مساعد ثبات السيارة vsa

**NoRmAl** · 24-02-2010 11:48 PM

بجد شكرا ليك جدا
شرح وافى و مميز جدا
وموضوع هايل جدا جدا

المشاركة الأصلية كتبت بواسطة horsepower

و بالمناسبة نظام ال vsa في هوندا موجود في سيارات أخرى يحمل إسم مختلف و لكن نفس الوظيفة ... مثلا:
Bmw يسمى dynamic stability control ... Dsc
alf romeo و subaru يسمى vehicle dynamic control ... Vdc
mercedes و معظم الشركات الأخرى يسمى electronic stability program ... Esp

سبحان الله كنت لسه هسألك أيه الفرق بينه و بين esp :))
متشكر مره تانيه
وربنا يكتر من المواضيع المميزه الى زى دى

**Horsepower** · 25-02-2010 12:08 AM

أهلا NoRmAl ... منور و مشرف هوندا.
والله سعيد بمرورك و شكرا لكلامك الحلو يا باشا.

**NoRmAl** · 25-02-2010 12:13 AM

المشاركة الأصلية كتبت بواسطة horsepower

أهلا normal ... منور و مشرف هوندا. :y_hi_3[1]:
والله سعيد بمرورك و شكرا لكلامك الحلو يا باشا.

يا سيدي القسم منور بأصحابه والشرف ليه
شكرا ليك

**Sameh** · 25-02-2010 06:04 PM

المشاركة الأصلية كتبت بواسطة fireoboss

-------------وكان نفسي أعرف كيف يكون تصرف السائق في هذه الحالات understeer or oversteer يعني هل يقوم بالضغط عالفرامل ام يترك فقط دواست البنزين وكيف يتحكم في الدركسيون ---------

فى حالة لو العربية مافيهاش أى نظام لتحسين الثبات :

لما العربية تعمل understeer ضرورى تحط رجلك على الفرامل عشان العربية ترمى لقدام والعجل الأمامى يتقل على الأرض وتعرف تقفل الدوران ومايفتحش منك وتلاقى نفسك خارج الطريق ، وفى الأثناء دى بتكسر الدركسيون مع الملف عشان تجبر العربية على الدوران مع المساعدة بالفرملة

أما فى حالة ال oversteer ضغطة الفرامل لازم تكون بحرص لأنها لو قوية هتزيد الطين بلة لأنها هتزود تماسك العجل الأمامى على حساب الخلفى وده هيخلى العربية (تخمس) يعنى تلف حوالين نفسها وتلاقى العربية لفت معاكسة للطريق يعنى وشها للى جاى من ورا ، فالمفروض إنك تسيب بنزين ولو العربية مارجعتش تانى للتراك بتاعها يعنى ضهر العربية يرجع يخش جوا مايحدفش لبرة زى ما بتشوف فى الأفلام الأمريكانى يبقا الفرامل بحرص شوية مش بقوة عشان تقدر تتحكم فى العربية وتكسر الدركسيون عكس الملف ، يعنى لو كنت بتاخد دوران شمال تكسر الدركسيون يمين فالعربية تاخد الملف وهى بتمشى بالعرض (الدريفت ده اسمه e brake) وبعدين التعريضة دى هى اللى هترجع الثبات للعربية لأنها بتخفض سرعة العربية جامد فى ثانية او اتنين بدون استعمال فرامل قوية

**Horsepower** · 25-02-2010 07:30 PM

المشاركة الأصلية كتبت بواسطة Sameh

فى حالة لو العربية مافيهاش أى نظام لتحسين الثبات :

لما العربية تعمل understeer ضرورى تحط رجلك على الفرامل عشان العربية ترمى لقدام والعجل الأمامى يتقل على الأرض وتعرف تقفل الدوران ومايفتحش منك وتلاقى نفسك خارج الطريق ، وفى الأثناء دى بتكسر الدركسيون مع الملف عشان تجبر العربية على الدوران مع المساعدة بالفرملة

