الموضوع: هل تؤيد عمل تعديلات فى السياره

المشاركة الأصلية كتبت بواسطة Hossam.Hamdy

يا باشا كماليات كماليات مش مشكله......بس ماهو لما واحد يغير فى شكل الكبوت و الكصدامات و كساحات يبقى كده عدل...حوارات التعديل اللى بتقولو عليها لعب فى مواتير و فرامل و هيدرز و شكمانات ده عايز عربيه كانت ماتت و يصحيها تانى....معتقدش ان فى حد ممكن يجيب عربيه زيرو و يعمل فيها كده....
تغير شكل الفوانيس ده يعتبر تعديل ولا اكسسوار....

حسام باشا عامل ايه ياكبير.
..اسمحلى انا مش معاك خالص فى النقطه دى:)

...هديلك مثال
سيبك ياسيدى طيب من التعديلات اللى احنا بنعملها على المواتير والعفشه والفرامل وخلافه مادام الناس مابتقتنعش..وملحوظه عمر التعديل ماكان مرتبط بعربيه قديمه او جديده
مستعمله او زيرو

...ايه رأيك فى عربيات مرسيدس وبى ام دبليو على سبيل المثال من حيث الاداء والقوه
والثبات...اكيد مستوى عالى

طب تقدر تفسرلى ...ليه عربيات بالمستوى دا وبالثمن دا...تيجى شركات زى ...
برابوس...وamg و...هامان..
.وبمباركة الشركات الام كمان
وتعمل عليها تعديلات جزريه...نظام تعليق وموتور وفرامل وكللو...رغم ان كمان العربيات بتبقى نزله نسخ رياضيه اصلا...

تقدر تفسرلى لما تكون عربيه قوتها 500 حصان استاندرد وثمنها حوالى 5 -6 مليون..تاخدها شركة تعديل بموافقة الشركه الام...وتعمل عليها تعديلات بضعف تمنها...نظام تعليق وموتور وفرامل اكبر بردو
كمان...

ياباشا لا حدود للتعديل...وهاوى التعديل ...هيعدل عربيته حتى ولو كانت 1000 حصان وب10 مليون جنيه...بردو هيعددل فيها

انا عن نفسى عمرى ما تخيلت انى اركب عربيه استاندرد مهما كانت امكانيتها او تمنها

بصراحه مفيش استاندرد بيملى عينى !!!!.
..هى دى نظرة المعدلين عموما...

وكمان التظبيط والترويش حاجه.
.زى الفايبر والزينون والجنوط والفوانيس وخلافه
carz pimping or tuning

والتعديل حاجه تانيه خالص...ميكانيزم بحت
الشغل كلله بيكون على performance فقط
هو دا التعديل
modifications

وفى النهايه ياجماعه عشان تقدر نفرق
بين الاكسسوارات والتظبيط والترويش
وبين
التعديل
انا هقولكم حاجه بسيطه اوى تريحكم

اى حاجه ممكن تتعمل فى العربيه..
سواءا داخليه interior
او خارجيهexterior
..لا تضيف للعربيه سوى شكل جمالى فقط فهى تحت بند

(الاكسسوارات والتظبيط)


2-اى حاجه تتعمل فى العربيه تخدم ال performance
فهى تحت بند (التعدييييييييييييييييييي� �يييييل)
وشكرااااااااااااااااااااا اااا
وآسف للاطاله...