انا مثلا بالنسبالى الهوندا سيتى افضل من السيراتوا ....
يكفى انها هوندا .
وكمان 1500 يعنى طلقة واسرع من السيفيك كمان واسالوا الناس الى جربتها .
طبعا المشترى الى بيدور وبيبحث عن حجم وعن مساحة وعن حاجة عائلية ....
دا دماغ تانية ....
لكن انا كشاب احب العربية تكون اصغر وتكون اكثر سرعة واكثر ثبات ...
الصراحة السيتى عجبانى جدا ...
الياريس مظلومة عشان مش 1500 ....(نفسى ابدلها ب ال 1500 )
فى البولو الجديدة الى لسه هتنزل هتبقى تحفة
والا الفورد فييستا اقسم بالله لو واحد فيكم ساق الفورد فييستا مش هيردى ينزل منها
متعة فى القيادة لا توصف .
عموما انا هيونداى وكيا والصينى كله مغضوب عليه بالنسبالى ...
وترتيبى للسياراات زى ماقلت كده (بلاش الامريكى نحطه )
المانى انجليزى ايطالى فرنساوى اوروبى بشكل عام .....
بس طبعا مرسيدس وبى ام على القمة وبعدهم فولكس الرائعة واوبل (الى مش عارف جرالها ايه )
طب بذمتكم
دلوقتى تشترى سيراتوا كاملة ب 130 الف
والا اوبل استرا الى ب 130 ؟؟؟؟
والا تشترى فيات برافوا اوتوماتيك تيربوا 120 حصان وب 130 الف !!! ؟؟؟
والا تجيب مازدا 3 ؟؟
والا تويوتا كورولا (بالفتيس الجديد )؟
والا فورد فوكاس ؟؟
والا جراند بونتو تيربو ؟؟
والا بيجو 307 او 207 ؟؟
والا والا والا هقول ايه والا ايه .
السيراتوا او الالنترا ميدفعش فيهم اكثر من 100 او 105 كده على اقصى تقدير.
المفضلات