أما فى حالة ال oversteer ضغطة الفرامل لازم تكون بحرص لأنها لو قوية هتزيد الطين بلة لأنها هتزود تماسك العجل الأمامى على حساب الخلفى وده هيخلى العربية (تخمس) يعنى تلف حوالين نفسها وتلاقى العربية لفت معاكسة للطريق يعنى وشها للى جاى من ورا ، فالمفروض إنك تسيب بنزين ولو العربية مارجعتش تانى للتراك بتاعها يعنى ضهر العربية يرجع يخش جوا مايحدفش لبرة زى ما بتشوف فى الأفلام الأمريكانى يبقا الفرامل بحرص شوية مش بقوة عشان تقدر تتحكم فى العربية وتكسر الدركسيون عكس الملف ، يعنى لو كنت بتاخد دوران شمال تكسر الدركسيون يمين فالعربية تاخد الملف وهى بتمشى بالعرض (الدريفت ده اسمه e brake) وبعدين التعريضة دى هى اللى هترجع الثبات للعربية لأنها بتخفض سرعة العربية جامد فى ثانية او اتنين بدون استعمال فرامل قوية

الله ينور يا سامح باشا

... ما شاء الله أهي دي الطريقة إللي تخلي الواحد يستغنى عن ال VSA طلما بيعرف يعمل إللي بيعمله ال VSA

**fireoboss** · 25-02-2010 10:13 PM

المشاركة الأصلية كتبت بواسطة Horsepower

شكرا لك ... نظام ال VSA بيغنيك عن أي تدخل للمحافظة على إتزان و دقة توجيه السيارة ... يعني لا يمكن حدوث لا Understeer ولا Oversteer مع عمل ال VSA.
مع ال VSA يمكن لأي سائق حتى لو مبتديء التحكم الكامل بالسيارة بكل سهولة على سرعات عالية.
إن شاء الله لا يمكن أن تنقلب السيارة أو حتى يرتفع العجل عن الأرض مهما كانت خطورة المنحنى و مهما كانت السرعة عالية ... ولكن ملحوظة مهمة جدا جدا أرجو الأخذ بالإعتبار أن نظام ال VSA لا يتعامل مع الحركة الناتجة عن قوة على المحور العمودي على الأرض (يعني المطبات) ... ربنا يسترها مع الجميع.
و بالمناسبة نظام ال VSA في هوندا موجود في سيارات أخرى يحمل إسم مختلف و لكن نفس الوظيفة ... مثلا:
BMW يسمى Dynamic Stability Control ... DSC
Alf Romeo و Subaru يسمى Vehicle Dynamic Control ... VDC
Mercedes و معظم الشركات الأخرى يسمى Electronic Stability Program ... ESP

Thanx ya pasha :)
شكرا للإجابة السريعة وبجد إنت عامل موضوع محترم وإنت كده هتشجعني أجيب vti عشان الموضوع ده بس ربنا يكرمنا بالكاشات

**fireoboss** · 25-02-2010 10:32 PM

المشاركة الأصلية كتبت بواسطة Sameh

فى حالة لو العربية مافيهاش أى نظام لتحسين الثبات :

لما العربية تعمل understeer ضرورى تحط رجلك على الفرامل عشان العربية ترمى لقدام والعجل الأمامى يتقل على الأرض وتعرف تقفل الدوران ومايفتحش منك وتلاقى نفسك خارج الطريق ، وفى الأثناء دى بتكسر الدركسيون مع الملف عشان تجبر العربية على الدوران مع المساعدة بالفرملة

أما فى حالة ال oversteer ضغطة الفرامل لازم تكون بحرص لأنها لو قوية هتزيد الطين بلة لأنها هتزود تماسك العجل الأمامى على حساب الخلفى وده هيخلى العربية (تخمس) يعنى تلف حوالين نفسها وتلاقى العربية لفت معاكسة للطريق يعنى وشها للى جاى من ورا ، فالمفروض إنك تسيب بنزين ولو العربية مارجعتش تانى للتراك بتاعها يعنى ضهر العربية يرجع يخش جوا مايحدفش لبرة زى ما بتشوف فى الأفلام الأمريكانى يبقا الفرامل بحرص شوية مش بقوة عشان تقدر تتحكم فى العربية وتكسر الدركسيون عكس الملف ، يعنى لو كنت بتاخد دوران شمال تكسر الدركسيون يمين فالعربية تاخد الملف وهى بتمشى بالعرض (الدريفت ده اسمه e brake) وبعدين التعريضة دى هى اللى هترجع الثبات للعربية لأنها بتخفض سرعة العربية جامد فى ثانية او اتنين بدون استعمال فرامل قوية

