سوال للمهندس طارق عن صيانه 80000

**lci_com** · 09-02-2008 12:14 PM

عندى لانسر 2006 مصرى عمله 76000 كيلو وبفكر ابيعه واشترى جديد فهل ممكن صيانه 80الف تتاخر لاكثر من 80 لحد مابيعها على اثاث ان تكلفتها اكثر من 2200 جنيه ولا ضرور ى اعملها عند 80 عشان سير الكتينه وياريت تكلفه سير الكتينه لوحده ولو عند حضرتك فكرة عن الثمن الا ممكن تتباع بيه هى بحاله المصنع ماعد بعض الخدوش البسيطه ارجو الرد للاهميه

**مصراوي جدا** · 09-02-2008 02:34 PM

طبعا مفيش مشكلة ان تغيير سير الكاتينة يتأخر شوية عن الـ 80 ألف انما رجاء ابلاغ المشتري انه المفروض يعملها علشان ميحصلش ضرر للعربية وحضرتك بتقول انها ما شاء الله لسه بحالتها

هو سير الكاتينة مش بيكون لوحدة بيكون مع وشداد وبلية (رولمان بللي) وتكلفتهم التلاتة مع التغيير حوالي 1000 جنيه انما باقي التكلفة بتكون لباقي أعمال الصيانة وهي من الصيانات التقيلة (الأولى صيانة الأربعين وبعدين التمانين) علشان فيه حاجات كتير بتتغير كل أربعين ألف ، انما الصيانات الأخرى تكلفتها اقل من كده بكتير

بخصوص السعر فحضرتك ممكن تفتح موضوع في منتدى البيع والشراء وتسأل عن سعرها المقترح بس حدد حضرتك الحالة بوضوح : الأول 1300 ولا 1600 ومانوال ولا اوتوماتيك والكماليات اللي فيها