظابط مسكنى وفتشنى ولسه خارج من القسم ومعيش فلوس وعاوز اروح (اصلى بعدى فى طريقى كل يوم من ادام القسم)
مره كنت سايق والتلفون رن ركنت عشان اتكلم وكان فيه واحد واقف قدامى شاب وعمال يبصلى المهم خلصت المكالمه لاقيته جايلى وبقولى نفس الفيلم معيش وعاوز اروح وللاسف اديته عشان ربنا بس مش اكتر
طب انت كنت واقف فى حالك ومفيش اى حاجه لما شفتنى راكب عربيه قولت اشتغله شويه
وكذا مره ابقى واقف بالعربيه فى الشارع قرب السوق الاقى اى ست عجوزه سايبه الشارع وجايلى وتقعد تدعيلى وهيا ماسكه شنط اكل من السوق يعنى مش شحاته ولا حاجه بس هيا شافت زبون راكب عربيه ولازم تسترزق وتعمل سبوبه
بجد الواحد بيقى يخاف من الناس دى لان اشكالهم مش ولا بد وبقو واخدين العمليه عافيه وبلطجه
بس ايه الحل فعلا الواحد مش عارف يراضيهم ولا يكون كده بيساعدهم على التمادى فى الخطأ

تصرفك صح مليون الميه
اقولك موقف غريب بمناسبه الشحاته الدليفرى بس المرة دى بالعربيات
كانت فى بنزينه توتال الى على الدائرى و خارج من البنزينه لأيت واحد بيكلكسلى و يقلب نور قولت عايز يشوف العربيه ( اصل انا عرضه للبيع للأسف ) المهم لأيته بيقولى ممكن اى فلوس لأن العريبه مفيهاش بنزين و و مش معى فلوس المهم قولتله و لا انا و مشيت
و انا ماشى فكرت ادام العربيه مفيهش بنزين بتمشى بيه ليه و كانت عربيه كيا مش هفأ يعنى بس بجد بيبأ فى حالات بجد محتاجه مساعدة مرة كانت فى اسكندريه انا و الحاج و واحد وقفنى قبل ما يتكلم ورانى البطاقه و الرخصه و قال لبابا انو من القاهرة و العربيه هتفضا بنزين و هو فلوسه خلصت بس اشترط ان اذا كنا هنساعدة اولا هنروح البنزينه معه و هو بيحط بنزين و ناخد موبيله لحد ما يرجع الفلوس و بالفعل الحاج راح معه بنزينه و فوله العربيه و مرديش يخد منه الموبيل بتاعه
اسف على الاطاله بس ولاد الحرام مخلوش لولاد الحلال حاجه