شكرا يا اخ سامح على على الطريقة المانيوال دي :)
بس خلي بالك إنت نسيت تقول أهم حاجة في الوصفة دي وهو الثبات الانفعالي لإن فعلا بالذات في حالة الoversteer الواحد بياخد قرارات انفعالية في كسر من الثانية وممكن تكون نتايجها سيئة واسأل مجرب وربنا يكفينا شر الطريق

**Sameh** · 26-02-2010 06:19 AM

المشاركة الأصلية كتبت بواسطة fireoboss

شكرا يا اخ سامح على على الطريقة المانيوال دي :)
بس خلي بالك إنت نسيت تقول أهم حاجة في الوصفة دي وهو الثبات الانفعالي لإن فعلا بالذات في حالة الoversteer الواحد بياخد قرارات انفعالية في كسر من الثانية وممكن تكون نتايجها سيئة واسأل مجرب وربنا يكفينا شر الطريق

مظبوط كلامك فعلاً فى ال oversteer بالذات محتاج تبقا (حافظ) انت هتعمل أوتوماتيك بدون تفكير ، انا جربت الموضوع ده كذا مرة فى حتة فاضية ، ممكن تخلى العربية تعمل أوفرستير بإنك تجرى شوية 70-80 مثلاً وتشد فرامل اليد كلها فجأة مع كسر الدركسيون سنة بسيطة ، هتلاقى العربية بتحدف بضهرها والعجل اللى ورا بدأ يتحرك بالعرض ، لو كملت على الدركسيون مع شد الفرامل هتخمس بس حاول بقا ترجعها تانى فى جزء من الثانية قبل ما تخمس بلف الدركسيون عكسى ومحاولة السيطرة من جديد
بس فى حتة فاضية الله يخليك عشان أول كام مرة مش بتظبط معاك لحد ما تحفظها

شوف الفيديو ده
[youtube]http://www.youtube.com/watch?v=UyG0mWtcp6Y[/youtube]

**Horsepower** · 26-02-2010 03:42 PM

تصحيح
أعتذر عن الخطأ الغير مقصود.

الجزء ده غير صحيح
"عندما يحدث إنزلاق للعجل الأمامي نحو الخارج (Understeer) يقوم نظام VSAبتقليل القدرة الخارجة من المحرك على العجلة الأمامية الداخلية للمنعطف و إذا لم يكن كافياً يتم فرملة هذه العجلة مما يولد عزم مساوى و معاكس في الإتجاه للعزم المسبب لإنزلاق العجل الأمامي نحو الخارج حول مركز ثقل السيارة و من ثم إبقاء السيطرة على السيارة و تحقيق التوجيه المطلوب."

الصح
"عندما يحدث إنزلاق للعجل الأمامي نحو الخارج (Understeer) بسبب أن العزم الأساسي لتوجيه السيارة غير كافي يقوم نظام VSAبتقليل القدرة الخارجة من المحرك على العجلة الأمامية الداخلية للمنعطف و إذا لم يكن كافياً يتم فرملة هذه العجلة مما يولد عزم إضافي و في نفس الإتجاه للعزم الأساسي و بالتالي الحصول على العزم المطلوب و من ثم إبقاء السيطرة على السيارة و تحقيق التوجيه المطلوب."

**rehan71** · 26-02-2010 09:50 PM

بجد شرح جميل جدا وشكرا على الموضوع الممتاز ده وبارك الله فيك
معلهش أنا لى سؤال
أنا معايا سيفيك vti 2009 وكنت عايز أعرف حاجه هو النظام ده بيشتغل امتى وعند سرعه معينه ولا أإى سرعه وازاى أحس انه شغال أصلى مره كنت ماشى فى شارع صلاح سالم وخدت ملف فجأه على سرعة 100 أو 110 كم تقريبا وما حسيتش بفرق خالص لا العربيه تقلت ولا حتى الدريكسيون تقل وأنا اللى اضطريت أهدى لانى حسيت ان العربيه خفيفه