الموضوع: هل الفلونس كوريه؟

المشاركة الأصلية كتبت بواسطة bukla;3872412096
[SIZE=4

ثانيا هى يعنى لو كانت كورية حاجة عيب و لازم يخبوها طب ما كانت الشركة حتقول انها كورية خصوصا ان اسعارها مش غالية قوى بل ارخص من عربيات كورية زى السوناتا مثلا[/SIZE]

يا اخ bukla الفلونس مش من فئه السوناتا ..السوناتا 2000 سي سي الفلونس من فثه السيراتو والانترا والكروز . وبالطبع مش عيب لو طلعت كوري .. القصد من الموضوع هو تحديد هويه السياره للحكم على سعرها . هل نعتبرها سياره اوروبيه فالحاله دي يكون سعرها ممتاز . اما لو وصلنا انها غير اوروبيه وطبعا مش يابانيه يبقى كده هنقارنها بالكوريات وفالحاله دي ليه يكون سعرها اعلى منهم؟

المشاركة الأصلية كتبت بواسطة neversighs

أنا مش بشمهندس ولا انا بهرج - عيب -
الموضوع كلو في أطار التساؤل وانا من المعجبين بالسياره والغرض من الفكره هو الحكم على السعر مش التشكيك فالسياره . مفهوم؟

لا مش مفهوم و سوالك مش سوال اصلا

المشاركة الأصلية كتبت بواسطة wawoo

انت جبت منين ان معظم اجزاء السيارة كورية دى ...!!!

السيارة تصميم رينو فى الاصل ..لانه كتير من اجزئها من الميجان 3 الفرنسية ...
الفلوينس و الميجان 3 اللى نازلة عندنا دى اجزاء كتير منها متصنعة و مكونات تركية بالاضافة للاجزاء المهمة زى الموتور و الفتيس و كدة اللى بتتصنع فى فرنسا .

الفلوينس تصميم و اصل فرنسى من رينو و هى شكل الميجان 3 بس فى اطار سيدان ..زى ما عملو فى الميجان السابقة لكن هذة المرة غيرو الاسم عشان تحتفظ الميجان الاصلية بأسمها "زى الجولف و الاسترا كدة "

اما النسخة الكورية فهى نفس التصميم بس بمكونات كورية ..الله اعلم بقى نفس الموتور او فيها مكونات فرنسية ام لا ... بس دى مش حتوصل مصر لانها موجة لسوق الشرق الاقصى ..و لان مصنع تركيا اقرب لمصر ."لية يلفو اللفة الطويلة دى "

ملحوظه اضافيه للرد على حضرتك :
الفلونس مش تصميم رينو فالاصل .. بالعكس الفلونس اصلا تصميم شركه سمسونج الكوريه ورينو اخدتو منها بتعديل فالشبكه الاماميه .
كمان لو دخلت على موقع رينو العالميه هتلاقيهم مفسمين سياراتهم ل 3 مجموعات
سيارات رينو - سيارات رينو داتشيا ومنهم اللوجان - سيارات رينو سمسونج ومنهم الفلونس
اشمعنا بقى بنعتبر اللوجان رومانيه ومش بنعتبر الفلونس كوريه؟

انتو شاغلين دماغكو ليه تركى -كورى السيارة فى الاخر بتبقى تحت اشراف شركة رينو الفرنسية (الشركة الام) حتى لو كانت متقفلة فى الدويقة

المشاركة الأصلية كتبت بواسطة neversighs

ملحوظه اضافيه للرد على حضرتك :
الفلونس مش تصميم رينو فالاصل .. بالعكس الفلونس اصلا تصميم شركه سمسونج الكوريه ورينو اخدتو منها بتعديل فالشبكه الاماميه .؟

يا نفر ..رينو هى اللى مصممة الفلونس و العربية نزلت باسم رينو لاول مرة فى معرض فرانكفورت اللى فات .

و زى ما هو مكتوب فى الخبر اللى عندك تحت كدة .انها النسخة السيدان من الميجان 3 الجديدة هما بس غيرو الاسم عشان الميجان تحتفظ بالاسم للنسخة الهاتش باك فقط .

يعنى الفولنس هى ميجان 3 نس بتعديلات عشان تكون سيدان ..بالضبظ زى ما عملو فى الميجان2 السابقة و نزلت مصر , و على فكرة الفلونس ببتباع فى فرنسا كمان و دة مكنش متوفر فى السيدان السابقة .

لو انت قصدك ان الجانب الكورى هو اللى صمم النسخة السيدان ..دة احتمال صعب جدا لانة معنى كدة ان فرنسا حتخرج التصميمات الاصلية لبلد تانية و تطور عليها و دة صعب جدا انة يحصل لان التصميم الاصلى ملك رينو فقط ..و هو اللى بيخرج منة النسخة الاستيشن و النسخة الكوبية و اى نسخة بعد كدة ..

لازم نفس الفريق اللى صمم الميجان 3 هو اللى يعدل التصميم لاى نسخة اخرى ..و فى حالتنا دى دة حصل فعلا و العربية نزلت باسم رينو فى المعرض لاول مرة .

ممكن بقى التصميم دة يتصنع بعد كدة فى اى بلد تحت اشراف رينو و باى اسماء اخرى و دة اللى حصل و الفلونس بتتصنع فى تركيا و كوريا و يمكن كمان البرازيل و روسيا ...

Renault Fluence

على فكرة انا فاهم اللخبطة جاية منين ,لانى سامسونج السابقة كان الشاسية بتاعها من نيسان ..

لكن السامسونج الجديدة حيكون الشاسية بتاعها من رينو ميجان الجديدة ..عموما هى الشاسيهات بتاعت الشركتين "رينو و نيسان " بقيت متاحة لبعض .لكن بما ان الميجان تصميم جديد ..يبدو انهم قررو يعمموالتصميم على المودلات السيدان ..

يعنى تقدر تقول ان فى تعاون مع نيسان فى الفلونس دى و دة معروف و حتى الجير بوكس الجديد فى تعاوزن مع نيسان ..

يعنى الفلونس دى تصميم فرنسى بتكنلوجيا يابانى و تصنيع تركى و كورى ...حاجة كوكتيل خالص ..