سوال للمهندس طارق وكل لنسراوى

**ahms10** · 24-02-2010 09:14 PM

السلام عليكم
كان عندى استفسار يا جماعة انا عندى لانسر بومة خليجى 1300 2006 gl عندى الكنبة بدون مسند فى النص ولفيت فى الحرفين سالت عليها لقيت انى الكنبة ام مسند بتعمل فى حدود 500 جنية فعجبنى سعرها وكنت عايز اجبها بس فى استفسار هل لو جبتها تركب عندى عادى علطول يعنى نفس المسامير وكل حاجة ولا اة؟؟؟ يعنى هحتاج اة بعد ما اجبها عشان اركب رجاء التفصيل فى الرد ولو امكن صور لاماكن الصواميل والمسامير والليلة دى عشان نفسى اعمل الموضوع دا عشان بتفرق جامد جدا فى الراحة والشكل وهل هتبقة شغالة تمام يعنى الكنبة هتضم زى ال glx عادى ولا هيبقة فى اختلاف ولا اة رجاء ذكر كل حاجة والف شكر مقدما
سلام عليكم

**أبو إياد** · 25-02-2010 08:36 AM

بتركب عادى جدا ومافيش اى مشكله وهى عباره عن حاملين من فوق و3 مسامير من تحت المقعد ده بالنسبه طبعا للظهر بس ده بيكون 4 قطع
عاوز اعرف منك بقا السعر ده للظهر والمقعد ولا الظهر فقط ؟

**mohamedway** · 25-02-2010 03:30 PM

المشاركة الأصلية كتبت بواسطة ahms10

بصراحة يا باشا انا مش فاهم حاجة هوا دا سعر الظهر بس انا عايز اغير الظهر فقط لانى المقعد هوا هوا واحد فى كل العربيات الظهر بس هوا الى بيبقى مختلف انا عندى العربية كنبة عادية من غير مسند فى النصف بتاع الظهر ومش متقسم زى بتاع ال glx كلة حتة واحدة اة حوار 3 مسامير والكلام دا وهل عندى انا مكان المسامير دا فى العربية ولا لازم اخرم وهل فى حوامل لازم اشتريها مع ظهر الكنبة ولا اة الكلام ؟

هل أصلا الصالون مفتوح على الشنطة و للا فيه فاصل صاج ورا الكنبه؟؟؟؟

لأن كنبة الglx بتتفتح عشان توسع الشنطه مع الصالون و خلف ظهر الكنبه مفتوح على الشنطة....

وفيه قفلين للجزئين بتوع ظهر الكنبه و ليهم زرارين بتدوس عليه عشان تفتح الكنبه و القفل ده ليه لسان حديد مثبت فى البودى بتاع العربيه زى قفل الشنطة كده........... لازم تتأكد الأول ان كل ده متاح انك تجيبه و تركبه بدون ما تعدل فى العربيه. (إجمالى أجزاء الظهر 4 ) 2 رئيسيين بيتفتحوا وواحد منهم أكبر شويه و فيه المسند اللى بيبقه فى المنتصف و فيه 2 جزء صغيرين فى الجانبين متعلقين فى مشقبيتين و مربوطين بمسمار من تحت.

**ahms10** · 25-02-2010 03:52 PM

كل دا كلام جميل انا عندى لما اعخلع المقعد بلاقى فعلا الظهر متركب من خلال مشكبين فى الطرفين من تحت يعنى الحتيتين الى جمب البيبان علطول دول من نهايتهم من تحت ناحية المقعد فى زى ودنين كدا بمسمارين بس على كدة ولما بشيل الظهر خالص بلاقى شبكة بلاستيك كدة بكلبسات طبعا ممكن تتخلع بسهولة بتبص على الشطنة بس طبعا فى صاج فى الطرفين جدا اة حكاية بقة الاقفال دى بتمسك فين وكدة يعنى هل هتبقة شغالة عندى ولا اة الكلام انا عارف انها بتنطوطى وفاهم الكلام دا كويس والاجزاء وكدا بس طريقة التثبيت هى الى مختلفين فيها كدا اتفقنا فى حتيتين من الاربع قطع الى هما على الطرفين هيركبوا عادى عندى فاضل الحتيتين الى واحدة كبيرة فيها المسند والتانية الزراير دى القفل بتاهم بيبقة عامل ازاى وبيقل ازاى هل فعلا ليهم لوك زى الشنطة ولا يدوبك بيفاش فى الصاج كدة ولا اة واة طريقة تثبيتهم اصلا علما انى عندى الكنبة حتة واحدة فا مفيش اى مسامير مسكاهم غير الى فى الطرفين تحت دول بس هل هتحتاج اخرم مثلا او حاجة ولا اة الكلام

**marwan_147** · 26-02-2010 01:51 PM

ملهاش لازمة لان لو حبيت تبيع مش حتلاقى اى زيادة بل على العكس

**ahms10** · 26-02-2010 03:02 PM

دا لنفسى عشان عايز اركب فرش جلد وقبل ما اركبة عايز اجيب الكنبة مش بفكر فى البيع خالص انا عايزها لانها بتدى منظر حلو اوى وكمان راحة بفرق كبير وسعرها فى المعقول يعنى

**ahms10** · 28-02-2010 12:59 AM

اة يا جماعة انتوا نسيتونى ولا اةةة؟

**ahms10** · 28-02-2010 12:49 PM

عايز اجيب الكنبة يا رجالةةةةةةةةةةةةةةةةة

**مصراوي جدا** · 28-02-2010 01:24 PM

انا سألت مهندس السمكرة والدهان في التوكيل وقال لي مش هينفع لأن فيه قواعد بمسامير ودي مش موجودة في العربية الا لو جابها وركبها او لحمها انما هي مش موجودة جاهزة في العربية الـ gl