خليجى كويتى بضمان ؟؟؟مش فاهم

**M!SHO** · 20-02-2010 08:31 PM

هى فعلا" جايه من بورسعيد, فى ورقه كانت على العربية مكتوب فيها شركة المصريه بورسعيد ,, وبالنسبه لحكاية الضمان هى طلعت مصرى زى ما قال البشمهندس طارق
العربيه 2009 وتقريبا" كدا سبورت عشان مفيهاش فرش جلد و كانت ب 123 وادهالى ب 118 ...

**ahmed-moga** · 20-02-2010 09:00 PM

المشاركة الأصلية كتبت بواسطة hesham_7amza

هى فعلا" جايه من بورسعيد, فى ورقه كانت على العربية مكتوب فيها شركة المصريه بورسعيد ,, وبالنسبه لحكاية الضمان هى طلعت مصرى زى ما قال البشمهندس طارق
العربيه 2009 وتقريبا" كدا سبورت عشان مفيهاش فرش جلد و كانت ب 123 وادهالى ب 118 ...

السوبر اكشن او الأسبورت فيه منها العادي ومنها السام والسام بس اللي بيكون بفرش جلد وبيبقي زياده 3 الاف جنيه ربنا يباركلك فيها ويديلك خيرها ويكفيك شرها وبجد انت اخدتها بسعر حلو السعر ده كان فعلا في الخليجي اما في المصري كان بالسعر قبل ماينزلك في سعرها بس علشان فرق سنة الموديل ده احنا دخنا علي موديل 2009 وملقناش كله خلص ومتنساش تروح التوكيل حضرتك علشان صيانة ال1000 كيلو وخليهم يكشفوا عليها كويس ولوفيها ملاحظات خليهم يقولولك واحتفظ بالفاتوره بتاعةالشراء من المعرض ويكون مثبت فيها تاريخ الشراء بتاع السنه دية وربنا يباركلك فيها

**ahmed-moga** · 20-02-2010 09:16 PM

سؤال أخير ياباشا العربيه بجنوط 16وأسبويلر وفتحة سقف وفوانيس شبوره ولا من غير الكلام ده

**Moh.Fahmy** · 21-02-2010 12:41 AM

المشاركة الأصلية كتبت بواسطة tigernet

انا عربيى لانسر خليجى كويتى استلمتها كانت عملة 22 كيلو
820 ممكن تكون اتنقلة من معرض لمعرض
او اتبعت و رجعت

بالظبط 820 كتيييييييير جدا جدا انا بالفعل عربيتي كانت عاملة 20كيلو فقط نصيحتي لو تقدر تغير العربية غيرها لان 820 كيلو كتيير جدا جدا و تعتبر مستعملة لانك بكده فاضلك 100 و شوية و تعمل صيانة الالف
مجدي شاهين في اسكندرية بيدي ضمان 60000 الف او ثلاث سنوات و سمعت انه رفع الكيلوات الي 100000 الف كيلو

محمد فهمي

**M!SHO** · 21-02-2010 12:46 AM

المشاركة الأصلية كتبت بواسطة el931

اخى الفاضل مبروك السيارة وربنا يديك خيرها ويكفيك شرها
وانا شايف انك تحمد الله كثيرا ً لان العربية طلعت مصرية وليس خليجى كما قال لك صاحب المعرض (هو غير امين ) وطالما ان الورق طالع باسمك - على حد معلوماتى - يبقى مفيش حد اشتراها قبلك وسجلها وان كان 800 كيلوا دول كتير خالص تعنى العربية مشيت كتير قبل البيع
عموما ً لا تدع شىء يفسد فرحتك بالسيارة طالما ان شاء الله العربية مفيهاش حاجة ودة يخليك تبص عليها كويس وتجرب كل حاجة
وموضوع الضمان - من خلال تجربة لى فى اكثر من 30 معرض -
السيارات بمواصفات مصرية ضمانها 3 سنوات او 100000 كم الضمان بيكون معاها ومختوم
اما الخليجى ( الامارات دبى ) ضمان 3 سنوات او 60000 كم وايضا ً معها ضمان مختوم بختم الرواس وانا قبل استلام العربية اخذت الضمان وذهبت بة الى احد فروع الصيانة واتأكدت منة
اما اى خليجى أخر يتقال ان الضمان بيتباع فى الصالات فقيل لى " دة نصب " يعنى إنة يديلك ضمان على بنك امريكى تقريباً والبنك بيعمل ضمان مع فروع الشركة دة كلام فارغ ( كما قيل لى فالشركة )
واتقلى " احنا بنضمن عربياتنا فقط اللى احنا مستوردينها "
وفى كل الحالات بيكون كتاب الضمان موجود لانة بيجى من الشركة الام فاليابان المهم الختم علية من فين ؟؟؟؟
معلش ذكرت هذا ليستفيد منة باقى الاعضاء من خلال تجربتى
والف مبروك تانى عالعربية وياريت تاخدها صيانة الالف وتطمن عليها ان شاء الله

حضرتك مش متخيل أنا كنت مقلق اد ايه بس كلام المهندس طارق ربنا يخلييه وكلام حضرتك طمنى كتير وبالنسبه للضمان هى معها كتيب الخدمه ومختوم من المصريه والختم لونه احمر تقريبا"

**ahmed-moga** · 21-02-2010 12:59 AM

المشاركة الأصلية كتبت بواسطة hesham_7amza

استاذ احمد العربيه بجنوط 16وأسبويلر وفتحة سقف وفوانيس شبوره وفوانيس أماميه غامقه وخلفيه شفافه وكساحات وcd changer ووحدات رفع يعنى تقريبا" كامله ماعدا الفرش الجلد وانا ناوى اركبه بعد صيانة الالف ان شاء الله ..

يبقي كده اطمن ياباشا والعربيه سوبر اكشن وربنا يهنيك بيها ويباركلك فيها انا كان كل خوفي من انك تكون وقعت ضحيه لواحد من أصحاب المعارض معدومي الذمه والضمير وللأسف بقوا كتير اوي في الزمن ده ويكون بعلك 1600 عادي كلاسيك تقبل مني خالص تحياتي

**مصراوي جدا** · 21-02-2010 09:14 AM

الف مبروك العربية وباذن الله تكون زي الفل مفهاش اي مشاكل

هي سبورت مش سام (الفرق فقط الفرش الجلد والفوانيس عادية مش غامقة في السام)

المفروض ان الكاوتش 15 مش 16 (دي الجنوط الاسبور الأصلية بتاعتها )

وكذلك غريبة ان فيها وحدات رفع لأن كده يبقى المعرض هو اللي مركبها

سعر العربية موديل 2009 كان 124 ألف (والسام بفرش جلد 127 ألف) وحاليا موديل 2010 سعرها 130 ألف
وعلى كده 118 سعر كويس جدا

من آخر شهرين في 2009 ومع بداية نزول موديلات 2010 انتهت موديلات 2009 من التوكيل وبالتالي المعرض ده كان شاري العربية من قبلها او اشتراها من معرض تاني واتنقلت بين عدة معارض وده سبب الكيلو متر العالي انما هي بتيجي من بورسعيد لمخزن قليوب على تريلات ومش بتعمل اي كيلو متر الا بعد استلام سواق المعرض لها من مخزن قليوب
عموما كل ده كلام عادي ولا تفسد فرحتك بالعربية والف مبروك مرة تانية ولا تنسى الصيانات الدورية للمحافظة على الضمان (صيانة الألف الأولى ثم كل 10 آلاف)