شاكر لك استاذ حسين
بالنسبة لتجربتي مع القيادة كالتالي :
انا مقيم بالسعودية ودخلت مدرسة للتعليم وكانت مدة الدراسة 30 حصة تم التدريب فيها بداية على التحرك بالسيارة بدون بنزين ثم مرحلة السير ببنزين وتم تعلم الطلوع على الكوبري والدوران حول دوار على شكل حرف تمانية الانجليزي وتعلم الدخول على شكل حرف اكس وده بيعلم الرجوع للخلف
بالنسبة لطلوع الكوبري علشان العربية ماتريحيش على العربيات اللي في الخلف طبعا بنرفع فرامل اليد وبامور العربية .. طيب لما نيجي نتحرك نعمل ايه ؟؟؟؟؟؟؟؟؟؟
باضغط دبرياج للاخر وبانقل على الاول وبافضل ضاغط دبرياج وباضغط بنزين في نفس الوقت لما مؤشر لفات المحرك يوصل لرقم 2 اثبت رجلي على البنزين وابتدي ارفع دبرياج وفي نفس الوقت بانزل فرامل اليد على طول العربية بتتحرك من غير ما توقف او ترجع لورا .
مع خالص التحية لكل الاعضاء وللاستاذ حسين بصفة خاصة