اسلام باشا
الف شكر على المعلومات القيمة بالنسبة للسبورت مود
وريحت قلبى ربنا يريح قلبك بالنسبة للشاشة
وربنا يخليكوا ومنتحرمش منكم
عرض للطباعة
اسلام باشا
الف شكر على المعلومات القيمة بالنسبة للسبورت مود
وريحت قلبى ربنا يريح قلبك بالنسبة للشاشة
وربنا يخليكوا ومنتحرمش منكم
اسلام باشا
مشكور مرة ثانية على معلومة زرار الهولد مود والله انت ابن حلال كنت ناوى ااسئل عليه
وفعلا عندى التابلوه يقفل بمفتاح العربية بس معلومة هايلة حكاية تحويله الى شبه تلاجة
الله ينور عليك
ياريت تكمل جميلك انا نفسى اعرف كل زراير التابلوه اللى قدامى فى اول تكه قبل التدوير
الاقى امامى حوالى 8 ازرار بتو ينوروا بتو ع ايه ؟؟؟
وياريت لو فيه صورللعدادات للشرح
وازاى استعمل الانوار الواطى والعالى ونور الصالون ونور الشبورة
انا أسف حصدعكم معاى بس اوعدكم حبقى اذاكر كويس
اسف للآزعاج
ربنا يديكم الصحة والعافية
الانوار اللي بتنور
1-لمبه البنزين دي بتنور ثواني وتفصل ودي عقبال ماالطرمبه تحضر بنزين ولو نورت وانت ماشي اعرف انك لازم تمون علشان التانك تقريبا فيه 7 لتر وقبل ماالبنزين يخلص خالص لما يكون ف يالعربيه لتر ولا حاجه هتلاقيها بتنور وتطفي علي طول
2- لمبه ال abs وده نظام الفرامل المانعه للأنغلاق وده لو نور والعربيه شغاله اعرف انه فيه حاجه بايظه في النظام ده وياريت تكشف كومبيوتر عشان تعرف العيب فين
3-لمبه الزيت ودي موجوده في كل العربيات وطبعا حضرتك عارف معناها
4- لمبه البطاريه ودي بتنور لما يبقي الدينامو مابيشحنش او البطاريه عاوزه تتغير او لما سير الدينامو يتقطع
5- لمبه التشيك ودي مهمه جدا ودي بتبقي جنب لمبه البطاريه وبتبقي لونها اصفر وفيها زي رسمه موتور وعليه علامه كهرباء كده
ودي بتقولك روح اكشف علي العربيه علي الكومبيوتر علشان فيه خطاء حصل في قراءه احد الحساسات وطبعا ده لو فضلت منوره والعربيه دايره
6-لمبه الهاند بريك (فرامل اليد )ودي بتنور لما تبقي رافع فرامل اليد
طاما العربيه اوتوماتيك هتلاقي لمبتين زياده عن العربيات العاديه
1-لمبه عباره عن ترس وجواه حرف s ودي بتاعت ال sport modeولما تنور يبقي انت مغل الاسبورت مووووووووود
2-لمبه عباره عن مربع اصفر ودي بتبقي تحت شاشه المعلومات وفيها ترس اصفر وجواه علامه تعجب دي بقي بتقولك ان فيه حاجه غلط في الفتيس ولازم تقف وتشوف فيه ايه
ومن الطبيعي ان كل اللمبات دي تنور مع التكه اللي قبل الكونتاكت وبعد كده هتلاقيهم بيطفوا اول ماتشغل العربيه
اسلام باشا
مش عارف اقولك ايه ربنا يستر طريقك ويقدرك على فعل الخير
سؤلين
الاول = الكشف عن طريق الكمبيوتر بيوضح ايه بالنسبة للعربية
الثانى= اين اكشف على العربية بالكومبيوتر هل بالتوكيل ولا محطه بنزين ولا ايه؟؟؟؟
وسؤال اخر ظبط هواء على كام 28 ولا 26
وحكاية الملء بالهواء اوشيء اخر ناسى اسمه
متشكرين ياباشا علي الدعوات الجميله دي
وحضرتك اسأل زي ما انت عاوز ولا يهمك
بالنسبه لضبط الكاوتش اضبطه علي 28 وهتلاقي المقاسات مكتوبه علي غطاء التانك من جوه اول ماتفتحه
وملئ الاطارات بالنيتروجين ماجربتهوش علشان ماعندناش منه في الصعيد
اما بالنسبه للكشف علي الكومبيوتر ده بيبقي اما في التوكيل او اي كهربائي بيكون عنده جهاز كشف الاعطال بس يستحسن تروح لواحد فاهم قولنا انت ساكن فين والناس هتدلك علي اقرب مكان وسعر الكشف من 20 الي 60 جنيه حسب المكان والكشف بيبينلك قراءه الحساسات عامله ازاي وايه الحساسات اللي قرايتها ضعيفه وعاوزه تتغير او قربت تتغير وايه المشكله اللي خلت لمبه التشيك او لمبه ال abs او لمبه الفتيس تنور
مشكور اسلام باشا على النصايح
انا عندى لمبة ال abs بتنور بعد 5 دقائق
انا ساكن فى اخر فيصل عند النفق الجديد بتاع الشيخ الشعراوى
وشكرا مقدما
تقريبا اقرب واحد ليك عبدالله اوبل وده في المريوطيه واستني باقي العصابه شوف هتقولك ايه وكده فيه حاجه عندك ف ينظام ال abs مش شغاله مظبوط ممكن يكون حساس عاوز يتنضف او سلكه فاصله ماتقلقش
كنر الف خيرك اسلام باشا
وانا فى انتظار نصائح الاخوة وشكرا لكم جميعا
بصراحى معكم ابتديت احس بالامان كتر خيركم
العفو يا باشا