الموضوع: ياريت اهل الخبرة يفديونااا- بخصوص التأمين ضد السرقة

يا جماعه محدش يتعب نفسة فى حوارات الهاى تك نهائى لأننا فى مصر أم الدنيا يعنى ممكن ده يطبق على سنة 3007 مش 2007

طب إيه الحل :
-=-=-=
1- ركب إنذار
2- ركب عكاز كلبش (مابين الطارة و دواسة الفرامل أو البنزين)
3- ركب زرار فصل موبينه فى حته صعب توقعها و إوعى تعرف حد مكانه
4- غطى العربية بليل
5- متوقفش عربيتك فى حته مظلمة أو مقطوعه

---------------------------------------------

كل ما كانت العقبات أكثر كل ما الحرامى فكر كثير أوى قبل ما يقرب من العربية لأن العقبات دى كلها هاتاخد منه وقت و لفت نظر أى حد معدى فليه يروح لعربية صعبه إلا لو كان مفيش غيرها :)

المشاركة الأصلية كتبت بواسطة memo_hefnawy

يا جماعه محدش يتعب نفسة فى حوارات الهاى تك نهائى لأننا فى مصر أم الدنيا يعنى ممكن ده يطبق على سنة 3007 مش 2007

طب إيه الحل :
-=-=-=
1- ركب إنذار
2- ركب عكاز كلبش (مابين الطارة و دواسة الفرامل أو البنزين)
3- ركب زرار فصل موبينه فى حته صعب توقعها و إوعى تعرف حد مكانه
4- غطى العربية بليل
5- متوقفش عربيتك فى حته مظلمة أو مقطوعه

---------------------------------------------

كل ما كانت العقبات أكثر كل ما الحرامى فكر كثير أوى قبل ما يقرب من العربية لأن العقبات دى كلها هاتاخد منه وقت و لفت نظر أى حد معدى فليه يروح لعربية صعبه إلا لو كان مفيش غيرها :)

مش معنى اننا في مصر يبقى نقفل عنينا ونسد ودنا عن الهاي تك . لأن الهاي تك ده شغال في مصر ومتاح أيضا بس بأسعار خياليه . لأن للأسف الشديد الذي يبيع حاجه فيها تكنولوجيا بيبعها لناس لسه السنس التكنولوجي عندهم ضعيف علشان كده كل واحد عايز يبيع حاجه اكتر من ثمنها بأضعاف علشان المكسب فقط ( مش علشان ينشر التكنولوجيا وسط الشعب المصري )

الواحد بجد بيتمنى ان التكنلوجيا تبقى متاحه بأسعار قابله للتعامل معها مش أسعار الواحد يبعد عنها . وعلى فكره كل ده بسبب أخونا اللي في الجمارك اللي مش عارفين أي حاجه وأول مايشوف حاجه جديده عليه يروح حاطط عليها جمارك كتير بحيث يخليلك تفكر ألف مره قبل ما تبعت أو تشتري أي حاجه فيها تكنلوجي من بره

للأسف الشديد الناس من صغيرها لكبيرها بيستخدموا التكنولوجيا بره بشتى أنواعها ونحن هنا في مصر شغالين بالطرق التقليديه

كلامك سليم يا محمد باشا بس أنا لما ذكرت إن نشيل الحلول الهاى تك من الحلول المطروحة لأننا فى أم الدنيا .... كنت أقصد لأن الحل المطروح هو حل مطلوب من الحكومة و ما أدراك ما الحكومة .... يعنى لو طلبت منهم أصلا ...ولا بلاش إنت طبعا عارف و أنا عارف

لكن لو بنتكلم عن حلول فى إيدينا إحنا دى قصة تانية