هل التييدا غير ثابته عالطريق ؟

**Ash** · 14-03-2010 11:23 AM

انا معايا تيدا 2008 سيدان
العربية ثباتهما ممتاز لحد 140
اكتر من كده لو انت ماشى على طريق الساحل مثلاً و الهوا جامد هتحس انها خفيفة وانك مش متحكم فيها
انا عن نفسى كنت بجربها بس........لكن مش بحب امشى على سرعات عالية و اكتر سرعة ممكن امشى بيها 120.....علشان كده مش شايف ان ده عيب فيها
لكن واحد قريبى غاوى 160 و 180 و السرعات الغريبة دى......مانبسطش منها خالص
بس ده مش هينبسط من الفئة دى على الطلاق
العربيات اللى تبقى وحش على الطريق فى السرعات الجنونية هى الفئة اللى بتبدى بالجيتا و الباسات و الفئات الاعلى من الالمانى

**ahmad--ezzat** · 14-03-2010 11:27 AM

المشاركة الأصلية كتبت بواسطة ash

انا معايا تيدا 2008 سيدان
العربية ثباتهما ممتاز لحد 140
اكتر من كده لو انت ماشى على طريق الساحل مثلاً و الهوا جامد هتحس انها خفيفة وانك مش متحكم فيها
انا عن نفسى كنت بجربها بس........لكن مش بحب امشى على سرعات عالية و اكتر سرعة ممكن امشى بيها 120.....علشان كده مش شايف ان ده عيب فيها
لكن واحد قريبى غاوى 160 و 180 و السرعات الغريبة دى......مانبسطش منها خالص
بس ده مش هينبسط من الفئة دى على الطلاق
العربيات اللى تبقى وحش على الطريق فى السرعات الجنونية هى الفئة اللى بتبدى بالجيتا و الباسات و الفئات الاعلى من الالمانى

تصدق وتؤمن بأيه....(قول لا اله الا الله)
انا معايا النوبيرا جامده جدا جدا واجمد من الصنى فى الثباات...واعمل بيها اللى انت عاوزه على 160 و170.....
الجين 2 ملاكها بيقولو انها ممتازه....والفيات لينيا كمان جمده....فى عربيات كتير رائعه واقل من الجيتا والباسات

**bona** · 15-03-2010 09:48 PM

العربيه ممتازة يا جماعة ... انا بجيب ال 140 طبعن محدش محتاج يجيب اكتر من كده ... و ثابتة بدرجة مرضيه جدا ... مقارنه بغيرها احسن ميت مرة من الايلنترا و السيراتو و ... و الباور ممتاز جدن بردو

**Hamada_sheble** · 19-03-2010 02:17 PM

المشاركة الأصلية كتبت بواسطة alhamza

يعني ايه لو الكاوتشات منفوخه زياده هتفرق يعني احسن ولا اوحش

العربيه بتبقي طايره طبعا و مش ثابته خالص و بتحس انها بتتزحلق عالارض، و صوت الكاوتشات صوته بيعلي و انت ماشي، لازم تتأكد ان الكاوتشات متظبطه كويس.

**Hamada_sheble** · 19-03-2010 02:22 PM

المشاركة الأصلية كتبت بواسطة ahmed_nubira

تصدق وتؤمن بأيه....(قول لا اله الا الله)
انا معايا النوبيرا جامده جدا جدا واجمد من الصنى فى الثباات

انت جبت العربيه اللي مينفعش تتكلم فيها في الموضوع ده خالص، قريبي كان مهندس في مصنع دايو اللي في 6 اكتوبر معروف عندهم ان النوبيرا بتعوم جامد، اكتر من اللانوس كمان، واحد صحبي عدا ما بين تريللا و الرمل بيقلي لمست الرمل بس اتقلبت 4 قلبات، انا بقولك كده عشان تاخد بالك بس، ربنا يستر طريقك و طريقنا.

**Hamada_sheble** · 19-03-2010 02:31 PM

علي فكره الهاتش باك من السيدان تفرق في الستابيليتي و اللي فيها جنط و اللي مفهاش تفرق برده

**scorpion_81** · 21-03-2010 01:40 PM

انا من عشاق الجميلة تيدا......
بصراحة يا جماعة العربية معايا بقلها سنة بس العربية ثبتها جيد جدا و لكن ليس ممتاز , بمعنى انا جبت بيها 180 و بصراحة العربية كانت ثابتة على الطريق لا بتحدف و لة حاجة بس لما بتيجى شوية هواء جامدين على الطريق السريع بتحدف و اعتقد ان دة طبيعى فى اى عربية و الباور الكهرباء ملوش اى دعوة.. و شكرا

**Elsayed** · 21-03-2010 04:27 PM

هى فعلا ثابته ولكن لانها مرتفعه عن الصنى مثلا او غيرها فتاثير الهواء بيكون اكبر

**yasoxp** · 21-03-2010 10:46 PM

المشاركة الأصلية كتبت بواسطة scorpion_81

انا من عشاق الجميلة تيدا......
بصراحة يا جماعة العربية معايا بقلها سنة بس العربية ثبتها جيد جدا و لكن ليس ممتاز , بمعنى انا جبت بيها 180 و بصراحة العربية كانت ثابتة على الطريق لا بتحدف و لة حاجة بس لما بتيجى شوية هواء جامدين على الطريق السريع بتحدف و اعتقد ان دة طبيعى فى اى عربية و الباور الكهرباء ملوش اى دعوة.. و شكرا

+111111111111111111

**Hamada_sheble** · 23-03-2010 10:31 PM

ماهو حوار الهوا ده في اي عربيه، الcivic اكتر عربيه ثابته تقريبا في الياباني و فيها الحوار ده، عشان دي حاجه physically لازم تحصل، بس ببختلف الاحساس بيها من عربيه لعربيه.